1 Hin anti ko ha kagipitan ay dinoma-ing ako ha Pangino-on boy nilengè na ko. 2 Pangino-on, ilibri mo ko ha gawgawà nin mangabongkok boy mawmanloloko.

3 Hikawoy mangabongkok, anyay gaw-en nin Diyos komoyo, boy anyay iparosa na komoyo? 4 Hikawo ay parosawan nan pana-en nin matarem ya yawò, boy parosawan na kawo ha pagka-amot ya pinabayay oling.

5 Hay pamakipa-iri ko komoyo ay bilang akon nakipa-iri ha tawtaga Misik boy tawtaga Kidar ya tawtawoy katowà ya ogalì; kayà hiko ay ka-ingalo. 6 Sobray boyot nin pamakipa-iri ko ha tawtawoy angka-inakit ha katinekan. 7 Hay labay ko ay katinekan, piro no anhalita-en ko konla ya tongkol ha katinekan, hay anhalita-en la itaman ay tongkol ha kagolowan.