11
Oku rhwakashenga Larha
(Mat 6, 9-13)
1 Kwanacibà lêro erhi ali hantu haguma adwîrhe ashenga, erhi ayûsa, muguma omu baganda bâge amubwîra, erhi: «Yâgirwa, orhubwîrize nîrhu okushenga, nka kulya Yowane abwîrizagya abaganda bâge.» 2 Anacibabwîra, erhi:
«Nka mwashenga, “mukaderha ntya”:
“Larha, Izîno lyâwe likuzibwe”;
“Obwâmi bwâwe buyishe”;
3 “Orhuhè ene akalyo kîrhu ka ngasi lusiku”;
4 “Orhubabalire ebyâha bîrhu”,
“bulya nîrhu rhubabalira ngasi yêshi orhuli omu mwenda”;
“orhanarhuhiraga omu mashumi”».
Omwîra orhagoheka
5 Ababwîra, erhi: «Muguma muli mwe erhi ankabà ajira omwîra, ayish’imutula aha karhî k’obudufu, erhi: “Mwîra wâni, mpoza migati isharhu”, 6 “bulya omwîra wâni ambalamîre ntanagwêrhi eci namuzimâna”. 7 “Naye amushuzize omu nyumpa, anamubwîre, erhi”: “Orhambere irhwe; mîra lwahamikagwa, nankola ngwîshîre n’abâna bâni; ntankacizûka nti nkuhè”. 8 “Olya erhi ankashub’ikakomamba, mmubwîzire oku, ciru ankabà arhazûsiri mpu amuhêre obwîra, anazâka erhi burhè burhuma, amuhè ngasi eci alonza”».
Obuhashe bw’ensengero
(Mat 7, 7-11; Ywn 14, 13-16)
9 «Nâni mmubwîzire: Muhûne mwahâbwa, mulonze mwarhôla, mukomambe mwayigulirwa. 10 Bulya ngasi ohûna anahâbwe, na ngasi olonza anarhôle, n’okomamba oku lumvi anayigulirwe. 11 Mubusi ndi muli mwe, omugala erhi ankamuhûna obuntu, ankamuha ibumba? Nîsi erhi ankamuhûna enfî, ka ankamuhà empiri? 12 Nîsi kandi erhi amuhûne iji, ka ankamuha ihiri? 13 Mwe babî, akabà muyish’ihà abâna binyu ebinja, Sho w’empingu yêhe k’arhalushe okuhà abamuhûnyire Mûka Mutagatîfu!»
Yezu arhayimbanwa na Belzebubi (Mat 12. 22-29; Mrk 3, 22-27)
14 Anacibà adwîrhe alibirhakwo shetani, n’oyo shetani erhi wa kaduma. Eerhi shetani akarhengamwo, kalya kaduma kaderha, n’olubaga lwarhangâla. 15 Ci baguma muli bo baderha, mpu: «Belzebubi, omurhambo w’abashetani, ye ahulusamwo abashetani». 16 N’abandi balonza okumurhangula, bamuhûna ecimanyîso cahubuka oku nkuba. 17 Ci yêhe abona enkengêro zâbo, ababwîra, erhi: «Ngasi bwâmi buciberamwo, kuhya buhya, n’enyumpa zanakahongokera oku zindi. 18 “Naye shetani, akabà acîgabiremwo yênene, kurhi obwâmi bwâge bwankaciyimanga?” “Bulya mudesire mpu oku buzibu bwa Belzebubi ndibirha kwo bashetani”. 19 “Akabà oku buzibu bwa Belzebubi ndibirhakwo bashetani, oku buzibu bwa ndi abâna binyu*11, 19 Omu Buyahudi mwâli abantu bàl’igwêrhe obuhashe bw’okuhulusa abashetani. Okuderha mpu oku buhashe bwa Belzebubi Yezu alibirhakwo bashetani, kuli kujacira abandi Buyahudi bahîrwe obwo buhashe. Bulya okuhengulira Belzebubi obuhashe bw’okuhulusa abashetani, kuli kujira abâna bâbo baganda ba shetani. Abo bâna b’Abayahudi bo bayish’itwîra ababajâcira ntyo olubanja. babalibirhakwo bo?” “Lêro bo bayish’ibà bacîranuzi binyu”. 20 “Ci akabà oku munwe†11, 20 Omunwe gwa Nyamuzinda: buzibu bwâge, Nyamuzinda-Mûka. gwa Nyamuzinda ndibirhakwo bashetani, kwo kuderha oku Obwâmi bwa Nnâmahanga bwayishire eno mwinyu”. 21 “Entwâli ecîbambizize ekalâlîra enyumpa yâge, ntâye wankahuma oku birugu byâge”. 22 “Ci erhi hankayisha omulushire burhwâli, akanamuhima, anamunyaga emirasano yoshi ali acîkubagîre, n’ebi amunyagaga, anabigabaguza”».
