1 Bâna bâni, munyumve, nie sho, mushimbe oku mmubwizire, mwacira. 2 Nyamuzinda nk’ahà omushamuka irenge, anamuhè abâna, yenazibuhya obuhashe bw’omuzîre omu bagala. 3 Omwâna okenga îshe erhi mwenda alyuzire, 4 omwâna okuza nnina erhi buhirhi abîsire. 5 Okenga îshe, naye âbona obusîme omu bâge bâna, olusiku lw’okushenga, Nyamuzinda ayumva omusengero gwâge. 6 Okuza îshe, âbona akalamo k’ensiku n’ensiku, osîmîsa nnina erhi Nyamuzinda akenzire. 7 Ababusi bâge kw’abakolera nk’owakolera Nyakasane. 8 Okenge sho omu bijiro n’omu nderho zâwe, wabona oku omugisho gwâge gwakuhikako. 9 Obwangà bw’omushamuka kuyûbaka buyûbakira abâna bâge, enfûlago ya nnina wa muntu yôhe kushâba eshâba. 10 Sho akabîha, orhacîshingaga, bulya nt’irenge warhenza omu bubî bwa sho. 11 Irenge ly’îshe wa muntu erhi ry’omuntu yêne, nnina wa muntu akashekerwa erhi omuntu yêne oshekîrwe. 12 Mwâna wâni, rhabâla sho omu bushosi bwâge, orhamujiraga burhè amango acizîne. 13 Ciru obukengêre bwâge bwakazambaha, obè n’omurhima gw’olukogo, orhamugayaguzagya w’eciri musole. 14 Aminjà wâjirire sho garhakayibagirwa, garhuma wabona ciru n’obwonjo oku byâha byâwe. 15 Nyamuzinda âkukengêra olusiku lw’amalibuko, ebyâha byâwe kwo byâhirigirha kul’olubula lujonga oku izûba. 16 Kw’ali nk’ojâcîre Nyamuzinda omwâna oyîbagîre îshe, n’ôjira nnina mungo, ali mwâna wahehêrîrwe emwa Nyakasane.

17 Mwâna wâni, okole n’obutûdu omukolo gwâwe, wârhona kulusha omurhonyi. 18 Oku obukulu bwâwe buli, kwo n’obwîrhôhye*3, 18 Ly’arhona emwa Nyamuzinda: omukulu walonza okusîmîsa Nyamuzinda abè mwîrhôhye, amanye endalwè y’obukulu: lolà Mat 20, 26-28. bwâwe bunabâge, ly’orhona emwa Nyamuzinda. 19 Abantu b’obucîbone n’abany’irenge bali banji, cikwône abîrhôhye bwo amanyîsa amahwe gâge. 20 Bulya Nyamuzinda abà mukulu, ci bîrhôhye bamuharâmya. 21 Orhakâgicîhambira ebi orhagale, orhasingirizagya ebikulushire misî. 22 Akanwa wabwîzirwe, okasêzeko omurhima, ebiciri mahwe byôhe, orhacîrhamagya mpu wabisâgarha. 23 Orhacîrhamagya n’ebilushire obukengêre bwâwe, ciru ebi wayigîrizibwe bikola binji oku bukengêre bw’omuntu. 24 Bantu banji bahabusire n’obucîbone, okucîkunga kwâbo kwabahabula enkengêro.

25 Okubula emmonyi kwo na kubula obulangashane, okabula obumanye, orhacîshomagya mpu wayigîriza. 26 Murhima-arhumva buhanya afâna, n’osîma entambala arhayihumba†3, 26 Kunazâze ebyâha: ojira bwinjà bundi ajirwa, omuntu ojirira owâbo aminjà Nyamuzinda orhumire, naye Nyamuzinda amubabalira, lolà 1 Pet 4, 8.. 27 Murhima-arhumva arhahwa burhè, n’osîma ebyâha bindi abona. 28 Obuhanya bwa cibone burhabukwa, bulyâl’obubî bwamumezizemwo emizî. 29 Omuntu mwenge emurhima adôkeza omugani, n’okubwîra owayumva, kw’omuntu murhimanya acîfinja. Okurhabâla ab’obuligo 30 Amîshi ganazimye engulumira, n’okuhà ow’obuligo Kunazâze ebyâha. 31 Kujira-bwinjà ali mubîsi, olusiku abâ buligo, arhâbule carhabâla.