Abandisi b’ecitabu c’Amarhegeko; Abalêbi n’abandi bandisi bali enyuma zâbo bàrhusigîre enyigîrizo nkulu bwenêne ziyêrekîne obumanye n’oburhimanya bw’Israheli. Co cirhumire Israheli akonkwa. Na bulya omuntu akwânîne ayîgîrire n’okusoma, na hano akola ayigîrîre, naye arhondêre okuyigîriza abandi b’embuga, omu nderho n’omu myandiko yâge: naye shakulûza wâni Yezu, erhi abà amâsimika omu kucîyigîriza ecitabu c’Amarhegeko, Abalêbi, n’ebindi bitabu bya bashakulûza, abona akol’âhalûsire kurhali kunyi, arhondêra naye okuyandika binwa biguma-by’okuyigîriza n’okurhimanya, mpu ly’abantu balonza okuyigîrira n’omurhima nkana, banalonzize okushimba aga mahano, babone kurhi balama n’okushimba irhegeko bwinjà. Nkuhûnyirage nâni we musomi, osome eci citabu bwinjà, omanye! olole bwinjà, onabè wa lukogo aha wakabona ntamanyir’ihindula olulimi omu lundi, ciru akabà mpu ncîsêzize. Kuli kuderha oku birhagenda kuguma, ebinwa byarhanzir’iderhwa omu cihabraniya, ntâko wakabiderha omu lundi lulimi; ciru, n’erhi wankalola ecitabu c’Irhegeko oku ciri, Abalêbi, n’ebi­ndi bitabu; erhi bihindulwa omu lindi iderha birhaciyumananaga lwoshi lwoshi n’iderha lirhanzi-rhanzi. Omu mwâka gwa makumi asharhu na munâni, nyakufà mwâmi Yergeti ali oku ntebe, najà e Mîsiri, n’oku ndi eyo, narhimâna ecitabu cirimwo enyigîrizo nkulu bwenêne. nâni nacîsêza, nacîshwêkerera n’emisî yoshi nti kuhika mpindule eci citabu. Nacîsêzize obudufu n’omûshi haguma n’obulenga bwoshi, ago mango nti lyo nyukiriza omukolo nanguyêrekane, nti abandi nabo, balya bali kuli, ihanga, banalonzize okucîyigîriza, babone kurhi bayinjihya engeso zâbo, banalame nk’oku Irhegeko linarhegesire.

1 Oburhimanya bwoshi emwa Nyamuzinda burhenga†1, 1 Olwîko lw’omuzî gw’oburhimanya ndi ogumanyire, Nyamuzinda yêne oyishi ebyâge, yênène onabimanyisa abalonzize: lolà Ayu 28, 12-28. hôfi naye bubà ensiku n’amango. 2 Ndi wankahasha okuganja omushenyi gw’enyanja, emirhônyi y’enkuba erhi ensiku zibà ensiku n’amango? 3 Ndi okola ohisire aha amalunga gahekera, ndi oyishi obugali bw’igulu, nîsi ndi okola ojirisâgarha aha okuzimu kuhekîre? 4 Oburhimanya bwalemirwe embere lya byoshi, obukengêre-burhimanya burhali bwa mango n’ene. 5 Enshôko y’obushinganyanya, kabà kanwa ka Nnâmahanga omu mpingu; n’enjira zâge go marhegeko g’ensiku n’amango. 6 Ndi wafululîrwe ecisiki c’obumanye? Obuhirhi bwâge ndi obumanyire? 7 Ndi bafulûlîre obumanye bw’obushinganyanya? N’obuhirhi bw’enjira zâge, ndi obumanyire? 8 Omurhimanya anali muguma, ali na wa kuyôbohwa nk’atamîre oku ntebe yâge. 9 Nyamuzinda ly’izîno lyâge, ye walemaga oburhimanya, àbulola anabukereka, àbugabanya emikolo yâge yoshi, 10 àbuhira omu ngasi ciremwa nk’oku analonzize, àbugabira abantu bamuzigira.

11 Okurhînya Nyamuzinda‡1, 11 Okurhînya Nyamuzinda kurhali kurhînya kwa bwôba, ntemu ya kumuyâka, ci kurhînya kwa bukenge, kula omuntu arhînya ababusi bâge, erhi nnawâbo n’obwo abazigire, bulya ahâli nku­lwe, harhakulwa. kuli kulimba kuli na kuj’irenge, buli bushagaluke eri na nsirha ya busîme. 12 Okurhînya Nyamuzinda kushagalusa omurhima, kusîmîse omuntu amwemwerhwe, kunamuhè akalamo karhali kanyi. 13 Omuntu orhînya Nyamuzinda, obuzinda bwâge murhûla, olusiku lw’okufà kwâge mugisho, 14 Omurhondêro gw’oburhimanya kuli kurhînya Nyamuzinda; oburhimanya bwalemirwe n’abemêzi, buli nabo kurhenga omu nda ya bannina. 15 Oburhimanya bwayûbasire ekarhî k’abantu, bwagwika eciriba c’ensiku n’amango, bwanacishwekera oku bûko bw’abantu. 16 Okurhînya Nyamuzinda bwo bushwinjiro bw’oburhimanya, bujira n’amalehe galalusà abantu. 17 Bunahire obugale omu nyumpa zâbo, n’enguli zâbo buzibumbe muhako. 18 Obushwinjiro bw’oburhimanya kuli kurhînya Nyamuzinda, kunahâne omurhûla n’amagala. 19 Nyamuzinda abwîne, abubwîne anabukereka, adubula obumanye n’obukengêre, àlengeza irenge ly’abarhimanya. 20 Omuzî gw’oburhimanya, kurhînya Nyamuzinda, ebibabi byâbwo kalamo kanene. 21 Okurhînya Nyamuzinda kunarhenze ebyâha, omuntu ocîhangâna muli okwo, anacikûlekwo oburhè bwa Nyamuzinda. 22 Amagene g’omubî garhamuha lubanja, obuzirho bwâgo ekuzimu buhêka. 23 Omuntu w’omurhima gurhulwîre kulinda alinda amango, n’erhi gayisha gubè mwishingo. 24 Arhabadukira omu binwa, n’abandi banabone oku ali wa bukengêre.

25 Omu cibîkiro c’oburhimanya mubà bizibu binji by’obumanye, ci omunya-byâha arhakwirirwa obukunda-Lulema. 26 K’ohubîre oburhimanya? Shimba amarhegeko, Nyamuzinda akushobôza-bwo. 27 Bulya okurhînya Nyamuzinda buli burhimanya zinali nyigîrizo, eci Nyamuzinda azigira bwikubagirwa n’obutûdu. 28 Orhabâga ntumwa omu biyêrekîre okurhînya Nyamuzinda, n’omu kukulikira okurhînya Nyamuzinda, orhabâga wa mirhima ihiri. 29 Orhabâga ndyâlya omu masù g’igulu, onalange akanwa kâwe. 30 Orhacîhiraga enyanya, bulya warhoga, enshonyi zikugwârhe, bulya Nyamuzinda anakajalûla ebikuli emurhima, omu karhî k’endêko, akushenye oku idaho, Ntyo kumanyîkane oku orharhînya Nyamuzinda, n’oku omurhima gwâwe guyunjwîre bulyâlya§1, 30 nâni nacîsêza, nacîshwêkerera n’emisî yoshi nti kuhika mpindule eci citabu, kuli kuderha oku ecitabu c’Oburhimanya càli ciyandike omu cihebraniya, hali abaderha oku babwîne ehisharhi hya kulico omu cihebraniya aha Masada, hôfi n’Enyanja y’Omunyu..