17
Isâla liyêrekîne obudâhwa bwa Yezu
1 Erhi ayûs’iderha ebyo binwa, Yezu ayînamula amasù, agalamira enyanya, aderha, erhi:
«Larha, amango gahisire: kuza Mugala wâwe, lyo Mugala wâwe akukuza,
2 na bulya wamuhîre obuhashe kuli ngasi ciremwa, lyo ashobôza abà wamuhîre boshi akalamo k’ensiku n’amango.
3 Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.
4 Nakukuzize en’igulu; nayukirîze omukolo wampâga mpu njire.
5 Larha, nâwe onkuzagye buno, onampè lirya irenge nayôrhaga njira emwâwe embere igulu liremwe.
6 Abantu warhenzagya igulu obampà, nabamanyisize izîno lyâwe. Bâli bâwe, wabampa, banashimba akanwa kâwe.
7 Buno bakolaga bamanyire oku ebi wampîre byoshi emwâwe birhenga;
8 bulya ebinwa wampâga, nabahîrebyo, banayêmêra okuli oku muli we nahubukaga, banayêmêra oku we wantumaga.
9 Bo nsengerîre; ntasengerîri igulu*17, 9 «ntasengerîri igulu»: Igulu, bo balya balahira Obulangashane n’Obuzîne Mwâmi Yezu adwîrhîre abantu. ecinwa «kosmos» omu cigereki, lyo igulu Yowane acikolêsa kubiri. ahandi igulu, kuli kuderha abalemirwe boshi n’aha bayûbaka (Ywn 1, 9; 3, 16; 17, 13), kandi erhi abalahire Yezu. Kandi igulu kuli kuderha aha Yezu arhumagwa naye arhumaho Entumwa mpu zimanyise Emyanzi y’Akalembe (Ywn 17, 18.21)., ci balya wampâga bo nsengerîre, bulya bali bâwe.
10 Ebyâni byoshi biri byâwe, n’ebyâwe byoshi biri byâni, na muli bo najîre irenge.
11 Ntaciri en’igulu, ci bôhe en’igulu baciri. Nie ono nyishire emwâwe. Larha Mutagatîfu, olange omu izîno lyâwe abà wampâga, lyo babà muguma akîrhu.
12 Erhi nciri nabo, nakâg’ibalanga oku izîno lyâwe abà wampâga. Nabalanzire, na ntà muguma wahezire muli bo, aha nyuma ly’omwâna w’omuhera, mpu lyo okwayandisirwe kuyunjula.
13 Buno lêro nyishire emunda oli; n’ebyo mbidesire buno nciri en’igulu, nti lyo bayumva obusîme bwâni banabuyunjule.
14 Nabahîre akanwa kâwe, igulu lyabashomba, bulya barhali b’igulu, nk’oku nâni ntali w’igulu.
15 Ntakuhûnyiri nti obarhenze omu igulu, ci nti obalange oku Mubî†17, 15 Oku Mubî erhi omu kubî.
16 Barhali b’igulu, nk’oku nâni ntali w’igulu.
17 Obajire batagatîfu omu okuli: akanwa kâwe kwo okuli.
18 Kulya wantumaga igulu, kwo nâni mbarhumire igulu.
19 Ncihânyire nterekêro bo barhumire, lyo nabo bahinduka nterekêro omu okuli.
20 Arhali bônene nsengerîre, ci na balya banyêmêre erhi kanwa kâbo karhuma.
21 Boshi babè muguma. Nk’oku we, Larha, oli muli nie nâni nkulimwo, nabo babè muguma muli rhwe, lyo igulu liyêmêra oku we wantumaga.
22 Nabahîre irenge wampâga, nti lyo babà muguma, nka kulya nîrhu rhuli muguma:
23 nie muli bo, nâwe muli nie, lyo babà muguma lwoshi, lyo n’igulu limanya oku we wantumaga n’oku nabazigire nka kulya wanzigîre.
24 Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.
25 Larha mwimâna, igulu lirhakumanyaga, ci niehe nakumanyire, n’abâla bamanyire oku we wantumaga.
26 Nabamanyîsize izîno lyâwe, nanacibamanyîsalyo, lyo obuzigire wanzigîre bubà muli bo, lyo nâni mbà muli bo».
*17:9 17, 9 «ntasengerîri igulu»: Igulu, bo balya balahira Obulangashane n’Obuzîne Mwâmi Yezu adwîrhîre abantu. ecinwa «kosmos» omu cigereki, lyo igulu Yowane acikolêsa kubiri. ahandi igulu, kuli kuderha abalemirwe boshi n’aha bayûbaka (Ywn 1, 9; 3, 16; 17, 13), kandi erhi abalahire Yezu. Kandi igulu kuli kuderha aha Yezu arhumagwa naye arhumaho Entumwa mpu zimanyise Emyanzi y’Akalembe (Ywn 17, 18.21).
†17:15 17, 15 Oku Mubî erhi omu kubî