1 Alaga amazîno g’emilala: kurhenga oku buzindazinda bw’olunda lw’e­ mwênè, omu kujà e Heteloni kuhika aha muhango gwa Hamati, Haseri­ Eneni, olubibi lw’e Damasi kujà olunda lw’emwênè, olunda lw’e Hamati, kubibikanwa n’olunda lw’e buzûka-zûba kandi n’enyanja: mwanya gwa Dani.

2 Kujà oku lubibi lwa Dani, kurhenga olunda lw’ebuzûka-zûba kujà ebuzika­ izûba: mwanya gwa Aseri.

3 Kujà oku lubibi lwa Aseri, kurhenga olunda lw’ebuzûka-zûba kujà ebuzika-zûba: Mwanya gwa Nefutali.

4 Kujà oku lubibi lwa Nefutali, kurhenga olunda lw’ebuzûka-zûba kujà ebuzika-zûba: mwanya gwa Menashè.

5 Kujà oku lubibi lwa Menashè, kurhenga olunda lw’ebuzûka-zûba kujà ebuzika-zûba: mwanya gwa Efrayimu.

6 Kujà oku lubibi lwa Efrayimu, kurhenga olunda lw’ebuzûka-zûba kujà ebuzika-zûba: mwanya gwa Rubeni.

7 Na kujà oku lubibi lwa Rubeni kurhenga olunda lw’ebuzûka-zûba kujà ebuzika-zûba: mwanya gwa Yûda.

8 Kujà oku lubibi lwa Yûda, kurhenga olunda lw’ebuzûka-zûba kujà ebuzika-zûba, câbà cigabi mubikirîre ca bugali bwa makano bihumbi makumi abirhi na birhanu n’oku buli buyumânane n’obwa omwanya muguma muli oyôla egabirwe, kurhenga ebuzûka-zûba kujà ebuzika­ zûba: omu kâgarhî k’ecôla cigabi mwo mwaja aka-Nyamuzinda.

9 Ecigabi mwaberûlira Nyamuzinda câbà na buli bwa makano bihumbi makumi abirhi na birhanu n’obugali bwa bihumbi ikumi. 10 Ecôla cigabi citagatîfu câmaberûlwa câbà ca badâhwa: olunda lw’emwene cibè ca makano bihu­mbî makumi abirhi na birhanu; olunda lw’ebuzika-zûba ca makano bihumbi ikumi oku bugali; ebuzûka-zûba makano bihumbi ikumi oku bugali; n’olunda lw’emukondwè makano ga bihumbi makumi abirhi na birhanu oku buli: aka-Nyamuzinda ka Nyamubâho kabêra ekâgarhî kaco. 11 Câbà cigabi c’abadâhwa barherekîrwe, bagala ba Sadoki bo bâkaz’ikola omu ka-Nyamuzinda bo banali balya barhahabukaga erhi bene Israheli bahabuka n’erhi Abaleviti bahabuka. 12 Câbà co cigabi câbo ciberûle kuli cirya cigabi caberûlagwa oku cihugo, cigabi citagatîfu bwenêne ciri e lubibi n’Abaleviti. 13 Mwanya gwa Abaleviti gwâbà cigabi cishimbire obulî bw’ecihugo c’abadâhwa, makano bihumbi maku­mi abirhi na birhanu oku buli na makano bihumbi ikumi oku bugali; ngasi buli bukajira makano bihumbi makumi abirhi na birhanu n’obugali bihumbi ikumi. 14 Barhankaderha mpu bâguza kuli ogwo mwanya nîsi erhi okuhinganula kuli gwo n’ebisârûlwa birhangiriza bya muli ecôla cihugo birhankarhengamwo bulya ciri cihugo cirherekîrwe Nyamubâho. 15 Amakano bihumbi birhanu gasigala omu bugali kuli bihumbi makumi abirhi na birhanu bwâbà budaka burhali burherekêre bw’olugo, abantu bayûbakemwo kandi bunabè eburhambi bw’olu­go, olugo luje ekarhî. 16 Alaga engero:

olunda lw’emwênè makano bihumbi binni na magana arhanu;

olunda lw’emukondwè, makano bihumbi binni na magana arhanu;

olunda lw’ebuzûka-zûba, makano bihumbi binni na magana;

olunda lw’ebuzika-zûba, bihumbi binni na magana arhanu.

17 Olugo lwâbà n’amarhambi ga

makano magana abirhi na makumi arhanu olunda lw’emwênè;

magana abirhi na makumi arhanu olunda lw’e mukondwè;

magana abirhi na makumi arhanu olu­nda lw’ebuzûka-zûba

na magana abirhi na makumi arhanu olunda lw’ebuzika­ zûba.

