Taarikey citaabu jinaa
Citaaboo fahamandiroo
Boroyaŋ ga hongu kaŋ sargari juwalkaa Esdras ka Taarikey citaabu jinaa nda ihinkantoo hantum. Izirayel borey kaa ka hun Babiloŋ, nga banda ga, citaabu jinaa woo hantumandi, ka cebe borey se kaŋ boro ma dira ka sawa nda Irkoy yaamarey, nafa goo a ra. Boro ga dii kaŋ Taarikey citaabu jinaa ga hayayaŋ har kaŋ goo Samiyel citaaboo hinkantoo ra.
Haya beeri hinka goo Taarikey citaabu jinaa ra:
Ijinaa ti, a ga Izirayel borey maaɲey har ir se, kʼa zaa za ngi hayragey waati ka koy hala borey dii ka koy nda ey waatoo ra, nda borey kaŋ willi kate Žuda gandaa ra koyne waatoo ga.
Ihinkantoo ti, a ga šelaŋ ir se kokoyoo Dawda nda nga hoyrawey Irkoy hugoo cinayanoo, nda sargari juwalkey, nda Lewi borey goy takaa ga. Kokoyoo Sulaymaana na Irkoy hugoo cin, amma Dawda ka goyoo hayey soolu hala a ga buu.
Citaaboo woo ga hin ka zamnandi zamna taaci:
1. Izirayel borey hayragey maaɲey (zamna 1na—9to).
2. Kokoyoo Sawul buuyanoo (zamna 10to).
3. Fillawey kaŋ ga šelaŋ kokoyoo Dawda ga (zamna 11to—21to).
4. Irkoy hugoo cinayanoo nda sargari juwalkey kaŋ ti Lewi borey šennoo (zamna 22to—29to).
1
Izirayel borey hayragey maaɲey, kʼa dii za Adama ga ka koy Sem ga
1 Adama ti Set baaba, Set ti Enoš baaba, 2 Enoš ti Kenaŋ baaba, Kenaŋ ti Malalel baaba, Malalel ti Yered baaba, 3 Yered ti Henok baaba, Henok ti Metusala baaba, Metusala ti Lemek baaba, 4 Lemek ti Nuhu baaba, Nuhu ti Sem, nda Šam, nda Žafet baaba.
5 Žafet izʼarey ti: Gomer, nda Magog, nda Maday, nda Yawaŋ, nda Tubal, nda Mešek, nda Tiras. 6 Gomer izʼarey ti: Aškenaz, nda Difat*1.6 «Difat», hantum fooyaŋ ga nee «Rifat», Sintinoo 10.3., nda Togarma. 7 Yawaŋ izʼarey ti: Eliša, nda Tarsis, nda Kiti borey, nda Rodaŋ borey.
8 Šam izʼarey ti: Kuš, nda Misirayim, nda Put, nda Kanaŋ. 9 Kuš izʼarey ti: Seba, nda Hawila, nda Sabata, nda Raama, nda Sabateka. Raama izʼarey ti: Saba nda Dedaŋ. 10 Kuš na Namuruz mo hay. Namuruz ti boro jinaa kaŋ tee wongaari laboo ga. 11 Misirayim ti Lud borey hayragoo, nda Anam borey, nda Lehab borey, nda Naftuwa borey, 12 nda Patrus borey, nda Kasalu borey, nda Kaftor borey. Filisti borey mana hun kala Kasalu borey ga. 13 Kanaŋ na Sidoŋ hay, nga ti nga izʼaru jinaa, nga duma ga, a na Heti hay. 14 Nga ga Žebus borey, nda Amor borey, nda Girgaši borey, 15 nda Hewi borey, nda Arki borey, nda Sini borey, 16 nda Arwad borey, nda Semar borey, nda Hamat borey hun.
17 Sem izʼarey ti: Elam, nda Ašur, nda Arfazad, nda Lud, nda Aram, nda Utus, nda Hul, nda Geter, nda Mešek. 18 Arfazad na Šela hay, Šela na Eber hay. 19 Eber duu izʼaru hinka. Affoo maaɲoo ti Peleg (maanaa «zamna»), zama nga waatoo ra laboo zamnandi. Armaa maaɲoo ti Yokutaŋ. 20 Yokutaŋ na Almodad hay, nda Šelef, nda Hasarmawet, nda Yera, 21 nda Hadoram, nda Uzal, nda Dikla, 22 nda Ebal, nda Abimayel, nda Saba, 23 nda Ofir, nda Hawila, nda Yobab. Wey kul manʼti kala Yokutaŋ izʼaruyaŋ.
