1 Cwale haiva Ireza ava mivusi ni Keresite, mu gane zintu zo kwi wulu, uko Kerisite wikere kwi yanza lye chilyo lye Ireza. 2 Muhupule cha zintu zina mwi wulu, isiñi che zintu za hefasi. 3 Kakuli muva fwi, mi vuhalo bwenu vupatitwe ni Keresite mwa Ireza. 4 Hate na voneke Keresite, iye vuhalo bwenu, cwale kamu voneke naye mwi nkanya. 5 Muvike kwifu, cwale, zilama zina hasi- vushahi, kusa jolola, kusava ni chishemo, itakazo imbi, ni ku lya ahulu, ili maswaniso. 6 Ivali njezi zintu kuti vukali bwe Irea vu kezite ha vaana swisu vasa zuwi. 7 Njimona mwezi zintu nanwe ha imwi inako mumu va yendi hamuvali kuhala muzili. 8 Kono hanu inwe muswanera kusoha zonse izi zintu- vukali, vuvengi, mihupulo mivi, kutukana ni ziyambo zivilala kuzwa mu milomo yenu. 9 Kanji mukuli chenganga, akubona muva cupuli muntu wakale ni nkezo zakwe, 10 mi ci muva zwati muntu muhya unzo yo chafazwa mwi ngana cho kuya che chiswaniso chozo yenke yava chivumbi. 11 Ichi njaho kakusina Mugerike ni Mujunda, womupato ni yasali wamupato, mubabaria, Sisenia, mutanga, yolukuluhite, kono Keresite nji yense, mi wina muzonse. 12 Muzwate, cwale, sina va ketiwa ve Ireza, kuchena ni sakiwa, vali tovohete, mañeke, kusalitundula, inse, ni kusavenga. 13 Mukwaterane zumwi cha zumwi. Muve ni musa kuzumwi ni zumwi. Haiva zumwi wina impiraero kuamana ni zumwi, muswalere mwi nzira iswana mwava kuswaleleri Simwine. 14 Hewulu wezi zonse zintu, muve ni rato, ili icho chisuminiso che kuvahande. 15 Muzuminine i nkozo ya Keresite kuvusa mwi nkulo zenu. ivali cheyi kozo hamuva sumpiwa mumuviri umwina. Mi mulitumere. 16 Muzuminine linzwi lye keresite lihale mwenu cho vufumu. Cho vutali vonse murute mi mususuweze zumwi ni zumwi cha lisamu ni zimbo ni zimbo zo luhuho. Muzimbe cho vulitumero mwi nkulo zenu kwe Ireza. 17 Mi chose chimupanga, muma nzwi ni mwi kenzo, mupange zonse mwizina lya Simwine Jesu. Muhe vulitumero kwe Ireza ishetu chakwe. 18 Vafumahali, mulivike kusi yiva mwihenwanu, sina haili iswanero kwa Simwine. 19 Veshetu, musake vafumahali venu, mi kanji muvi ni vuvengi kuamana navo. 20 Vahwire, muzuwe ziva miwambira vashemi venu muzintu zonse, kaukili ichi chi tavisa kwa Simwine. 21 Veshetu, kanji muvengisi vanenu, iri kuli kanji va zwafi. 22 Vatanga, muzuwe vamiyendisa cho kuya chenyama muzintu zonse, isiñi cha musevezi wa menso sina vatavisa vantu, kono che nkulo yavuitumero. Mutiye Simwine. 23 Chonse cho panga, usevezekuzwirira kumuhupulo sina kwa Simwine mi isiñi cha vantu. 24 Mwinzi kuti kamu tambule kwa Simwine impo zo kuyola. Ji Simwine Keresite uzo umusevereza. 25 Uzo yense yo mpanga zisalukite zava pangi, mi kakwina chilivonda.