2
Isa kanjandiyanoo šennoo
1 Agʼarmey, agay hunday, waatoo kaŋ ay koy war do, ya na koy nda šenni kaanay wala lakkal ka Irkoy sirroo*2.1 «Irkoy sirroo», hantum fooyaŋ ga nee «Irkoy meešennoo». bayrandi war se, 2 zama ay kayandi kaŋ war game, ay si baa ya haya kul bayrandi nda manʼti Isa Almasihu, Isa Almasihu kaŋ kanjandi. 3 Agay, ay cindi war game, ay ga yalaafu, ay ga hunbur, ay ga hanse ka jijiri. 4 Ay šennoo nda ay waazoo mana harandi nda [šenni] kaanay nda adamize lakkal, a diyandi kaaray Irkoy Hundoo nda nga hinoo albarkaa ra, 5 hala war naanaa masi jer adamize lakkaloo ga, a ma jer Irkoy hinoo ga.
Irkoy no ma lakkal cimoo noo
6 Woo kul ra, borey kaŋ tee ka timme Irkoy fondaa ra, ir ga lakkal cawandi i se, amma manʼti zamanoo woo lakkaloo no, manʼti zamanoo woo hinikoyney†2.6 Hinikoyney manʼti kala hinikoyney kaŋ boro ga dii ey nda wey kaŋ boro si dii ey. no kaŋ ga bisa. 7 Amma Irkoy lakkaloo kaŋ ti sirri no ir gʼa har. Irkoy na lakkaloo woo soolu za aduɲɲa mana tee hala ir ma huru daržaa ra. 8 Zamanoo hinikoyney‡2.8 Sorro 3to. sii no kaŋ ga lakkaloo woo bay. Nda a gar i nkʼa bay i sʼir Koy daržantaa kanji. 9 Sanda takaa kaŋ nda a hantumandi Citaaboo ra ka nee:
«Haya kaŋ moo mana dii a,
de mo haŋa mana maarʼa,
haya kaŋ adamize binoo mana bay kʼa miile,
woo ti hayaa kaŋ Irkoy nʼa soolu borey se kaŋ ga bagʼa.»§2.9 Ezayi 64.3; 52.15.
10 Amma Irkoy na hayey wey bangandi ir se nga Hundoo albarkaa ra, zama Irkoy Hundoo ga haya kul fesufesu, ba Irkoy hayey kaŋ ga guusu. 11 Adamizey ra, may no ma hayey bay kaŋ goo adamize ra nda manʼti adamize hundoo kaŋ goo a ra? Takaa din da boro kul si hayaa bay kaŋ goo Irkoy ra nda manʼti Irkoy Hundoo. 12 Ir, ir mana duu aduɲɲa lakkaloo, Hundoo kaŋ hun Irkoy do no ir duu a, hala ir ma duu ka hayey bay kaŋ Irkoy nʼi noo ir se yaada. 13 Ir ga hayey wey har nda šenni kaŋ adamize lakkaloo sʼa cawandi, Irkoy Hundoo no mʼa cawandi. Woo ra ir ga Irkoy Hundoo hayey fahamandi borey se nda šenney kaŋ hun Irkoy Hundoo do.
14 Adamize kaŋ si hongu nda kala nda adamize takaa, si Irkoy Hundoo hayey dii, nga se hollokomtaray no, a si hin ka faham i se, zama Irkoy Hundoo albarkaa ra boro gʼi kaa cere ra. 15 Boro kaŋ ra Irkoy Hundoo goo ga haya kul fesufesu, amma nga, boro kul si nga lakkaloo fesufesu, 16 zama:
«May no mʼir Koyoo miilewey bay,
hala a ma hin kʼir Koyoo cawandi?»*2.16 Ezayi 40.13.
Amma ir, ir duu Almasihu miilewey.