1 Nyakasane ashambâza Mûsa amubwîra, erhi: 2 «Oshambâle n’Aroni omubwîre, erhi: “Amango wahira amatara*8, 2 'amatara' rhwanagaderha 'rhumole' omu mashi nkana; rhwarhozire 'itara' ci cibà ciswahili oku cinara, embere ly’ecôla cinara yo agôla matara nda gagwâsirwe gakazimolekera.”» 3 Aroni anacijira kulya; ahira amatara embere z’ecinâra, nka kulya Nyamubâho anarhegekaga Mûsa. 4 Ecôla cinara càli cijizirwe n’amasholo gône kuhika oku magulu, kuhika oku bwâso bwâco, càli cituzirwe n’amasholo gônene, Mûsa acîjirisagya omu kushimba ec’olwiganyo Nyamubâho amuyêrekaga.

5 Nyakasane ashambâza Mûsa amubwîra; erhi: 6 «Orhôle bene Levi ekarhî ka bene Israheli, onabacêse. 7 “Alaga oku wabacêsa: Obakangûle n’amîshi g’olukangûlo; bageze olugembe oku mubiri gwâbo goshi, bashuke n’emyambalo yâbo bacîcese ntyôla”. 8 “Enyuma z’ahôla, banarhôla empanzi y’omucûkà oku nterekêro y’ensirîra, kuguma n’enterekêro yâge y’enkalangè yajirwa n’e­ nshâno y’omulà mvange n’amavurha. Wanarhôla n’eyindi mpanzi y’omucûkà, ebè nterekêro oku câha”. 9 “Wanashegeza bene Levi embere za ihêma ly’embugânano, kandi wanashubûza endêko ya bene Israheli boshi”. 10 “Wanashegeza bene Levi embere za Nyamubâho, na bene Israheli banahira amaboko†8, 10 Kulambûlira amaboko gâbo kuli bene Levi. Okumulambûlirakwo amaboko kugwêrhe mahugûlo manji: - Bakagilambûlira amaboko oku mbâgwa (Lub 29, 10; Lev 3, 2.8; 4, 4). - Eco cijiro cakâgijirwa amango bahêreza omuntu obuhashe (bukulu): Mib 27, 18; Lush 34. - Eco cijiro cakâgijirwa amango g’enterekêro y’engandabuzi y’empyûlo (Lev 16, 20-22). - Kandi eco cijiro cakâgijirwa nka bahâna omugisho (Murh 48, 14). gâbo kuli bene Levi”. 11 “Aroni anarherekêra bene Levi nka nterekêro ya kumogamogwa embere za Nyamubâho, nterekêro ehûnyirwe na bene Israheli, mpu babè bantu bakukazijira omukolo gwa Nyamubâho”. 12 “Bene Levi, banahira amaboko oku irhwe ly’empanzi ibirhi, nguma wa­ nayihâna nka nterekêro oku byâha, n’eyindi nka nterekêro ya nsirîra ya Nyamubâho, lyo bahashijira empyûlo kuli bene Levi”. 13 “Wanayimanza bene Levi embere z’Aroni n’embere z’abagala, wanabarherekêra nka nterekêro ya kumogamogwa embere za Nyamubâho”. 14 “Wanayêgûla bene Levi ekarhî k’abandi bene Israheli, na bene Levi banabà bantu bâni niene”. 15 “Enyuma z’ahôla bene Levi banayisha balijira omukolo omu Ihêma ly’embugânano. Ntyo kwo wabacêsa onabarherekêre nka nterekêro ya kumogamogwa”. 16 “Bulya bakola bîmi loshi omu bene Israheli; nabarhôzire nti babè bâni niene ahâli h’omwâna w’olubere, olya wayigula burhangiriza enda ya nina, nacîshozire bo kuli ngasi mwâna wa lubere wa bene Israheli”. 17 “Bulya ngasi mwâna wa lubere wa bene Israheli ali wâni, abè mwâna wa lubere wa muntu, abè wa cintu. Lulya lusiku nayîrhagamwo ngasi lubere omu Mîsiri go mango nacîrherekêraga bo”. 18 “Narhôzire Abaleviti ahâli h’abâna b’olubere ba bene Israheli”. 19 “Nahânyire loshi bene Levi emwa Aroni n’abagala, nka ‘ngalo’, omu karhî ka bene Israheli; bakazijira omukolo gwa bene Israheli omu Ihêma ly’embugânano, bakazijira empyûlo ya bene Israheli, lyo bene Israheli balekijakwo cibande cici, amango bayegêra ahantu himâna”».

20 Mûsa, Aroni na bene Israheli boshi bajirira bene Levi nk’okwôla Nyamubâho anarhegekaga Mûsa, oku hiyêrekîre bene Levi. Kwo bajizire ntyo bene Israheli kuli bo. 21 Abaleviti bacìcêsa, bashuka emyambalo yâbo. Naye Aroni abarherekêra nka nterekêro ya kumogamoga embere za Nyamubâho, abajirira n’empyûlo lyo babà bwinjà. 22 Enyuma z’ahôla, bene Levi bakaziyîsha balijira omukolo gwâbo omu Ihêma embere z’Aroni n’abagala. Bajira nk’oku Nyamubâho anarhegekaga Mûsa oku biyêrekîre bene Levi, okwôla kwo banabajirire.

23 Nyakasane ashambâza Mûsa, amubwîra, erhi: 24 «Genda obwîre Bene­ Levi, erhi: “Kurhenga oku myâka makumi abirhi n’irhanu, ngasi Mwene-Levi arhegesirwe okuhâna enterekêro, ajire mukolo muguma omu Ihêma ly’Embugânano.” 25 “Kurhenga oku myâka makumi arhanu, arhacisezibwi okuhâna enterekêro; ntà mukolo acisêzibwe okujira.” 26 “Cikwône anarhabâla bene wâbo okushimba ebirhegesirwe omu Ihêma ly’Embugânano, erhi na ntà mukolo asêzibwe. Ntyo kwo wakazijira omu kushimba ebirhegesirwe Bene-Levi.”»