Yowane yona leta helabuina
Buka ta hededehemasalahana
Leta ta Yowane ye kuli, iya apostolo yo Yesu yona hekahekatao hesau. Huyakulina nuwana gonogonowana doha yona leta bagubagunana wa, bolimai 85 yo 95 AD luwadiyena.
Teina leta ta unai Yowane ekalesiya ye hededehesibasibadi bena se haigadogadosisiꞌuyoidi na se tolobayao sunuma unai. Yo ye guguyaidi tabu taulauhekatalupolupo se yogaisinidi na se saguidi.
1
1 Leta ta tauwoyawoya unai ye laowa sinebada kaikaisunuwaina yo natunao kalimiuyena.** Yowane hedehedede wadawadamna ye hepaisowa. Sinebada kaikaisunuwaina meta dubu Yaubada ye kaisunuwai wa, na natunao ede dubu tamowaidiyao. Ya gadosisikaliliyeigomiu, na nige yau ya bom mo, na hinage kaiteyadi hedehedede mamohoina** Hedehedede mamohoinameta ewaneliya o wasa namwanamwana o Yaubada wasana. Huyana Yowane buka ta ye kuli meta kalina Giliki unai ye kuli, na kalina ne unai se kuli mamohoi, na nige se kulihemasalaha bena hedehedede mamohoina o tamowai mamohoina o Yaubada mamohoina o saha hesau mamohoina. kabina se kata, meta se gadosisiyeigomiu. 2 Ka gadosisiyeigomiu matawuwuna hedehedede mamohoina ye miya nuwadaena mayadai ta unai yo ye miya nige kana siga.
3 Yaubada Tamana yo iya Natuna Yesu Keliso yodi kabinamwa, katekamkamna, yo nuwadaumwali kabo se miya kalidaena, maiyadi hedehedede mamohoina yo gadosisi.
4 Ya gwauyalakalili matawuwuna natumwao hekadiyo ya lobaidi hedehedede mamohoinaena se miyamiya, doha Tamada ye guguyaida. 5 Na sinebada, mayadai ta unai ya kaibwadaigo bena ta haigadogadosisiꞌuyoida. Teina nige laugagayo hauhauna ya kuliyawa kalimyena; laugagayona ne nabada wa unai ta lapuiyako. 6 Gadosisi ta kaniyona ede Yaubada yona laugagayo bena ta kawakabiyeidi yoda laulau maudoidi udiyedi. Laugagayona ede huya bagubagunana unai kwa lapuiyako, meta gadosisiyena kwa laulau. 7 Yogu hedehedede ta kaniyona ede taukailupolupo gwaudi se laoko tanoubu tehana maudoidi udiyedi, na se hedede meta Yesu Keliso iya nige buluma unai ye laoma. Tamowaidi ne, siya taukailupolupo yo Keliso tauhewahewaiununa. 8 Kwa kitanamwanamwa, madai yoda paisowa maisana kwa palei, na bena yomi kainauya maudoina kwa haihegehe. 9 Kaiteya Keliso wasana lauhekatana ye dikwai na nige unai ye miya, meta nige Yaubada ye hai. Na kaiteya lauhekata ne unai ye miya meta Tamana yo Natuna ye haidiko iya kalinawai. 10 Ena tamowai hesau ye laowa kalimiuwai, na nige lauhekata dudulaina ne ye baheiyawa, tabu ku woyawoyasaei yom numaena yo tabu ku laulautokiyei. 11 Matawuwuna ede ena kaiteya ye hailobai meta iya yona paisowa yabayababana ne unai tauhaisagusagu.
12 Ginauli se bado bena yomiu ya hedehedede, na nige ya henuwa bena kulikuli unai. Na yogu nuwatu ede bena ya kaitaumanaigomiu na ta kitakitaꞌuyoida na yoda ta hedehedede, to bena gwauyala lakilakina kalidaena.
13 Kam kaha kaikaisunuwaina natunao yodi lautoki se hetamalidiwa.
**1:1: Yowane hedehedede wadawadamna ye hepaisowa. Sinebada kaikaisunuwaina meta dubu Yaubada ye kaisunuwai wa, na natunao ede dubu tamowaidiyao.
**1:1: Hedehedede mamohoinameta ewaneliya o wasa namwanamwana o Yaubada wasana. Huyana Yowane buka ta ye kuli meta kalina Giliki unai ye kuli, na kalina ne unai se kuli mamohoi, na nige se kulihemasalaha bena hedehedede mamohoina o tamowai mamohoina o Yaubada mamohoina o saha hesau mamohoina.