132
Kokoyoo koyraa
1 Woo ti žigiyanoo dooni foo.
Abadantaa, hongu Dawda,
hongu nga zaraboo kul.
2 A žee Abadantaa se,
ka meefur zaa Hinikoyoo kaŋ ti Yakuba Koyoo se ka nee:
3 «Ay si huru ay hugoo ra,
ay si žigi daaroo boŋ kaŋ ga ay ga kani,
4 ay si naŋ jirbi ma huru ay moɲey ra,
ay si naŋ ay moɲey ma dusungu
5 hala waati kaŋ ay duu doo Abadantaa se,
ka duu gorodoo Hinikoyoo kaŋ ti Yakuba Koyoo se.»
6 Ir maa Abadantaa sundukoo šennoo Efrata koyraa ra*132.6 Taarikey 1na 28.2.,
ir duu a Yar†132.6 Kiryat-Yarim maa faa no, Samiyel 1na 7.1. koyraa hawsawey ra.
7 Ir ma koy nga gorodogoo ra,
ir ma sujudu nga cee-jisidogoo jine.
8 Abadantaa, tun ma kaa ni hunanzamdogoo ra,
ni nda sundukoo kaŋ ga ni gaaboo cebe.
9 Yala ni Sargari juwalkey šerretaray ma tee i se bankaaray,
ni ganakey ma kaati nda ɲaali.
10 Ni tamoo Dawda sabboo se,
masi ni suubantaa kaŋ yonandi fur!
11 Abadantaa žee nda cimi Dawda se,
a si willi kate a ga,
a nee: «Ni hayroo boro foo no
ay gʼa gorandi ni fuulaa ra.
12 Nda ni izey ga agay amaanaa nda ay seedetaraa dii
kaŋ ay nʼi cawandi i se,
ngi izey mo ga goro hala abada
ni kokoytaray fuulaa ra.»
13 Zama Abadantaa na Siyoŋ koyraa suuba,
a kan a se nga mʼa tee nga gorodogoo.
14 A nee: «Ay hunanzamdogoo no hala abada,
ay ga goro no din, zama a kan ya ne.
15 Ay ga albarka daŋ nga almanoo ra,
ay ga nga talkey kungandi nda ŋaayan.
16 Yala nga sargari juwalkey hallasiyanoo ma tee i se bankaaray,
de nga ganakey ma kaati nda ɲaali.
17 No din ra, ay ga gaabi tunandi Dawda se,
ay ga fitilla jisi ay suubantaa kaŋ yonandi se.
18 Ay ga haawi daŋ nga iberey ga sanda darbay,
nga, nga kokoytaray fuulaa ga nere a ga.»