1 Nyakasane anacibwîra Mûsa, erhi: 2 Orhegeke bene Israheli omu cihando câbo bakazihulusa ngasi wa lushomyo, ngasi wa bibenzi na ngasi yêshi oli mugalugalu erhi mufù gurhuma. 3 Abè mulume abè mukazi, boshi kukwânîne obalibirhekwo omu cihando, balekihemula ecihando câbo, ecôla cihando ndimo ekarhî kâbo. 4 Bene Israheli banacijira kulya bakazihulusa omu cihando balya Nyakasane anarhegekaga Mûsa boshi, banacijira ntyo bene Israheli.

5 Nyakasane anacibwîra Mûsa, erhi: 6 Obwîre bene Israheli. Erhi hankajira muguma, abè mulume abè mukazi wajira câha cirebe muli birya bibabaza omulungu*5, 6 Ecâha cibabaza omulungu omu kugomera Nyakasane, kuli kulenganya omuntu. Omu kalamo k’abantu, Nyakasane yêne ye nshôko y’obushinganyanya. Amango goshi, okuvuna eryo irhegeko kumugayisa. Okushuza oku izù lya Nnâmahanga gugerera omu kulama bwinjà n’abandi; okuderha mpu olola eb’idini arhakaderha ebiyêrekîre politiki, kubà kuyungunganya kw’abazidohire olubaga barhanalonza bahanûlwe. Oku marhegeko ikumi ga Bibliya muli nda eyêrekîre okulama n’abandi bantu, yo porotiki eyo: omulala, ecinyabuguma, emikolo, okukenga ehya bene (Lush 5)., omu kugomera Nyakasane, na ntyo yêne acîjire mubî. 7 Oyo muntu anahungame ecâha câge, abulinagalulira mwene wâbo hirya anamubabazagyakwo, anayûshûlekwo ecigabi ca karhanu, anacihà olya anajiriraga kubî. 8 Akabà olya nyakunyagwa arhagwêrhi owayîmire omu byâge, olya bankahashigalulira kalya kantu kanyagagwa, kalya kantu banakagalulira Nyakasane, bakahe omudâhwa, ci kwônene buzira kuleka cirya cibuzi c’engandabuzi c’okuhyûla cirya bahyûlira olya nna obubî.

9 Bulya kuli ngasi kantu koshi k’enterekêro Bene Israheli balerheraga omudâhwa, oyo mudâhwa ayêmêrîrwe okurhôlakwo ecâge cigabi. 10 Ebi omuntu ankanarhûla byoshi erhi n’omu maboko g’omudâhwa binali, na ngasi ebi muntu lebè ankahà omudâhwa erhi binali by’olya mudâhwa.

