Ay goo guusu beeriyaŋ ra kaŋ ay ga ni cee, Abadantaa.

2 Abadantaa, haŋajer ay jindoo se!

Yala ma haŋajer ay suurandiyaney se.

3 Abadantaa, nda a gar ni mmʼir laybey guna,

ay Koyoo, may no ma hin ka kay ni jine?

4 Amma ni do yaafayan ga duwandi

hala borey ma hunbur ni.

5 Ay ga naata Abadantaa ra, ay hundoo ga naata,

ay ga naata nga meešennoo ga.

6 Ay hundoo gʼay Koyoo batu

ka bisa takaa kaŋ nda koyraa lakkalkey ga subbaahoo kaayanoo batu,

koyraa lakkalkey ga subbaahoo kaayanoo batu.

7 Izirayel, ma Abadantaa batu!

Zama borohennataray si duwandi kala Abadantaa do,

de mo feeriyan beeri goo a do.

8 Nga no ma Izirayel feeri

ka hun nga laybey kul ra.