1 Ecigole canaciyesherwa bene Yozefu*16, 1 Bene Yozefu: Murh 48; 49, 22-26; Lush 33, 13-17.. Olubibi lw’ishwa lyâbo lwarhangira olunda lw’e buzûka-zûba oku Yordani aha Yeriko, oku mîshi ga Yeriko; lwanacisôka kurhenga e Yeriko kujà oku ntondo, omw’irungu lya Beteli. 2 Lwarhenga aha Beteli-Luzi†16, 2 Olubibi lwarhenga e Beteli: Yoz 7, 2; 8, 9.17. Bene Arki: 2 Sam 15, 32; 16, 16. Embere aho hayîrikwe Beteli, haderhagwa Luz lwanacigera oku lubibi lwa bene Arki aha Ataroti. 3 Kandi lwanacibungulukira ebwa buzika-zûba, ebwa lubibi lw’Abayefaleti, kuhika oku lubibi lwa Abayefaleti, kuhika oku lubibi lwa Beti­ Horoni‡16, 3 Oku lubibi lwa Beti-Horoni: Yoz 10, 10. Kuhika aha Gezeri: Yoz 10, 33; 12, 12. oli idako na kuhika aha Gezeri, lwajicîhônda omu nyanja: 4 Gwo mwanya bene Yozefu bahîrwe ogwo, Menashè n’Efrayimu.

5 Alaga olubibi lwa bene Efrayimu, nk’oku amûko gâbo ganali. Olubibi lw’ecihugo câbo lwàli ntya: ebuzûka-zûba, Ataroti w’Adari, kuhika aha Beti­ Horoni w’enyanya. 6 Olwo lubibi lwakazâgihika ebwa buzika-zûba kujà e Mikimetati, lwazonga ebwa Tanati-Silo§16, 6 Tanati-Silo, erhi Silo omu bindi bitabu; Yoz 18, 1.8-10., lwanacigera embere zâge ebuzûka-zûba bwa Yanowah. 7 Kandi kurhenga e Yanowah ha, lwabungulukira e Atoroti n’e Naara, lwahika kuli Yeriko, kandi lwacihonda omu Yordani. 8 Kurhenga e Tapuaha, olwo lubibi lwajà olunda lw’ebuzika-zûba, oku mugezi gwa Kana, lwagendicîhonda omu nyanja. Kwo gwàli ntyo omwanya gw’omulala gwa bene Efrayimu nk’oku amûko gâbo ganali. 9 Bene Efrayimu bashuhihâbwa ezindi ngo ziberulukine omu cihugo ca bene Menashè, ezo ngo zàli zigwêrhe n’ebishagala byâzo. 10 Barhalibirhagakwo*16, 10 Barhalibirhagakwo ahanya-Kanâni: Yoz 15, 63; 17, 12; Bac 1, 29. Gezeri: 1 Bâm 9, 16-17. Bashizi ba kukazibakolera: Lush 20, 11. abanya-Kanâni bayûbakaga e Gezeri. Abanya-Kanâni bayûbakaga ntyo haguma na bene Efrayimu, ci konene nka bashizi ba kukazibakolera.