1 Ab’oku bûko bwa Aroni nabo bagabwa omu mirhwe*24, 1 Omulongo gwa 1-19 guyêrekîne omurhwe gw’abadâhwa; gushushîne n’omurhwe gudesirwe omu citabu ca Nehemiya 7, 39-42; 10, 2-8; 12, 1-7.12-21. Badesiremwo oku hali mpiriri 24 z’abadâhwa. Ci muli Nehemiya ogwo mubalè gubonekine musungunu (17 na 21). . Aroni àlibusire bâna bâni: Nadabu, Abihu, Eleyazari na Itamara. 2 Nadabu na Abihu bafà, erhi n’îshe acihali; Eleyazari na Itamara bôhe bàhîrwe ecikono c’obudâhwa. 3 Buzinda bwenêne, mwâmi Daudi omu kurhabâlwa na Sadoki, w’oku bûko bwa Eleyazari, na Ahimeleki, w’oku bûko bwa Itamara, agaba abadâhwa omu mirhwe nk’oku amarhumisi gâbo gànaliyôsire. 4 Bayîshibona oku obûko bwa Eleyazari bwo bwalimwo abalume banji kulusha obûko bwa Itamara. Co càrhumire obûko bwa Eleyazari bugabwamwo mirhwe ikumi na ndarhu ya cinyamulala n’obwa Itamara mirhwe munâni, na ngasi murhwe n’omurhambo mukulu wagwo. 5 Okugabwa kwa bombi na bombi kwakazijirwa omu kuyesha ecigole, bulya hàli «abaluzi b’aka-Nyamuzinda» n’abandi «baluzi ba Nyamuzinda» omu bûko bwa Eleyazari n’omu bûko bwa Itamara. 6 Omwandisi Shemaya, mugala wa Netanaeli w’obûko bwa Levi, ayandika amazîno gâbo embere za mwâmi, embere z’abarhambo, embere z’omudâhwa Sadoki, embere z’Ahimeleki, mugala wa Abiyatari, n’embere z’abarhambo bakulu b’emilala y’abadâhwa n’ey’abaleviti. Oku mulala gwa Eleyazari, bàkâgiyesha ecigole kabirhi kakulikirîne, n’oku gwa Itamara liguma lyône. 7 Yehoyaribu ye wali wa burhanzi omu kugwârhwa n’ecigole, Yedaya wa kabirhi, 8 Harimu wa kasharhu, Seorimu wa kani, 9 Malkiya wa karhanu, Miyamini wa kali ndarhu, 10 Hakosi wa kali nda, Abiya wa kali munâni, 11 Yeshuwa†24, 11 YESHUWA, lyo izîno bakâg’iderha YEZU eryo omu c’emwâbo Cihebraniya. Erhi izîno liderhwa n’ab’emahanga linasôme kundi omu marhwirhi n’omu kanwa. Enyiganyo ziri nyinji; Yeshuwa omu cigereki mpu «Insous», omu cilatini mpu «Iesus», omu nfarasè mpu «Jésus», omu Kiswahili mpu «Yezu», omu mashi mpu «Yezu»; Yaakov naye endimi zamuhindula, Iakobos, Iakobus, Jacques, James, Yakôbo, Yakôbo; Olya mulume MUSHI mwene Merari (Lub 6, 19), mwinjikulu wa Levi, naye endimi zamujira Muschite, Muschi; omugala Mahali endimi w’emahanga zamujira Mali, Maali; Machli; bulya ecihebraniya cibâmwo ba «h» basharhu banalinzirishushana wa kali mwenda, Shekaniya wa kali ikumi, 12 Eliyasibu wa kal’ikumi na liguma, Yakimi wa kal’ikumi na kabirhi. 13 Hupa wa kal’ikumi na kasharhu, Yeshebab wa kal’ikumi na kani 14 Bilga wa kal’ikumi na karhanu, Imeri wa kal’ikumi na ndarhu, 15 Heziri wa kal’ikumi na nda. Hapisesi wa kal’ikumi na munâni, 16 Petahiya wa kal’ikumi na mwenda, irungu wa kali makumi abirhi, 17 Yakini wa kali makumi abirhi na muguma, Gamuli wa kali makumi abirhi na babirhi, 18 Delayahu wa kali makumi abirhi na basharhu, Maaziya wa kali makumi abirhi na bâni 19 Abo bo bàyandisirwe amazîno gâbo haguma n’omukolo gwâbo gw’okujà omu kâ-Nyamuzinda ka Nyakasane, omu kushimba amarhegeko bàhâbagwa na shakulûza wâbo Aroni, nk’oku naye ànagahâbagwa na Nakasane, Nyamuzinda w’Israheli yêne. Enyûshûlo y’Agandi mazîno g’abaleviti 20 Abà nabo bo bandi b’oku bûko bwa Levi: Omu bûko bwa Amurami, mwâli Shubaheli, n’omu bûko bwa Shubaheli mwâli Yediya. 21 Omu bûko bwa Rehabiya mwâli Yishiya, murhanzi omu mulala gwâge. 22 Omu bûko bwa Isara mwâli Shelomoti, n’omu bwa Shelomoti mwâli Yahati. 23 Bagala ba Hebroni: omurhanzi Yeriya, owa kabirhi Amariyahu, owa kasharhu Yaziyeli, n’owa kani Yokmeyami. 24 Mugala wa Uziyeli: Mika. Omu bûko bwa Mika, mwâli Shamiri. 25 Omu bûko bwa Yisiya, mulumuna wa Mika, mwâli Zakariya. 26 Bagala ba Merari: Mahali, Mushi na Yaziya; 27 oku bûko bwa Merari, b’emwa omugala Yaziya: mwâli Shohamu, Zakuru na Ibri. 28 Mugala wa Mahali: Eleyazari, ye rhaburhaga mwâna, 29 na Kishi, ye wagwêrhe omugala Yarameeli. 30 Bagala ba Mushi: Mahali, Ederi na Yerimoti. Ntyo kwo obûko bene Levi bwàli buyôsire, omu kushimbana kw’emilala yâbo. 31 Nabo bayesha ecigole oku burhumisi bw’emikolo yâbo aka bene wâbo bene Aroni, embere za mwâmi Daudi, e mbêre za Zadoki na Ahimeleki, n’embere z’abarhambo bakulu b’emilala y’abadâhwa n’ey’abaleviti. Ntyo omulala gw’omwâna w’enfula gwajirirwa kuguma n’ogwa mulumuna wâge.