1 Muyumve aka kanwa, mwe nkâfu z’e Bashani*4, 1 Bashani: muli omu Yordani ya muno 2021. Ciri cihugo cigwêrhe olwâbuko lunene (Lush 32, 14; Eze 39, 18; Lul 22, 13)., mwe muli oku ntondo ya Samâriya, mwe mudwîrhe mwalibuza abazamba, mudwîrhe mwatûntuma abakenyi, mwe mudwîrhe mwabwîra bâbalo, mpu: «Lêrhaga rhunywe!» 2 Nyakasane Nyamuzinda acîgashira obutagatîfu bwâge, erhi: «Okuli, e­nsiku zâmuyishira, ezi bâmmukululamwo mweshi kuhika oku muzî­nda-zinda nka kula enfî zigwârhwa oku lulobo. 3 Mwagera omu mirhule, ngasi muguma buhena embere zâge, mugend’ikabulirwa omu Harmoni»; kwo Nyakasane adesire.

4 Mujâge e Beteli, mujire ebyâha, mujè e Gilgali, mujire ebyâha okulushire. Murherekêre enterekêro zinyu z’esêzi, n’olusiku lwa kasharhu muhâne entûlo zinyu. 5 Mukolêse engezo mpu nterekêro y’obukuze, muyimbize oku muliyirhûla n’omurhima gwoshi, mubûhe emishekera, bulya kwo musîma, wâni bene Israheli. Kwo Nyakasane adesire. 6 «N’obwo nabwîne nka nammushuka amîno omu bishagala binyu byoshi, nammuyîma omugati oku mwinyu kwoshi; murhanagalukaga emunda ndi, kwo Nyakasane adesire. 7 Nammuyîmire enkuba erhi kucisigire myêzi isharhu musarûle, naniêsa e­nkuba oku lugo naleka n’olundi, ishwa lirebe lyaniamwo enkuba, na lirebe lyàyûma lirya ntayiniêsagyamwo. 8 Bishagala bibirhi erhi bisharhu byajàga byahenânguka mpu bijihûna amîshi emw’ecindi cihugo, n’enyôrha erhatwîke; murhanagalukaga emu­ nda ndi», kwo Nyakasane adesire. 9 «Nammuhizirekwo empûsi n’idûrhu nti bimmuyôce, nayûmya n’amashwa n’enkoma zinyu, enzige zàmulya emburho n’emirhi; murhanagalukaga emunda ndi», kwo Nyakasane adesire ntyo. 10 «Nammulîkirekwo mujagambo, mujagambo w’e Mîsiri, nanigûzize abâna binyu n’engôrho, n’ago mango ebiterusi binyu byanyagwa, nazûsa akabayo k’ecihando cinyu nti kammuyîhike; murhanagalukaga emunda ndi», kwo Nyakasane adesire. 11 «Nammutulikanya kulya Nyamuzinda àtulikanyagya Sodomo na Gomora, mwayôrha kula ecikalakala bayôkola eciko ciyôrha; murhanagalukaga emunda ndi!» kwo Nyakasane adesire. 12 Lolaga lêro, wâni Israheli oku wâjira: Bulya nkola nâkujira ntyo, Israheli, lêro, cirheganyagye okugaluka emunda Nyamuzinda wâwe ali.

13 Bulya ye wajiraga entondo àlema n’empûsi, ye manyîsa omuntu emihigo yâge, ye jira omuceracera n’omwizimya, ye gera enyanya ly’igulu, Nyakasane Nyamuzinda w’Emirhwe, lyo izîno lyâge.