Nda manʼti Abadantaa ka hugoo cin,

borey kaŋ gʼa cin mma goy yaada tee.

Nda manʼti Abadantaa no ma koyraa lakkal,

boraa kaŋ gʼa lakkal mma yaada hanna tee.

2 Yaada ti war ga tun subbaahi biya, war ga gay hala war ga kani,

war ga taabi ka duu war meehunaa,

ka gar a ga nga baakaa noo hayey kaŋ ga a ga too ka gar a goo ma jirbi.

3 Guna, ize manʼti kala tubu kaŋ Abadantaa gʼa noo,

a gʼa noo sanda sufuray.

4 Sanda biraw-ize kaŋ goo wongaari kabe ra,

takaa din da ti soogataray izey.

5 Boraa duu gomni kaŋ na nga tongoo too.

A si haw

waati kaŋ nga nda nga iberey ga šelaŋ koyraa miɲoo ga.