1 Hay babon lotà kateng kaganawan anti bayri ay ikon nin Pangino-on; talagan hiya ya ma-in ikon nin babon lotà kateng ampipampa-iri bayri. 2 Habayti ya babon lotà ay pinalwa na nin nangibat ha lalè nin lawlanom, ta habayti ay impondasyon na ha lalè nin dawdagat.

3 Hinoy karapatdapat mako ha bakil nin Pangino-on, boy hinoy karapatdapat nin lomo-ob ha masagradoy dogal na? 4 Hay karapatdapat bayro ay tawoy mahampat ya gawgawà, malinis ya pagnanakem, ahè anhomamba ha alwan peteg diyos, boy ahè ampangipilit nin hay malì ay tamà. 5 Hay tawoy ombayro ay makatanggap nin kahampatan ya mangibat ha Pangino-on, boy halita-en nin Diyos ya Mapangilibri ya habaytoy tawo ay ayin ginawà ya mala-et. 6 Hay ombayroy tawtawo ay angkahabek ha Diyos ya pinahimala-an ni Hakob.

7 Hay polta nin paghambawan ay pakalo-atan emen hay Arì ya ahè mapantayan ay pomahok. 8 Hino bayti ya Arì ya ahè mapantayan? Hiya ay Pangino-on ya makhaw boy makapangyariyan; hiya ay Pangino-on ya makapangyariyan ha labanan.

9 Hay polta nin paghambawan ay pakalo-atan emen hay Arì ya ahè mapantayan ay pomahok. 10 Hino bayti ya Arì ya ahè mapantayan? Hiya ya Pangino-on ya ampama-alà ha kaganawan; hiya ya Arì ya ahè mapantayan.