5
Buka nokunokuna yo Mamoe Natuna
Na kabo telona unai tautuli wa ya kita na nimakahatuna ne unai buka nokuna, na teha labui ne udiyedi meta kulikulidiyao. Na buka nokuna wa unai dedeli haligigi-labui. Yo anelu gigigigibwalina ya kita kalina lakilakina unai ye udaꞌudai ye wane, “Kaiteya yona dudulai gonogonowana kabo dedeli haligigi-labui ne ye haigabaedi na buka nokuna ne ye soke?” Na nige hesau galewa o tanoubu o tauboiboita yodi magai unai gonowana buka wa ye soke na ye hasili. Ya doukalili, matawuwuna nige hesau yona dudulai gonowana buka nokuna wa ye soke na ye hasili. Kabo babadao wa kadi kaha hesau ye hededelaoma kaliguwai ye wane, “Tabu ku doudou! Sola Laiyoni** Laiyoni kaniyona ede iya tauwoyawoya gigigigibwalikalilina. ne ku kita! Yuda kana boga unai ye laoma, yo iya Dawida kana isimulita saesaekalilina. Iya kana waiunu maudoidi ye saedikwaidiko, unai gonowana dedeli haligigi-labui ne ye haigabaedi na buka nokuna ne ye soke.”
Kabo Mamoe Natuna ya kita kana kao doha se unuhemwaloiyako ye totolo duwaduwali ne unai telona wa kawamatanawai. Iya meta ginauli maumaulidi hasi yo babadao wa se tolohetakikili. Yo donana** Donana haligigi-labui kaniyona ede Yaubada yona bayao yo yona gigibwali se heyaheyasoniyei. haligigi-labui kuluna ne unai. Yo hinage matana** Matana haligigi-labui meta udiyedi kabo gonowana ginauli maudoidi ye kitadi yo kabidi ye kata. haligigi-labui, siya meta yaluwa haligigi-labui Yaubada ye hetamalidi se lauko tanoubu maudoidi udiyedi. Ye sae ede telona unai taututuli wa nimakahatuna unai buka nokuna wa ye hai. Na huyana ye hai meta ginauli maumaulidi hasi yo babadao 24 wa se guliyaboyabomdobi Mamoe Natuna matanawai. Na maudoidi nimadiyena meta hapu yo gaeba gole, meta udiyedi inisenisi se mwayau. Inisenisi ta meta Yaubada yona tamowai yodi tapwalolo. Yo wana hauhauna se wanai se wane,
“Mamoe Natuna! Kowa ku bom mo gonowana buka nokuna wa ku hai
yo dedelina ne ku haigabaedi.
Matawuwuna kowa se unuhemwaloigo,
yo kwasinam unai tamowai ku hemaisahaidi se hemala Yaubada yona tamowai.
Siya meta boga, kalina, dahi, yo basileiya udoiꞌudoi udiyedi se laoma.
10 Tamowai wa ku kaisunuwaidi bena se hemala yom basileiya bodana
yo yoda Yaubada yona taukaitalasam,** Taukaitalasam nuwanuwatuna ku hasili Hemasalaha 1:6hededehemasalahana unai.
yo tanoubu ta maudoina kabo se tanuwagai.”
11 Kabo hinage anelu gwaudi nige gonowana ta hasilihegehedi ya kitadi yo kalinadi ya lapuidi. Siya duwaduwali ne unai telona yo ginauli maumaulidi yo babadao wa se tolohetakikilidi.
12 Se wana ma kalinalakilakidi se wane,
“Mamoe Natuna! Kowa se unuhemwaloigo.
Kowa ku bom mo gonowana kabo yom gigibwali, wasawasa, sibasiba, yo bayao yo kam kao saesaena mamohoina debadiwai ka hedebasaego yo ka hekasisiyeigo.”
13 Kabo ginauli maudoidi galewa, tanoubu ta yo tauboiboita yodi magai udiyedi yo gabwa luwadiyena, siya ede ginauli maudoidi maumaulidi Yaubada ye hetubudi wa, kalinadi ya lapuidi se wanawana se wane,
“Kowa telona unai tautuli yo Mamoe Natuna,
ka hedebasaegomiu yo ka hekasisiyeigomiu,
yo kami kao saesaedi mamohoidi yo yomi tanuwaga gigibwalina debadiwai ka tabaꞌohuigomiu ye lau ee nige kana siga.”
14 Kabo ginauli maumaulidi hasi wa se wane, “Mamohoi”, yo babadao wa se guliyaboyabomdobi na Yaubada yo Mamoe Natuna wa se kaihelahuidi.

**5:5: Laiyoni kaniyona ede iya tauwoyawoya gigigigibwalikalilina.

**5:6: Donana haligigi-labui kaniyona ede Yaubada yona bayao yo yona gigibwali se heyaheyasoniyei.

**5:6: Matana haligigi-labui meta udiyedi kabo gonowana ginauli maudoidi ye kitadi yo kabidi ye kata.

**5:10: Taukaitalasam nuwanuwatuna ku hasili Hemasalaha 1:6hededehemasalahana unai.