Orhali na Yezu erhi mushombanyi
(Mat 12, 30)
23 «Oyu rhurhali rhwe naye, erhi mushombanyi, n’orharhôla haguma nâni, erhi kushandâza ashandâza».
Omuzimu mubî w’enshubîrizi aminya
(Mat 12, 43-45)
24 «Shetani akarhenga omu muntu, anajè ageragera aharhali mîshi, ajè alonza ah’arhamûkira. Akahabula, anaderha, erhi: “Ka ncîshubirire mulya mwâni narhengaga”. 25 “Erhi amuhika, anashimâna muli muhyajire munabambirwe bwinjà”. 26 “Anagenda obwo, alêrhe bandi bashetani nda babî kumulusha; n’erhi bajamwo, banacilambûliramwo”. “Okubundi obwôrhere buzinda bw’oyo muntu bwanabà bubî kurhaluka oburhanzi”».
Iragi ly’okuli
27 Lêro oku adwîrhe aderha ntyo, mukazi muguma omu lubaga anaciyakuûza, erhi: «Iragi ly’enda yakuhêkaga n’amabêre gakuyonsagya!» 28 Ci yêhe amushuza, erhi: «Iragi lyâbo erhi bo abayumva ecinwa ca Nnâmahanga n’okucilanga!»
Ecimanyîso ca Yônà
(Mat 12, 38-42)
29 Erhi orhutu rhw’abantu rhumulundûkira, arhondêra okubabwîra, erhi: «Eri iburha liri iburha libî; lyalonza ecimanyîso, n’ecimanyîso ntâco lyâbona ecirhali cimanyîso ca Yônà‡11, 29 - cimanyîso: Kwo kuderha ecisômerîne c’okuyêrekana obuhashe bwa Yezu. . 30 Bulya, nka kulya Yônà aberaga abantu b’e Ninive cimanyîso§11, 30 Kulya Yônà ayêrekaga abantu b’e Ninive enjira y’okucira, ntyo kwo Mwâmi Yezu al’ijirira Abayahudi; ci bôhe balahira., kwo na Mwene-omuntu ayìsh’ibà kuli eri iburha. 31 Omwâmi-kazi w’Ebulyo*11, 31 «Ebulyo»: emunda omuntu oli alola ebushoshôkero ehebire okuboko kulyo, kandi bayiderha «mukondwè» erhi «ifo». «Ebulembe», yo erigi emunda omuntu ahebire okuboko kulembe, kumosho. Kandi bayiderha e «mwênè», erhi e «ruguru» ayish’ijà lubanja n’eri iburha, aliyagîrize, bulya arhengaga enyuma y’ebihugo mpu ayish’iyumva obushinganya bwa Salomoni; n’olushire Salomoni, y’ono oli hano! 32 Abantu b’e Ninive bayish’ijà lubanja n’eri iburha, banaliyâze, bulya bacîyunjuzize erhi bayumva enyigîrizo za Yônà; n’olushire Yônà, y’ono oli hano!»
Omugani gw’akamole
(Mat 5, 15; 6, 22-23; Mrk 4, 21)
33 «Ntâye oyakiza akamole okukafulika omu nterulè erhi omu byâsi, ci oku ngondôzo kamanikwa, lyo abajà omu nyumpa babona obulangale. 34 Akamole k’omubiri gwâwe, lyo isù lyâwe. Isù lyâwe likabà ligumaguma, omubiri gwâwe gwoshi gunabè n’obulangashane; ci erhi lyankalwâla, nagwo omubiri gwâwe gwanabà n’omwizimya. 35 Ocidôsc erhi ohulangale bukulimwo burhali mwizimya! 36 Omubiri gwâwe gwoshi†11, 36 mubiri gwoshi omu bulangale: Owalonz’iyumwa enyigîrizo za Yezu, abè n’obukengêre n’omurhima mugumagumà. gukabà n’obulangale, buzira cirumbu ciri omu mwizimya, gwoshi gwanabêra omu bulangale nka kulya akamole kakumolekera n’obulangale bwâko».
Yezu akalihira Abafarizeyi n’abashamuka b’ihano
(Mat 23, 13-32)
37 Oku acidwîrhe aderha, Mufarizeyi muguma anacimulâlika mpu aj’irya emwâge. Anaciyijà, atamala oku cîbo. 38 Erhi abona okwo, olya Mufarizeyi arhondêra acîdesa emurhima mpu arhacîkalabire embere z’okulya. 39 Ci Nyakasane amubwîra, erhi: «Mwe Bafarizeyi, mushuka ebiri emugongo gw’akabehe n’embêhe, ci erhi munayunjwire bushungu n’obubî! 40 “Ebi bingolongolo”! “Owajiraga ebiri emugongo k’arhali ye wajiraga n’ebiri omu ndalâlà?” 41 “Muhêreze abakenyi ebi mugwêrhe erhikwo, na ntyo byoshi byammubêra bicêse”. 42 “Ci kwônene, buhanya bwinyu mwe Bafarizeyi, bulya muhâna entûlo y’emento‡11, 42 Emento n’eruta ziri mburho za citwîro ca ntyantya. n’eruta n’eya ngasi lushogo, mugal’iyibagira obushinganyanya n’obuzigire bwa Nnâmahanga! N’obwo byo mukwânîne okurhang’ijira ebyo, buzira okuyibagira ebirhanzi”. 43 “Buhanya bwinyu, mwe Bafarizeyi, bulya musîma okubwârhala oku ntebe ntanzi omu masinagogi n’okulamusibwa oku mmâna!” 44 “Buhanya bwinyu, bulya mushusha enshinda zirhabonekana, ciru n’abantu banazigerekwo barhanamanyiri!”»
