2
Tondi hunantaa nda jama henanantaa
1 Woo maaganda se war ma laalay kul nda zanbayan kul naŋ, nda almunafikitaray, nda canseyan, nda cere maahasaraw kul. 2 Sanda zanka taanayaŋ wa hanse ka baa waa cimoo*2.2 Waa cimoo manʼti kala Irkoy meešennoo. hala a ma duu ka war ka beeri hallasiroo se, 3 nda «war nʼir Koyoo taba kaŋ a ga boori»†2.3 Zabur 34.9..
4 Wa man a, tondi hunantaa no, adamizey mana yadda a ga, amma a suubandi, nga hayoo ga boobo Irkoy do. 5 War hunday mo, sanda tondi hunanteyaŋ wa huru hugoo cinaroo ra kaŋ ra Irkoy Hundoo ga kaa ka goro, ka tee sargari juwalkaw margari henanante, ka sargari kaa ka sawa nda Irkoy Hundoo kaŋ ga kan Irkoy se Isa Almasihu albarkaa ra. 6 Zama a hantumandi Citaaboo ra ka nee:
«Nga ne, ay ga hugoo kanjoo tondi foo
kanandi Siyoŋ koyraa ra.
Tondi suubante no kaŋ hayoo ga boobo.
Boro kaŋ naanay a si haw hala abada.»‡2.6 Ezayi 28.16.
7 War kaŋ naanay a, hayoo ga beeri war se, wey kaŋ mana naanay a,
«tondoo kaŋ cinakey nʼa fur,
nga no ka tee hugoo kanjoo tondoo.Ȥ2.7 Zabur 118.22.
8 Koyne mo
«tondoo no kaŋ ga boro cewoo ga cabu,
tondoo no kaŋ ga boro kaŋandi.»*2.8 Ezayi 8.14.
Cewey ga cabu, zama i mana haŋajer Šennoo se, woo ti haya kaŋ kayandi ka duu ey.
9 Amma war, war manʼti kala dumi suubante, «Kokoyoo sargari juwalkey, ganda henanante»†2.9 Fattaroo 19.6 guna., jama kaŋ ti Irkoy wane, hala war ma haya beerey deede kaŋ a nʼi tee war se, nga kaŋ na war cee ka war kaa kubaa ra ka war daŋ nga gaay hennaa ra.
10 War kaŋ waatoo din «war manʼti jama»‡2.10 Alhukumoo 32.21.,
amma sohõ war tee Irkoy jamaa,
war kaŋ «mana duu tamallayan»§2.10 Oze 2.1, 23, 25.,
amma sohõ war duu tamallayan.
Wa haŋajer Irkoy se, war ma haŋajer boŋkoyney se
11 Ay baakey, ay ga war hoyray, war kaŋ manʼti kala sanda naarukawyaŋ nda yawyaŋ, war ma war boŋ dii boonawey ga kaŋyaŋ ga hundi wongu. 12 War ma dira nda taka henna borey kaŋ si Irkoy bay jine, hala waati kaŋ i ga war maaɲey hasara ka nee kaŋ war manʼti kala goy futu teekawyaŋ, i ma Irkoy beerandi war goy henney kaŋ i ga dii ey sabbu se han kaŋ a kaa i do.
13 Yaamar kul kaŋ adamizey nʼa gorandi war ma war boŋ yeeti a se ganda ir Koyoo sabbu se, a ma tee kokoyoo kaŋ kone hini beeroo goo, 14 wala a ma tee gofornerey sanda borey kaŋ kokoyoo nʼi sanba i ma goy futu teekey zukandi ka goy henna teekey saabu. 15 Irkoy ibaayoo ti war ma goy henna tee ka lakkal jaŋantey kaŋ si haya bay miɲey daabu. 16 Wa tee borcinyaŋ bila nda war ma borcintaraa din tee haya kaŋ ga laalay daabu. Wa goy sanda Irkoy tamyaŋ. 17 Wa adamizey kul beerandi, wa baa war armey, wa hunbur Irkoy, wa kokoyoo beerandi.
Almasihu zarabi ka himakasinay naŋ ir se
18 War, goykaw-izey, wa yee war jineborey se ganda nda beeray timmante, manʼti wey din hinne kaŋ ga hennay i ga boori, amma ba wey kaŋ ga šendi. 19 Zama anneema no boro ma zarabi haya ra kaŋ a si hima nda a, ka goy futu muɲe Irkoy hunburay maaganda se. 20 Macin beeray bara war se ka barzu muɲe zunubu se? Amma nda war ga muɲe ka goy henna tee nda ka zarabi, anneema no boraa se Irkoy do. 21 Woo ti hayaa kaŋ se war ciyandi, zama Almasihu mo nka zarabi war se, a na himakasinay naŋ war se kaŋ war mʼa guna kʼa tee.
22 «Nga kaŋ mana zunubu tee,
dargari mana bay ka hun miɲoo ra.»*2.22 Ezayi 53.9.
23 Nga kaŋ i nʼa wow, amma a manʼa bana,
a zarabi, amma a mana zahã,
a nka nga boŋ talfi ciitikaw šerrantaa ga.
24 «Nga kaŋ nʼir zunubey jeeje nga kunturoo ga»
ka kanjandi bundoo ga,
hala zunubu tenje ir ma buu ka huna šerretaraa se.
«Nga marayyaney ka war noo baani.
25 Zama war cindi ka dere sanda feejiyaŋ»†2.24–25 Ezayi 53.4–6.,
amma sohõ war yee kate kurkaa
nda war hundey talfikaa do.