18 Obwôla budaka bwayôrha bukulikire obuliri bw’ecigabi citagatîfu, bubè bwa makano bihumbi ikumi oku lunda lw’e buzûka-zûba na bindi bihu­mbî ikumi olunda lw’ebuzûka-zûba, bukulikire obuliri bw’ecigabi citagatîfu; ebi bâkaziyêzamwo byâbà biryo by’abakola omu lugo. 19 Oku biyêrekîre abà­ntu bâkaz’ikola omu lugo, kukwânîne barhenge omu ngasi milala ya bene Israheli, abo bo bâkaz’ikola omu lugo. 20 Ecigabi ciberûle c’amakano bihumbi makumi abirhi na birhanu oku makumi abirhi na birhanu, ca mpande ziyumânîne, muciberûle kabè kashambala katagatîfu ka lugo.

21 Ecihimbi cisigîre câbà ca mwâmi; câbà ebwa ngasi lunda lw’ecigabi citagatîfu na olunda lw’akashambala k’olugo, oku bulîrî bw’amakano bihumbi makumi abirhi na birhanu kuli cirya cigabi caberûlagwa kuhika oku lubibi lw’e buzûka-zûba, n’olunda lw’ebuzika-zûba, buli bwa makano bihumbi makumi abirhi na birhanu kujà oku lubibi lw’olunda lw’ebuzika-zûba, ciyêrekere emyanya y’emilala, ecôla cihimbi câbà ca mwâmi, ecigabi citagatîfu n’aka-Nyamuzinda byâbà ekâgarhî.

22 Kuleka akashambala k'Abaleviti n’akashambala k’olugo rhuli rhuzongolosirwe n’omwanya gwa mwâmi, obudaka buli ekarhî k’olubibi lwa Yûda n’olubibi lwa Benyamini bwâbà bwa mwâmi.

23 Oku yindi milala: kurhenga ebuzûka-zûba kujà ebuzika-zûba, mwanya gwa Benyamini.

24 Kujà oku lubibi lwa Benyamini, kurhenga olunda lw’ebuzûka-zûba kujà ebuzika-zûba, mwanya gwa Simoni.

25 Kujà oku lubibi lwa Simoni, kurhenga olunda lw’ebuzûka-zûba kujà olunda lw’ebuzika-zûba, guli mwanya gwa Isakari.

26 Kujà oku lubibi lwa Isakari, kurhenga olunda lw’ebuzûka­ zûba kujà olunda lw’ebuzika-zûba, mwanya gwa Zabuloni.

27 Kujà oku lubibi lwa Zabuloni, kurhenga olunda lw’ebuzûka-zûba kujà olunda lw’ebuzika-zûba, mwanya gwa Gadi.

28 Kujà oku lubihi lwa Gadi, kurhenga olunda lw’emukondwè, olwo lubibi lwanahikira e Tamari oku mîshi ga Meriba w’e Kadesi, gwo mugezi gujire ebwa nyanja nnene. 29 Kwo ciri ntyo ecihugo mwayeshera ecigole omu kuhâna orhushambâla rhw’emilala ya bene Israheli; kw’eri ntyo emyanya yâbo, kwo adesire Nyakasane Nyamubâho.

30 Alaga emihango y’olugo: olunda lw’emwênè olugwêrhe makano bihumbi binni na magana arhanu. 31 Emihango y’olugo eyiri, yahêka amazîno g’emilala ya bene Israheli oku enali mihango isharhu eri olunda lw’emwene:

habà omuhango gwa Rubeni, muguma;

omuhango gwa Yûda, muguma;

omuhango gwa Levi, muguma.

32 Olunda lw’ebuzûka-zûba, makano bihumbi binni na magana arhanu eri mihango isharhu:

omuhango gwa Yozefu, muguma;

omuhango gwa Benyamini, muguma;

omuhango gwa Dani, muguma.

33 Olu­ nda lw’emukondwè, olugwêrhe makano bihumbi binni na magana arhanu eri mihango isharhu:

omuhango gwa Simoni, muguma;

omuhango gwa Isakari, muguma;

omuhango gwa Zabuloni, muguma.

34 Olunda lw’ebuzika-zûba, luli lwa makano bihumbi binni na magana arhanu, lunagwêrhe mihango isharhu:

Omuhango gwa Gadi, muguma;

omuhango gwa Aseri, muguma;

omuhango gwa Nefutali, muguma.

35 Amarhambi gali ga makano bihumbi ikumi na munâni. N’izîno ly’olugo*48, 35 Eryo izîno lihyâhya lya Yeruzalemu, kwo kanwa kazinda k’ecitabu ca Yehezekiyeli; ko kanali kanwa ntimarhima k’enyigîrizo zâge zishambîre oku cihando ca Nyamubâho (Eze 43, 9; Lul 46, 6). Ezo nyigîrizo banazishushanya n’ezi omulêbi Yeshayahu ayigîrizize muli ezi nderho: Emanuweli, kwo kuderha: «Nyamuzinda-haguma-nîrhu» (7, 14); erhi n’ezayish’iyalizibwa buzinda n’amafulûlo: Oyîshe Yâgirwa Yezu! Nyamwagirwa ayishire (Maf 22, 20-21). likola lyabà kurhenga ene: Nyamubâho-hwo-ali-aho.