1 Ci muli agôla mango Antiyokusi mugala wa Demetriyusi anacirhuma amaruba kurhenga ebwa bihugo biri omu nyanja, emwa Simoni mudâhwa na murhegesi mukulu w’Abayahudi, kuguma na olubaga loshi. 2 Agôla maruba ko gali gayandisirwe ntyâla: «Mwâmi Antiyokusi emwa Simoni mudâhwa mukulu na murhegesi mukulu n’oku ishanja lyoshi ly’Abayahudi, omusingo. 3 Ebwa kubà abantu babî, bayansire obwâmi bwa ababusi bîrhu, ebwa kubà nalonza okushubibuyanka na nshubibuyimanza nk’oku byanali embere, ebwa kubà namashubûza emirhwe minji y’abalwî b’abalimya namanahakira mârho manji g’okulwa, 4 ebwa kubà nalonza okuyikirira omu cihugo nshimbululemwo balya boshi banadwîrhe ba sherêza olubaga lwîrhu banashandazize bishagala binji omu bwâmi bwâni, 5 nshubiri kukûlira ngasi ebi abâmi babusi bâni banali bàkukûlîre byoshi. 6 Nkuhîre obuhashe bw’okujira enfaranga zirikwo ensanamu yâwe*15, 6 Enshushano eri oku nfaranga, ciri cimanyîso c’oli oku ntebe omu cihugo. omu cihugo câwe. 7 Yeruzalemu n’aka-Nyamuzinda bibè n’omurhûla; ngasi mirasano wanajizire na ngasi nyumpa za kulwiramwo anajizire zoshi zinayôrhe zâwe. 8 Ngasi myenda wanalîre nîsi erhi wânalye oku mbîko y’ebirugu by’ebwâmi yoshi enakubabalirwe, bunôla n’agandi mango goshi. 9 Amango rhwashubira omu bwâmi bwîrhu rhwakukuza n’irenge lya ngasi lubero we, ishanja lyâwe, aka-Nyamuzinda, kuhika irenge lyâwe limanyikane omu igulu lyoshi.» 10 Omu mwâka gwa igana na makumi gali nda n’ini, Antiyokusi anahuma enjira yâge akola alij’omu cihugo c’ababusi bâge, emirhwe y’abasirika yoshi yanakunjukira emunda ali kuhika bantu basungunu bônene bayôrha boshi na Trifoni. 11 Mwâmi Antiyokusi anakulikira Trifoni, naye anaciyâkira aha Dora omu nyanja, 12 erhi amâbona oku obuhanya bwamamujako bulya engabo yâge yoshi yamuyâsire. 13 Antiyokusi anaciyisha atwa ecirâlo embere za Dora na balwî bihumbi igana na makumi abirhi na birhanu na bihumbi munâni by’abalwîra oku nfarasi. 14 Azonga olugo loshi nago amârho olwago lunda gagorha lulya lugo loshi, naye alurhulungula enyunda zoshi oku idaho n’omu nyanja ntâye wankarhenziremwo nîsi erhi okujamwo.

15 Muli agôla mango Numeniyusi n’abâli bamulusize banacirhenga e Roma banaciyisha badwîrhîre abâmi amaruba n’oku bihugo, agôla maruba gali maya ndike ntyâla: 16 «Luciusi murhambo w’Abaroma, kuli mwâmi Ptolemeyo, omusingo! 17 Entumwa z’Abayahudi bali bayishire emwîrhu nka banywazimu na nka bîra bîrhu mpu balilumûla obwîra na okunywâna nîrhu, bali barhumirwe n’omudâhwa mukulu Simoni n’olubaga loshi lw’Abayahudi. 18 Bali bayishire banadwîrhe empenzi y’amasholo ya mîna cihumbi. 19 Rhwamâbona oku kuli kwinjà okuyandikira abâmi n’ebihugo mpu bamanye barhabalibuzagya, barhabatulagakwo entambala, oli oku lugo lwâbo oli oku cihugo câbo n’okurhanywâna n’abandi bankayish’ibatulakwo entambala buzinda. 20 Rhwalonzize okuyankirira kuli bo eyôla mpenzi. 21 Kuziga akabà abantu babî bayâkire e mwâwe barhenga omu cihugo câbo, onabahè omudâhwa mukulu Simoni abahane nk’oku oburhegesi bwâbo bunadesire.»

