7
Yezu ajà kadali n'Abafarizeyi n’abashamuka b’ihano
(Mat 15, 1-9)
1 Abafarizeyi n’abashamuka b’ihano haguma barhengag’e Yeruzalemu, bashûbûzanya, bamujaho. 2 N’erhi babona baguma omu baganda bâge badwîrhe balya n’enfune zizinzire, kwo kuderha ezirhali nkalabe, babagaya. 3 Bulya Abafarizeyi n’Abayahudi boshi barhankalya barhanarhanzir’ikalaba amaboko kuhika aha ngafula; yo yali ngeso ya bashakulûza bâbo. 4 Na nka barhenga ekarubanda, barhankalya barhanashahulizibwi amîshi. Hali n’ezindi ngeso nyinji bakômera okushimba: nka okushuka orhuhè, orhubindi n’enambi z’amarhale n’encingo. 5 Obwo Abafarizeyi n’abashamuka b’ihano banacimudôsa, mpu: «Cirhuma abaganda bâwe barhashimba engeso za bashakulûza; ci bôhe banakalya n’enfune zirhali nkalabe?» 6 Abashuza erhi: «Izaya acilêbîre kwinjà kuli mwe, ezi ndyâlya, nka oku biyandisirwe, erhi: “Olu lubaga ludwîrhe lwa nkenga n’akanwa kwônene, ci emirhima yâbo eri kuli”. 7 “Obukenge bankenga bubà bunywesi, enyigîrizo bayigîriza gabà marhegeko garhenga emw’abantu”»*7, 7 lolà: Iz 28, 13..
8 «Mwalesire irhegeko†7, 8 Abafarizeyi n’abashamuka b’ihano, omu kuhugûla amarhegeko Nyamuzinda ahâga Mûsa, bakagahindula n’okugazâbya n’okuyûshûla agandi marehegeko. lya Nyamuzinda, mwakulikira engeso z’abantu.» 9 Abàbwîra, erhi: «Munavune irhegeko lya Nyamuzinda mpu lyo mukulikira engeso zinyu. 10 Bulya Mûsa adesire, mpu: “Okenge sho na nyoko, na owahehêrere îshe erhi nnina, anafè”. 11 “Ci mwêhe munakaz’iderha, mpu”: “Owabwîra îshe erhi nnina, erhi”: “Ehi nankakurhabîremwo hiri korbani‡7, 11 Korbani: luderho lwa ciharamiya. Kuli kuderha: nterekêro emwa Nyamuzinda. Abafarizeyi n’abashamuka b’ihano bakâg’iderha mpu owâbwîre îshe erhi nnina, erhi: «Ebi nankakurhabîremwo, nabihânyire nterekêro», mpu oyo arhacirhegesirwi okurhabâla ababusi., kwo kuderha nterekêro”, 12 “murhanacimuleka ajirîre îshe erhi nnina akandi kantu”, 13 “na ntyo mwazâzize akanwa ka Nnâmahanga erhi ngeso zinyu mwene mwajiraga zirhuma”. “Na binji bya bene ebyo mujira”».
Arhali ebija ekanwa byo bizinza omuntu ci ebirhenga omu murhima
(Mat 15, 10-30)
14 Erhi abà amâshub’iyûs’ihamagala olubaga, anacilubwîra, erhi: «Murhege amarhwîri mweshi munayumve kwinjà! 15 Ntâco cirhenga embuga cankazinza omuntu camamujamo; ci ehirhenga omu muntu hyo hizinza omuntu. 16 Akabà hali ogwêrhe amarhwîri g’okuyumva, ayumve!» 17 Erhi acija omu nyumpa, acîyegwîre n’olubaga, abaganda bâge bamudôsa ogwo mugani. 18 Naye ababwîra, erhi: «Aye! kuziga ninyu ntà bukengêre mugwêrhe kuhika ene! Ka murhayumvîrhi oku ebirhenga embuga, bikaja omu muntu, birhankamuzinza; 19 “bulya birhamuja omu murhima, ci omu nda birhogera, na kandi bije aharhankaderhwa”». Ntyo ayêrekana oku ebiryo byoshi biri bicêse.
20 Ashub’iderha, erhi: «Ebirhenga omu muntu, byo bizinza omuntu. 21 “Bulya omu muntu”, “omu murhima gwâge mwo murhenga enkengêro mbî”: “obugonyi, obushambo, okuyîrha”, 22 “okuhusha, obujinisi, obubî, obulyâlya, obumaguza”, “obuyâgalwa, okushobekana busha”, “okucîbona, obunganyi”. 23 “Ebyo bibî byoshi omu muntu birhenga”, “byo binazinza omuntu”».
