Nayumvîrhe nanasîma ene bambwîra, mpu: mwo rhwajà omu nyumpa ya Nyakasane.

2 Amagulu gîrhu gano gakola gali, omu bululi bwâwe Yeruzalemu.

3 Yeruzalemu kwo ali muyûbake nka cishagala, nka cishagala cisêzire buzibu.

4 Yo amashanja gayinamukira, amashanja ga Nyakasane. Mpu gakuze izîno lya Nyakasane nk’oku Israheli anarhegesire.

5 Yo entebe z’okutwîra emmanja zibà, entebe z’omu nyumpa ya Daudi.

6 Yâkûlizagyi Yeruzalemu omurhûla abakurhonya babè n’omurhûla,

7 Akalembe kabè omu bululi bwâwe, n’omurhûla omu minene yâwe.

8 Bene wîrhu haguma n’abirhu bo barhumire nakuderha nti: «Obêmwo omurhûla.»

9 Nêci nakusengerera ebinja, erhi eyi nyumpa ya Nyakasane Nnâmahanga wîrhu yo erhuma.