22 Maruba ga bene agôla ganaciyandikirwa mwâmi Demetriyusi, mwâmi Atali, mwâmi Ariyarati na mwâmi Arsaki, 23 kuguma n’oku bihugo byoshi: Sampsami, Sparti, Delo, Mindo, Sikiyoni, Kariya, Samo, Pamfiliya, Likiya, Halikarnaso, Rodo, Faseli, Kosi, Side, Arado, Gortina, Nido, Cipro na Kirena. 24 Banacijira empamîso y’agôla mamba kuli Simoni mudâhwa mukulu.

25 Mwâmi Antiyokusi ali amâtwa ecirâlo embere za Dora, ajà ayêgeza emirhwe yâge omu ngasi muhanda ayisha ayûbaka emirasano y’okulwa. Anacigorha Trifoni kuhika ntâye wankadesire mpu ajamwo nîsi erhi okuhulukamwo. 26 Okubundi Simoni anacimurhumira bantu bihumbi bibiri bya balwî bakulu haguma n’enfaranga n’amasholo n’emirasano ya ngasi lubero. 27 Mwâmi arhalonzagya okubiyankirira ci avuna okulagânana kwâge kw’embere boshi na Simoni anaciyîrha obwîra boshi naye. 28 Anacimurhumira Atenobiyusi, muguma omu bîra bâge mpu bagendi yumvanya boshi naye anamubwîre erhi: «Wayansire Yope, Gazara n’olugo lwa Yeruzalemu n’obwôla byàli bishagala bya obwâmi bwâni. 29 “Washerêzize amashwa g’ebyôla bishagala; wahagwîre kubî ecihugo, wanacîrhôlera hantu hanji omu bwâmi bwâni”. 30 “Bunôla orhugalulirage birya bishagala wanyagaga n’empongano wakazâg’ihongêsayo kuleka omu Buyahudi”. 31 “Akabà arhali ntyôla olyulage ahâli habyo talenta magana arhanu na kw’ebi wahagwîre n’ebi wakazâg’ihongêsa kuli ebyôla bishagala zindi talenta magana arhanu: n’akabà arhali ntyôla rhwayishikulwîsa”».

32 Atenobiyusi olya mwîra wa mwâmi erhi ahika aha Yeruzalemu abona oku binjà by’aha mwa Simoni, ecîbo carheganyîbwe, eby’okulya bibwîkîrwe n’ebirugu by’amasholo n’amarhale, n’ebindi birugu binjà: azânwa! Ci kurharhumaga arhamushambalira birya binwa bya mwâmi. 33 Simoni anacimubwîra erhi: «Arhali cihugo c’ihanga rhwarhôzire, arhanali bintu bya wundi rhwanyazire ci konene kali kashambala k’ababusi bîrhu, mango maguma abashombanyi bîrhu babinyaga konene. 34 Kône rhwe rhukanabona amango gakwânîne, rhunashubirhôla akashambala k’ababusi bîrhu. 35 Kuli oyôla Yope na Gazara wahûna, birya bishagala bali bamâlibuzamwo olubaga lwîrhu n’ecihugo cîrhu. Rhwalyûla kuli byo talenta igana.» Atenobiyusi arhamushuzagya akanwa. 36 Ci acîshubirira emunda mwâmi ali n’oburhè bunene, anacimushambâlira ishuzo lya Simoni, obugale bwâge, na ngasi bindi anabwîne; mwâmi anacibà n’obukù nizi bunji bwenêne.

37 Trifoni anacijà omu bwârho anacicîyâkira aj’e Ortosiya. 38 Mwâmi anacisimika Kendebeyo murhambo w’okwôla nyanja, anacimuhà emirhwe y’abasirika­ ka bagenda n’amagulu n’abalwîra oku nfarasi. 39 Anacimurhegeka mpu atwe ecirâlo câge aha ishiriza lya Yudeya, mpu ayûbake Kedroni†15, 39 Kedroni, lugo luyegerire Yamuniya na Gazara. Trifoni abirindisirwe na mwâmi kuhika elubibi lw’Apameya, acîloha e rwîshi. azibuhye enyumvi, analwîse olubaga. Mwâmi naye okubundi anacikulikira Trifoni. 40 Kendebeyo erhi ajà aha Yamniya arhondêr’okujira olubaga burhè, okujà omu Buyahudi okujakwanyaga n’okuyîrha. 41 Anaciyûbaka Kedroni, anahiraho banyakulwîra oku nfarasi, n’eyindi mirhwe agaligend’ikalingira abantu omu njira y’e Yudeya nk’oku mwâmi anamurhegekaga.