1 Yozwè mugala wa Nuni, anacirhuma, omu bwifulikwè, bantu babiri kurhenga e Shitimu, ababwîra erhi: «Mukanye, mujè mwalolêreza*2, 1 Okurhumwa kw’enyenzi: Mib 13, 1-20; Lush 14, 21-22; Bac 18. ecihugo ca Yeriko». Banacilîkûla, bagendihanda omu mw’omukazi orhajira mulume, izîno lyâge ye Rahabu†2, 1 Eyi milongo1-15: Rahabu: Yoz 6; Mat 1, 5; Hbr 11, 31; Yak 2, 25. Rahabu ali mukazi wa cirala. Mutagatîfu Paolo akuzize obuyêmêre bwa Rahabu, ciru na Mutagatîfu Yakôbo asîmire enshôkano ya Rahabu y’okulanga ebigolo byâge bwinjà. banacilâla ahò. 2 Banacibwîra omwâmi w’e Yeriko ogwo mwanzi, mpu: «Lolà oku hali abantu b’omu bene Israheli, bajire kuno ene budufu, balija bayênja ecihugo». 3 Olya mwâmi w’e Yeriko anacirhuma entumwa emwa Rahabu, erhi: «Ohâne balya bantu bajaga aha mwâwe, balya bantu bajaga omu nyumpa yâwe, bulya kuyishija kwayenja ecihugo coshi kwabadwîrhe». 4 Olya mukazi anacirhôla balya balume bombi, n’erhi abà amabafulika ederha, erhi: «Nêci abo bantu bajire hano mwâni, ci konene ntalimanyire bali ba ngahi 5 na bulya bwàli bwamayira, banalikola hôfi bayigale olumvi, abo bantu bacîgendîre ntanamanyiri ngahi bajire: mukanyagye mubashimbe, mwankacibagwârha». 6 Ci konene ali erhi anabashonîze omu lurhalo lw’enyumpa yâge, anababwîkira n’amôya akazâgizabûla, aga ali ahizire omwo lurhalo. 7 Abo bantu banacikanya bagenda babashimbuhre omu njira ejîre ebw’izîko lya Yordani, n’erhi abo bantu bali babashimbire babà bamahuluka, babayigalirakw’olumvi.

8 Embere ebyo bigolo byâge bihunge, Rahabu asôkera emunda bali omu lurhalo, anacibwîra balya bantu, erhi: 9 «Manyire oku Nyakasane amuhîre eci cihugo, n’obôba bwinyu bwarhujirekwo, abantu boshi badwîrhe bageramw’omusisi erhi mwe murhuma. 10 Bulya rhwayumvîrhe kurhi, amango mwarhengaga e Mîsiri, Nyakasane ayumagya erya nyanja ndukula, rhwanayumvîrhe kurhi mwajirîre balya bâmi babiri b’e Moreni, olundi lunda lw’ishiriza lya Yordani, abo bâmi ali Sihoni na Ogu, balya mwaherêrekezagya. 11 N’erhi rhuyumva ntyo rhweshi, rhwarha omurhima, ngasi muguma muli rhwe atwisire omurhima erhi rhuyumva mpu muyiruka; bulya Nyakasane, Nyamuzinda winyu, yêne ye ba Nyamuzinda era nyanya empingu na hano idako omw’igulu. 12 Munampe ecimanyîso c’okuli oku murhayishiyîrhe larha, murhayîrhe nyâmà, bashinja bâni na bâli bîrhu na ngasi binali hyâbo byoshi, n’oku mwayishirhulikûza oku lufù. 13 Na buno, mbahunyirage, mundaganyagye n’omwîgasho oku izîno lya Nyakasane, nk’oku nâni mbajirire aminjà kwo ninyu mwayishijirira aminjà omulala gwa larha». 14 Balya balume banacishuza, mpu: «Okuli, rhunafè! Casinga nâwe akabà orharhuvulwîri! Na hano Nyakasane arhuhà eci cihugo, rhwanakuyêreka obwinjà n’okuli kw’endahiro yîrhu». 15 Nyamukazi‡2, 15 Aha idirisha lyâge: Erhi kabonezo: 1 Sam 19, 12; Ebj 9, 25; 2 Kor 11, 33. anacibayandagaza n’omugozi ah’idirisha lyâge, bulya enyumpa yâge yali oku burhambi bw’olukûta, aligi nk’omu lukûta ayûbakaga. 16 Olya mukazi ababwîra, erhi: «Mukanye ebwa ntondo, lyo balya bali bamushimbire baleki bashimâna, mucîfulike eyo munda nsiku isharhu, kuhika abo bali bamushimbire bagaluke, enyuma z’aho mwanashubiyanka enjira yinyu mugende». 17 Balya balume banacibwîra olya mukazi, mpu: «Alaga oku byâbà lyo rhurhagifa na eyi ndahiro wamarhulahiriza 18 Amango rhwajà muno cihugo, onashwêkere ogu mugozi gw’akaduku kuli eri idirisha orhugerizemwo, kandi wanahira omulala gwâwe goshi omu nyumpa yâwe, sho, nyoko, bashinja bâwe n’omulala gwa sho goshi. 19 Owankacihuluka omu mwâwe mpu ajà embuga, omukò gwâge gunajè oku irhwe lyâge yêne, ci erhi rhwono rhuli bêru kwêru emunda ali. Ci erhi bankahuma oku muntu oli omu nyumpa yâwe mweshi naye, lêro omukò gw’oyo muntu gunajè oku irhwe lîrhu. 20 Na kandi erhi wankavuhûla ogûla mukolo gwîrhu, kandi aho erhi eyi ndahiro orhulahirize erhacirhugwâsiri». 21 Nyamukazi anacishuza, erhi: «Bibè nk’oku munadesire». Oku bundi abasengaruka, bagenda, naye anacishwêkera ah’idirisha lyâge gulya mugozi gw’akaduku.

22 Nabo bakanya, bajà oku ntondo, babêrakwo nsiku isharhu, kuhika abâli babashimbire bagaluka. Abâli babashimbire bajà babalongeza omu njira zoshi, ci barhababonaga. 23 Balya balume oku bali babiri banacigaluka, erhi bayûsiyandagala oku ntondo, bayikira Yordani. Bajà emunda Yozwè mugala wa Nuni ali, banacimuganîrira ebyanababêrire byoshi. 24 Banacibwîra Yozwè, mpu: «Kwo binali Nyakasane arhuhîre ecihugo coshi, ciru n’abantu ba mw’eco cihugo boshi badwîrhe bageramw’omusisi embere zîrhu».