III. Yezu agera omu bindi bihugo birhali by’e Galileya
Yezu afumya mwâli w’omukazi w’e Sîriya
(Mat 15, 21-28)
24 Erhi barhenga eyo munda, acijîra omu mpande z’e Tiri n’ez’e Sidoni. Ajà omu nyumpa, arhalonzagya omuntu amanye ahâli, ci abula oku ankacîfulika. 25 Bulya hàli omukazi, erhi omwâli agwêrhwe n’omuzimu mubî; erhi ayumva e myanzi yâge, akanya, aj’ifukama aha magulu gâge. 26 Oyo mukazi àli mupagani, Mufenisi w’e Sîriya. Anacimusengera mpu amukûlire shetani omu mwâna. 27 Naye amubwîra, erhi: «Orheng’ileka abâna bayigurhe, bulya kurhali kwinjà okuyanka entanda y’abâna n’okuyikwêba ebibwâna». 28 Olya mukazi anacimushuza, anamubwîra, erhi: «Kwo binali ntyo, Muhanyi! ci kurharhuma ebibwâna birharhôlogola enshangukiza aha abâna balîra!» 29 Anacimubwîra, erhi: «Kuli olwo luderho, ogendage, shetani arhenziremwo mwâli wâwe». 30 Erhi ahika aha mwâge, ashimâna omwâli agwîshîre oku ncingo, erhi shetani amulîsire.
Yezu afumya ecihuli c’akaduma
31 Anacirheng’e Tiri, aj’e Sidoni, ebwa nyanja y’e Galileya, omu cihugo c’e Dekapoli. 32 Bamulêrhera ecihuli c’akaduma, bamuhûna mpu acihirekwo okuboko. 33 Anacicîyêgûla omu lubaga, acîhira hâge hâge, acîhira eminwe omu marhwiri, ajabika omunwe n’amarhî, acihuma oku lulimi. 34 Okubundi agâlamîra emalunga, ayîsa bwenêne, acibwîra, erhi: «Efeta», kwo kuderha: «yîguka»§7, 34 Nka omudâhwa abatiza, anakolêse eco cijiro Mwâmi Yezu afumagyamwo ecihuli c’akaduma. Naye anajabika omunwe gwâge n’amarhî, ayandike ecimanyîso c’omusalaba oku kanwa n’oku marhwiri g’owabatizibwa, anamubwîra, erhi: «Yîguka!» (Efeta).. 35 Ho na halya amarhwîri gâge gayiguka n’olulimi lwâge lwashwêkûka: arhondêra aderha bwinjinjà. 36 Abahanza mpu barhabwîraga ndi; ci oku asêzagya okubahanza, kwo nabo basêzize okulumîza ogwo mwanzi hoshi. 37 Barhangâla bwenêne, banakâderha, mpu: «Ajizire byoshi bwinjà! Ebihuli adwîrhe abiyumvîsa, n’orhuduma adwîrhe arhuderhêsa!*7, 37 «okuderhêza», kuli kudesa lebè nka wamubwîra kulebe, ci «okuderhêsa», kuli kuderha oku we wahâga lebè obuhashe bw’okuderha, erhi we warhumire aderha, erhi ahash’iderha»
*7:7 7, 7 lolà: Iz 28, 13.
†7:8 7, 8 Abafarizeyi n’abashamuka b’ihano, omu kuhugûla amarhegeko Nyamuzinda ahâga Mûsa, bakagahindula n’okugazâbya n’okuyûshûla agandi marehegeko.
‡7:11 7, 11 Korbani: luderho lwa ciharamiya. Kuli kuderha: nterekêro emwa Nyamuzinda. Abafarizeyi n’abashamuka b’ihano bakâg’iderha mpu owâbwîre îshe erhi nnina, erhi: «Ebi nankakurhabîremwo, nabihânyire nterekêro», mpu oyo arhacirhegesirwi okurhabâla ababusi.
§7:34 7, 34 Nka omudâhwa abatiza, anakolêse eco cijiro Mwâmi Yezu afumagyamwo ecihuli c’akaduma. Naye anajabika omunwe gwâge n’amarhî, ayandike ecimanyîso c’omusalaba oku kanwa n’oku marhwiri g’owabatizibwa, anamubwîra, erhi: «Yîguka!» (Efeta).
*7:37 7, 37 «okuderhêza», kuli kudesa lebè nka wamubwîra kulebe, ci «okuderhêsa», kuli kuderha oku we wahâga lebè obuhashe bw’okuderha, erhi we warhumire aderha, erhi ahash’iderha