1 Ntya kwo Nyakasane adesire: «Oku mabî asharhu ga Mowabu n’oku anni, nahizire burhashubira nyuma. Kulya kubà bàyôcire, basirîza orhuvuha rhwa mwâmi w’e Edomu. 2 Nkola nalîkira omuliro kuli Mowabu, gusingônole enyumpa za Keriyoti, na Mowabu aherêrekere omu ntambala, omu ndûlù y’ebîrha, oku izù ly’omushekera. 3 Nâmuyîrhira omwâmi, n’abarhambo bâge boshi mbatwe amagosi», ntyo kwo Nyakasane adesire.

4 Ntya kwo Nyakasane adesire: «Oku mabî àsharhu ga Yûda n’oku anni, nahizire burhashubira nyuma. Kulya kubà bàkabulîre amarhegeko gâni barhanashimbaga ebinwa byâni, - kulya kubà bahabusire erhi bazimu bâbo bàrhuma, kulya bîshe bâbo nabo bàjiraga. 5 “Nkola nalîkira omuliro kuli Yûda, gusingônole enyumpa za Yeruzalemu”».

6 Ntya kwo Nyakasane adesire: «oku mabî asharhu g’Israheli n’oku anni, nahizire burhashubira nyuma. Kulya kubà bàguzize omushinganyanya nsaranga n’omukenyi kugulu kwa nkwêrho. 7 Kulya kubà banatûntume amarhwe g’abakenyi, n’okuhabula enjira z’abarhò; kulya kubà omwânarhabana bo n’îshe banahame*2, 7 mashi gahire ago, mpu kuhama, kuli kuderha kuhusha n’oyo munyere: munyere mugu­ma, mpu basherêze Izîno lyâni. 8 Kulya kubà banagwîshire eburhambi bwa ngasi luhêrero oku myambalo barhôlaga cikinja, na bulya bananywe amamvu g’ababatwirîre olubanja omu mwa nyamuzinda wâbo. 9 N’obwo naherêrekezagya Abamoriti embere zâbo, omujunja gwâbo gwàli nk’ogw’enshûngurhi n’emisî yâbo nka ya mwabira-njovu. Naherêrekeza amalehe gâge enyanya, n’emizî yâge idako. 10 N’obwo nie namurhenzagya omu cihugo c’e Mîsiri, myâka makumi anni goshi omw’irungu, erhi nie mmushokolîre, nti muyîmike omu cihugo c'Abamoriti. 11 Nacîshoga abalêbi omu bagala binyu, n’abanya-ciragâne†2, 11 Abanya-ciragâne: bali bantu bacîhânyire emwa Nnâmahanga; bakazigihâna eciragâne c’okurhanywa idivayi erhi ngasi kandi kantu koshi kankalalusa. N’abo bantu barhamômagwa. (Rhulole muli Mib 6, 2-4; Bac 13, 4-7; Luk 1, 15). 4, 1: Bashani: muli omu Yordani. Ciri cihugo cigwêrhe olwâbuko lunene (Lush 32, 14; Eze 39, 18; Lul 22, 13). omu misole yinyu. Ka nywesire wâni bene Israheli?» Kwo Nyakasane adesire. 12 «Mwagalinywesa abanya-ciragâne amamvu, n’abalêbi mwabahanza; mpu: Murhalêbaga». 13 Niehe nkolaga nammubamba oku idaho, kula engâlè babumbire mîha ya mihuli ya ngano eyôrha aha eri. 14 Omubidu bwenêne abula oku âyâka, ciri-misî âbula oku acîgonyôla, n’entwâli ebule oku yâcîciza. 15 Omulwi w’emiherho arhâbone nsimikiro, omulibisi mukulu ntaho âyâkira, na nn’eciterusi arhâcire. 16 N’entwâli kulusha abandi yâyâka erhanayambirhi olwo lusiku, kwo Nya­ kasane adesire ntyo.