24 Sem ti Arfazad baaba, Arfazad ti Šela baaba, 25 Šela ti Eber baaba, Eber ti Peleg baaba, Peleg ti Rehu baaba, 26 Rehu ti Serug baaba, Serug ti Nahor baaba, Nahor ti Tera baaba, 27 Tera ti Abram baaba, Abram kaŋ maaɲoo bere ka tee Ibirahima.
28 Ibirahima izʼarey ti Isiyaka nda Isimayel. 29 Ngi hayrey ne: Isimayel izʼaru jinaa ti Nebayot, nga banda ga, Kedar, nda Adbel, nda Mibsam, 30 nda Mišma, nda Duma, nda Masa, nda Hadad, nda Tema, 31 nda Yetur, nda Nafiš, nda Kedma. Wey ti Isimayel izʼarey.
32 Wahayoo kaŋ Ibirahima nʼa zaa wande, kaŋ ti Ketura, na Zimram hay, nda Yokušaŋ, nda Medaŋ, nda Majaŋ, nda Yišbak, nda Šuwa. Yokušaŋ izʼarey ti Saba, nda Dedaŋ. 33 Majaŋ izʼarey ti: Efa, nda Efer, nda Hanok, nda Abida, nda Elda. Wey kul ti Ketura izeyaŋ nda nga haamayaŋ.
34 Ibirahima na Isiyaka hay. Isiyaka izʼarey ti: Eso nda Izirayel†1.34 Izirayel da ti Yakuba.. 35 Eso izʼarey ti: Elifaz, nda Rehuwel, nda Yehuš, nda Yalam, nda Kora. 36 Elifaz izʼarey ti: Temaŋ, nda Omar, nda Sefi, nda Gatam, nda Kenaz, nda Timna, nda Amalek. 37 Rehuwel izʼarey ti: Nahat, nda Zera, nda Šamma, nda Miza. 38 Seyir izʼarey ti: Lotaŋ, nda Šobal, nda Siboŋ, nda Ana, nda Dišoŋ, nda Eser, nda Dišaŋ. 39 Lotaŋ izʼarey ti: Hori, nda Homam. Lotaŋ woymaa ti Timna. 40 Šobal izʼarey ti: Aliyaŋ, nda Manahat, nda Ebal, nda Šefi, nda Onam. Siboŋ izʼarey ti: Aya nda Ana. 41 Ana izʼaroo ti Dišoŋ. Dišoŋ izʼarey ti: Hamraŋ, nda Ešbaŋ, nda Yitraŋ, nda Keraŋ. 42 Eser izʼarey ti: Bilhaŋ, nda Zawaŋ, nda Yakaŋ. Dišaŋ izʼarey ti: Utus nda Araŋ.
Edom gandaa kokoyey nda nga alkabiilawey boŋkoyney
(Sintinoo 36.31–43)
43 Za kokoy mana Izirayel borey laama, kokoyey kaŋ laama Edom gandaa ra maaɲey ne: Bewor izʼaroo Bela, nga koyraa maaɲoo ti Dinhaba. 44 Waatoo kaŋ Bela buu, Zera izʼaroo Yobab kaŋ ga hun Bosra huru dogoo ra. 45 Waatoo kaŋ Yobab buu, Hušam huru dogoo ra, a si hun kala Temaŋ borey gandaa ra. 46 Waatoo kaŋ Hušam buu, Bedad izʼaroo Hadad huru dogoo ra. Nga no ka Majaŋ borey kar ka hin ey Mowab gandaa ra. Nga koyraa maaɲoo ti Awit. 47 Waatoo kaŋ Hadad buu, Samla kaŋ ga hun Masreka huru dogoo ra. 48 Waatoo kaŋ Samla buu, Šawul kaŋ ga hun Rehobot isaa‡1.48 Isaa no kaŋ se i ga nee Efrat. miɲoo ga huru dogoo ra. 49 Waatoo kaŋ Šawul buu, Akbor izʼaroo Bal-Hanaŋ huru dogoo ra. 50 Waatoo kaŋ Bal-Hanaŋ buu, Hadad huru dogoo ra, nga koyraa maaɲoo ti Payi. Wandoo maaɲoo ti Mehetabel. Mehetabel ti Matred ize woy, Matred ti Me-Zahab ize woy.
51 Hadad buuroo banda ga, borey kaŋ tee Edom gandaa boŋkoyney ti: Timna, nda Alwa, nda Yetet, 52 nda Oholibama, nda Ela, nda Pinoŋ, 53 nda Kenaz, nda Temaŋ, nda Mibsar, 54 nda Magdiyel, nda Iram. Wey no ka tee Edom gandaa boŋkoyney.