45 Muguma omu bashamuka b’ihano ashuza, erhi: «Muyigîriza, omu kuderha ntyo, kurhujacira orhujacîre nîrhu!» 46 Naye, erhi: «Ninyu mwe bashamuka b’ihano, buhanya bwinyu! Bulya munabarhuze abantu emizigo erhankagalwa, n’obwo mwêne ciru murhayihumakwo n’omunwe gwinyu! 47 Buhanya bwinyu, mwe muyûbakîsa enshinda z’abalêbi, n’obwo basho bo babayîrhaga! 48 Ntyo muli bahamîrizi b’ebijiro bya basho, munabiyêmêra; bulya bo babayîrhaga, ninyu muyûbaka ebyûsho byâbo! 49 Co cirhumire Obushinganya bwa Nyamuzinda buderha: Nabarhumira abalêbi n’entumwa, bayîrhamwo baguma banabalibuze, 50 lyo eri iburha liyish’idôsibwa omukò gw’abalêbi gwabulajisire kurhenga okulemwa kw’igulu, 51 kurhenga omukò gw’Abeli kuhika omukò gwa Zakariya, owanigiragwa omu ka-Nyamuzinda ekarhî k’oluhêro n’ahatagatîfu. Okuli, mmubwîre, ebyo byoshi byabarhuzîbwe eri iburha. 52 Buhanya bwinyu, mwe bashamuka b’ihano! Bulya mwayansire olwigulo lw’obumanye§11, 52 Lwigulo lw’obumanye bw’Amandiko matagatîfu. Ntyo bàrhuma abantu barhamanya enjira y’Obwâmi bwa Nnâmahanga. Kulusha aho, badwîrhe bahanza abantu okuyankirira enyigîrizo za Mwâmi Yezu.. Mwene murhacimujaga, nabo abàli bamujà, mwabahagalika!» 53 Erhi ahuluka, abashamuka b’ihano n’Abafarizeyi barhondêra okumukunirira bwenêne n’okumudôkereza binji binji, 54 bakamurhega mpu lyo aderha akanwa karhuma bamushobeka.
*11:19 11, 19 Omu Buyahudi mwâli abantu bàl’igwêrhe obuhashe bw’okuhulusa abashetani. Okuderha mpu oku buhashe bwa Belzebubi Yezu alibirhakwo bashetani, kuli kujacira abandi Buyahudi bahîrwe obwo buhashe. Bulya okuhengulira Belzebubi obuhashe bw’okuhulusa abashetani, kuli kujira abâna bâbo baganda ba shetani. Abo bâna b’Abayahudi bo bayish’itwîra ababajâcira ntyo olubanja.
†11:20 11, 20 Omunwe gwa Nyamuzinda: buzibu bwâge, Nyamuzinda-Mûka.
‡11:29 11, 29 - cimanyîso: Kwo kuderha ecisômerîne c’okuyêrekana obuhashe bwa Yezu.
§11:30 11, 30 Kulya Yônà ayêrekaga abantu b’e Ninive enjira y’okucira, ntyo kwo Mwâmi Yezu al’ijirira Abayahudi; ci bôhe balahira.
*11:31 11, 31 «Ebulyo»: emunda omuntu oli alola ebushoshôkero ehebire okuboko kulyo, kandi bayiderha «mukondwè» erhi «ifo». «Ebulembe», yo erigi emunda omuntu ahebire okuboko kulembe, kumosho. Kandi bayiderha e «mwênè», erhi e «ruguru»
†11:36 11, 36 mubiri gwoshi omu bulangale: Owalonz’iyumwa enyigîrizo za Yezu, abè n’obukengêre n’omurhima mugumagumà.
‡11:42 11, 42 Emento n’eruta ziri mburho za citwîro ca ntyantya.
§11:52 11, 52 Lwigulo lw’obumanye bw’Amandiko matagatîfu. Ntyo bàrhuma abantu barhamanya enjira y’Obwâmi bwa Nnâmahanga. Kulusha aho, badwîrhe bahanza abantu okuyankirira enyigîrizo za Mwâmi Yezu.