1 Okubundi Elifazi w’e Temani, anacij’eluhya, aderha, erhi: 2 K’omurhimanya ankashuza ebinwa byayêhûka nka mpûsi? K’anacibumba enda n’empûsi y’ebushoshôkero bw’izûba? 3 K’anacihagiza n’ebinwa bya busha-busha, n’ebinwa birhagwêrhi makwânane maci? 4 W’oyu wamashereza obwirhôhye, wamagayaguza omuntu warhânya embere za Nyamuzinda. 5 Bulya bubî bwâwe bwo budwîrhe bwakubwiriza ebîra bikuli ekanwa, wanacîshozire iderha ly’enyenge. 6 Akanwa kâwe kwône kakuyâzize*15, 6 Akanwa kâwe ko kakuyimire olubanja: Mig 18, 7; Mat 22, 15. ci arhali nie, binwa byâwe binakushobesire. 7 Ka we waburhagwa wa burhangiriza†15, 7 Ka we muburhwa murhanzi: 38, 4.21; Mig 8, 25; Burh 49, 16. omu bantu? Ka wabusirwe embere ly’orhurhondo? 8 K’okola oyumvîrhe akanwa ka Nyamuzinda‡15, 8 Okuyumva amahwe ga Nyamuzinda: Yer 23, 18.? Ka wênene okola ocîhîre oburhimanya? 9 Bicigi oyishi rhurhishi? Bicigi ôbà omanyire rhunabihabe? 10 Nîrhu rhugwêrhe ekarhî kîrhu abashamuka n’abagula b’emvi, bashosi kulusha sho. 11 K’onabwîne oku kali kantu kanyi oburhûlirize bwa Nyamuzinda kuguma n’ebinwa by’olubohôlolo rhukubwîzire? 12 Cankarhuma omurhima gwâwe gubà burhè ntyâla, na cici cirhumire wamorhola amasù kwa bene okwo. 13 Kurhi Nyamuzinda ye okola obêrîre burhè, n’omu kanwa kâwe mwo mudwîrhe mwarhenga ebinwa bya bene ebyo! 14 Kurhi omuntu ankabà mwêru-kwêru, omwâna w’omukazi mpu naye abâge mushinganyanya? 15 Lolà oku ciru abatagatîfu bâge arhacikubagirabo, n’amalunga garhabà mêru-kwêru omu masù gâge. 16 Kurhi byankabâga oku mugalu-galu n’ow’amabî, oku muntu onywa amabî nka mîshi! 17 Nkolaga nakuyêreka, onyumve, nakuganîrira ebi nabwîne§15, 17 Nakuganîrira ehi nabwîne: 32, 10; 36, 2; Burh 16, 25; Iz 14, 13-14; Eze 28, 2., 18 Ebi abirhônzi bàkazâg’iyandika, buzira kubifulika, babiderhe nk’oku b’îshe banabiderhaga, 19 bali balya bàhâbagwa ecihugo nka kashambala, amango barhàli bacibà n’ecigolo ciguma ekarhî kâbo. 20 Ensiku z’omubî zoshi ganabà malibuko, n’omwîsi, emyâka yâge ebà miganje. 21 Amarhwîri gâge garhayumva oburhali bwôba, amango g’omurhûla, kaheza anacirhunike kuli ye. 22 Arhankayêmêra oku acicikûla omu mwizimya, amango amânabona oku akola muntu oyêrekezîbwe engôrho. 23 Amâbona oku àyîsh’ilirwa oku mpinga n’ebihûngu, n’oku obuhanya bwo na bwâge. 24 Ensiku mbî zinamugeze mwo omusisi, ajugume anarhânye, nka kula mwâmi wajà oku matabâro ayôrha. 25 Okuboko kwâge akugêrere Nyamuzinda, acîshomye mpu alwîsa Nyamuzinda. 26 Yêshi amabangalaza igosi, kwenge acîhundikîre empenzi y’amafufu marhumîrira. 27 Yêshi obusù bwâge budwîrhe bwayaga mavurha, n’enda yâge ecibêrîre ya mabwênde. 28 Ali gwêrhe ebishagala ci byâhirigisire, n’enyumpa zirhacibamwo bahi, hôfi zihinduke cirûndo ca mabuye. 29 Arhakacishubigala, obugale bwâge ntaho bwankarhângirira, iburha lyâge lirhakacilumira igulu. 30 Arhakacifuma endunduli, engulumira yamalîra emishabuka yâge, Anahirigirhe n’omûka gw’ekanwa ka Nyamuzinda. 31 Amanye ankacîkubagira omujunja gwâge, bulya kwanashuba kucîrheba. 32 Amashami gagc gayûrha embere amango gahike, na ntà mango gacibishihala. 33 Ayôrha nka lusisi lurhanaciyêra, ayôrha nka muzêti gwamârhoza obwâso. 34 Bulya omurhwe gw’endyâlya gurhajira bunguke buci, na muliro gumalîra omutwî w’emmanja mugalugalu. 35 Osinga obubî anaburhe obuhanya, okucîrheba kukulire omu nda yâge.