11 Nyakasane anacibwîra Mûsa, erhi: «Ogendidesa bene Israheli, obabwîre, erhi: 12 “Omukazi ogwêrhe ibà erhi ankabà mubamba na ntyo amuhemukire”, 13 “bulya amagenda boshi n’owundi mulume, n’okwôla kurhamanyikini emunda ibà ali, oyo mukazi ocîhemwîre ntyôla bufundafunda, buzira kubà na owankahashimushobeka na erhi akabà ntâye wamugwasire masi masi”. 14 “Erhi nya­mulume akabà n’omujina kuli mukâge, nka na nyamukazi amuhemukire, kandi erhi ankabona omujina kuli mukâge ci kwônene nyamukazi arhamuhemukiraga”, 15 “oyo anahêka mukâge emw’omudâhwa, ayîshe adwîrhe enterekêro kuli ye, cigabi ca kali ikumi c’omulengo†5, 15 Eco cigabi ca kali ikumi c’omulengo gw’enshâno y’engano càli ca litri 4, 5. gw’enshâno y’engano. Arhabulagiragakwo mavurha nîsi erhi nshangi, bulya eri nterekêro nkalange y’omujina, nterekêro ya bwikebwe eyakengêze obubî”. 16 “Omudâhwa anabwîra olya mukazi ayegere oluhêrero, ayimange embere za Nyakasane”. 17 “Omudâhwa anayanka amîshi omu kabindi, na hano abà amayanka ehy’akatulo oku budaka bw’Endâro, anahihira mulya mîshi”, 18 “Omudâhwa, anayimanza nyamukazi embere za Nyakasane, analukûla emviri z’okw’irhwe lya nyamukazi; kandi anamufumbasa enterekêro y’obwikebwe, nterekêro ya mujina. Omudâhwa anafumbarha omu maboko gâge amîshi malulu, go galêrha okuhehêrerwa”. 19 “Omudâhwa analahiriza nyamukazi amubwîre, erhi: Akabà ntà mulume walâzire mweshi naye, n’akabà orhahindamukaga okola wacîhemula, n’obwôla ociri omu mwa balo, onayêre muli agâla mîshi g’okuhehêrerwa‡5, 19 Mîshi malulu: gali mîshi mahehêrere, ganayîrha (Lub 15, 23-25). Okwo kwàli kunywêsa omuntu ecihango amango ntà câzo cihali kuli oyo muntu, lyo bamanya erhi ayâzire nîsi erhi ahire. Ab’omu mulala gwa Semu, bakâgikolêsa amîshi g’omu lwîshi erhi g’omu iriba. Alaga amazîno ga maliba maguma-maguma: Ein-Mishpat* («iriba ly’obucîranuzi»: Murh 14, 7), Meriba *(«nnongwè»: Mib 20, 13).”. 20 “Ci erhi akabà wabîre mubamba, n’obwôla ogwêrhe balo, wagenda n’owundi mulume”. 21 “Omudâhwa anamugasha n’ebinwa by’ecihango, anamubwîra”, erhi: “Nyamubâho akujire buhanya na wa busha omu karhî k’olubaga lwâge, oyume emirhibadu, orhunde n’enda”, 22 “n’agâla mîshi galêrha obuhanya gakuje omu nda gayirhunze ganakuyumye emirhibadu. Nyamukazi anashuza§5, 22 Ishuzo: Amen, amen! = «Kwo binali, bibè ntyo». - Omu kuderha ebi binwa, nyanmkazi anayêmêre n’obwâlagale ebinwa byoshi omudâhwa anamugashaga (Lush 27, 15-26)., erhi: Amen! Amen!” 23 “Omudâhwa anayandika birya binwa*5, 23 Hali okundi bakâgicîgasha: banabwîra omuntu alyè gulya muzingè bayandisirekwo endahiro y’omwîgasho (Eze 2, 8—3, 3) by’okucigasha oku muzingè, kandi anabizagiza muli galya mîshi malulu”. 24 “Ananywêsa nyamukazi galya mîshi malulu na ga kuhehêrerwa, n’agôla mîshi g’okuhehêrerwa ganashandabana muli ye n’obululu bwâgo”. 25 “Omudâhwa erhi abà amâyankirira omu maboko ga nyamukazi erya nterekêro y’omujina, anayimogamoga embere za Nyakasane, anayiyegeza oku luhêrero”. 26 “Anashamarha nshâno ya lihî luguma lw’eyôla nterekêro y’okuyibusa†5, 26 Okuyibusa: Rhulole omu Lev 2, 2., anayisingônokesa oku luhêrero, enyuma ly’ahôla anaywêsa nyamukazi galya mîshi”. 27 “Hano abà amamunywesa galya mîshi oku bikolaga byayishibà: akabà nyamukazi ahemukîre îba, galya mîshi ganalêrha okuhehêrerwa hano ganamujamwo, ganamululire: enda yâge yanarhunda, emirhibadu yâge yanayuma na oyôla mukazi anabà muhanya omu bene wâbo”. 28 “Ci erhi ankabà nyamukazi ali mwêru kwêru, arhahemukaga, arhankajà kwo iga, anacira, akazinaburha”. 29 “Lyo irhegeko ly’omujina eryo, amango omukazi ankahemukira îba omu kuhusha”, 30 “nîsi erhi akabà omulume amajamwo omujina kuli mukâge: oyôla mulume anagendiyimanza mukâge embere za Nyakasane n’omudâhwa anamujirirakwo eryo irhegeko nk’oku linali lyoshi”. 31 “Omulume arhajiziri câha, nyamukazi anabarhula obubî bwâge yêne”».