Abadantaa no ay nʼa cee ay zaraboo ra,

a nʼay zaabi.

2 Abadantaa, ay hundoo hallasi kʼa kaa taariharkey kabey ra,

deene dargantey ra.

3 Macin no deene dargante gʼa noo ma ne?

Macin no a gʼa hanse ma ne?

4 Wongaari biraw-ize mee kaanayaŋ nda denji cirayyaŋ,

wey ti war banaa.

5 Ay bone kaŋ ay taabuši Mešek gandaa ra,

ka goro Kedar gandaa hukkumey game.

6 Ay gay ay ga goro borey bande

kaŋ ga konna alaafiyaa.

7 Agay, nda ay šelaŋ ka alaafiyaa ceeci,

ngi, i ga wongu ceeci.