1 Daudi ayimuka, arhôla enjira agenda, naye Yônatani ashubira omu Lugo.

2 Daudi akanya ajà e Nobi, aha mwa omudâhwa Ahîmeleki; Ahîmeleki ayishimuyankirira erhi anayisha ageramwo omusisi, anacidôsa erhi: «Ka buholo, kurhi oyishire lêro wênene wâni?» 3 Daudi ashuza omudâhwa Abimeleki, erhi: «Mwâmi ontumire anankomereza, erhi: Ntâye wamanyaga ebi nkurhumire n’ebirhumire nakuhà elira irhegeko. Na bambali bâni nababwîzire ahantu haguma rhwashimânana». 4 «Ka ntâco ogwêrhe buno? Mpà nâni migati irhanu erhi nîsi akandi kantu onagwêrhe». 5 Omudâhwa ashuza Daudi, erhi: «Ntagwêrhi yindi migati ya kulibwa okuleka eyîra migati migishe yône. Casinga erhi abo bâna bakayiryakwo barhabaga bacîhemwîre n’abakazi.» 6 Daudi ashuza, erhi: «Nêci omukazi kali kantu karhuhanzîbwe kurhenga mîra, injo na lishinjo, nka najà oku matabâro emirasano y’abâna bâni eri kantu kagishe, ciru akabà mpu amabalamo gône garhali magishe, kurhigi ene ebyo birugu birhankaba bitakatifu kulusha?» 7 Oku bundi omudâhwa ayanka emigati migishe amuhêreza, bulya arhali agwêrhe yindi erhali migishe, eyôla migishe yonene bali bamarhenza embere za Nyamubâho, bayigombôla n’eyindi eciri midûrhu*21, 7 Ayanka emigati migishe amuhêreza: Lub 25, 30; Mat 12, 3-4. . 8 Muli olwôla lusiku ahôla hali muntu muguma w’omu barhumisi ba Saulu, ye wali ogwâsirwe okuhêra embere za Nyamubâho, izîno lyâge ye Doegi, muntu w’e Edomu, ye wali lungere w’abangere ba Saulu. 9 Daudi adôsa Abimeleki, erhi: «Ka orhagwêrhi itumu kandi erhi ngôrho? Bulya ntarhôzire ciru n’ôli engôrho yâni nîsi erhi eyindi mirasano yâni bulya irhegeko lya mwâmi lyàli lya dubaduba». 10 Omudâhwa amushuza, erhi: «Hali engôrho ya Goliyati olya Mufilistini mwayîrhiraga omu kabanda ka Terebinti, yône eyôla eri mbwikire n’ecishûli enyuma ly’ecishûli c’omudâhwa. Okalonza okuyirhôla, rhôlayo, bulya ntà yindi eri muno». Daudi anacishuza erhi: «Ntà yindi eyilushire, mpayo».

11 Daudi ayimuka ayâkira Saulu kuli bwenêne olwôla lusiku; ajà emwa Akishi, mwâmi w’e Gati. 12 Abarhumisi ba Akishi banacimubwîra mpu: «K’arhali Daudi ola, mwâmi w’ecihugo? K’arhali y’olya bajaga bayimbira banasâmira mpu: “Saulu ayîsire abâge cihumbi na Daudi abâge bihumbi ikumi?”» 13 Daudi ayumvîrhiza ebyôla binwa, ayôboha bwenêne oyôla Akishi mwâmi w’e Gati. 14 Caligumiza abalandula obukengêre†21, 14 Abalandula obukengêre: ayôrha nka musirhe: Lul 34, 1. embere zâbo, ayôrha nka musirhe omu maboko gâbo, arhondêra okushûrhashûrha oku nyumvi nka owarhimba engoma na akagâve kakahululira omu bwânwa bwâge. 15 Akishi abwîra abambali erhi: «Ka murhabwîni oku oyûla muntu ali musirhe‡21, 15 Erhi ayumva bakola bamumanya, Daudi acîyêrekana nka musirhe lyo barhagimumanya, bamuyîrhe.; bici mucimundwîrhîre ko?§21, 15 Bici mucimundwîrhîreko: Lul 56, 1. 16 “Ka kubula mbuzire abasirhe obûla mundwîrhîre oyu mpu ayishihenyera ebi by’isirhe lyâge embere zâni? Muntu wa bene oyu kurhi akaja emwâni?”»