Nnâmahanga Mwâmi wâni, nalonza okukuza, nacîtakirira izîno lyâwe ensiku zoshi.

2 Nalonza ngasi lusiku nkukuze, na ngasi luj’oku nkuba nyimbire izîno lyâwe irenge.

3 Nnâmahanga ali w’izîno anali wa kukengwa bwenêne, obukulu bwâge burhankayumvûbwa.

4 Ngasi iburha lyabwiriza eryâbo ebirhangâzo byâwe, n’ebisômerîne byâwe byahêkwa irenge.

5 Nêci nyimba irenge ly’obukulu bwâwe, n’ebirhangâzo byâwe.

6 Abantu bakaz’iganîra obuhashe bwâwe bujugumya. nâni nkazibaganîrira obukulu bwâwe.

7 Bakâhamagaza aminjà gâwe manene, n’okubandira obwîrhonzi bwâwe empûndu.

8 Nyamubâho abà mwinjà na wa lukogo, arhakunira duba abà na wa buzigire.

9 Nyamubâho abà mwinjà kuli boshi, nn’olukogo lwâge luyerekera emikolo yâge.

10 Aminjà gâwe wajizire kukuza gakukuza Muhanyi n’abarhonyi bâwe bakugashâniza.

11 Banaganire irenge ly’obwâmi bwâwe n’okulumîza irenge ly’ebisômerîne byâwe.

12 Lyo bamanyîs’abantu ebirhangâzo wabajirire. irenge ly’obwâmi bwâwe.

13 Obwâmi bwâwe buli bw’emyâka n’emyâka, oburhegesi bwâwe buyôrha buli oku ngasi iburha. Nyakasane ali w’okuli omu nderho zâge zoshi, ali na Mwimâna omu bijiro byâge byoshi.

14 Nyakasane ye kakoma ka ngasi bahirima, ye Cînamula wa ngasi bashâyire.

15 Boshi we bahirakw’omurhima n’amasù omu bulagîrire, n’amango gakwânîne nâwe obahè ebi bàlya

16 Onalambûle okuboko, oyiguse n’obugale bwâwe ngasi coshi cibâmwo omûka.

17 Nnâmahanga ali mwîrhonzi omu njira zâge zoshi, na wa lukogo omu mikolo yâge yoshi.

18 Nnâmahanga ali hôfi ha ngasi yêshi omusengera, ngasi yêshi omusengera n’omurhima gurhajira bulyâlya.

19 Abamurhînya anabajirire ngasi byoshi bacîfinja, anayumve emirenge yâbo anabacize.

20 Nnâmahanga analange abamuzigira boshi, anaherêrekeze endyâlya.

21 Ecabona akanwa kâni kayimba irenge lya Nnâmahanga, na ngasi bàhîrwe omubiri boshi bagashânize izîno lyâge litagatîfu.