1 Orhacîfinjaga okuburha ba-bunji-bwa-busha, orhacîshingiraga abâna b’ebyâbi. 2 Orhacîshingaga ciru bankaluga, nka barharhînya Nyamuzinda. 3 Arhalangaâliraga okulama kwâbo, arhalangaâliraga n’enjira balimwo, bulya muguma nkana ye mukulu aha cihumbi, n’aha omuntu akaburha enkola-maligo, akacîfira buzira mwâna. 4 Omuntu muguma nkana anabumbe olugo, iburha ly’ababî kuhwa linahwa. 5 Niene nabwîne n’amasù gâni bintu binji bishushana; nanayumva n’amarhwîri gâni ebiri bizibu. 6 Omuliro gucîtuzire omu ndêko y’endyâlya, n’obukunizi buzûsire omu ngabo y’abagoma. 7 Nyamuzinda arhababaliraga balya ba ciri-misî ha mîra, bagomaga erhi kulimbira emisî kurhuma*16, 7 Muhimbo gwa busha: lolà Murh 6, 1-7.. 8 Arhababaliraga olugo Loti†16, 8 Loti: mwene wâbo Ahrahamu: lolà Murh 19, 1-29. aliyûbasiremwo, erhi obucîbone bwa benelwo bwamamugayîsa. 9 Arhabaga bwonjo oku bûko bw’emihera‡16, 9 Emihera: ab’e Kanâni barhanzi, balya barhashangîraga na Nyamuzinda w’okuli:, boshi baholoka erhi byâha byâho birhuma. 10 Akujirira n’engabo ya bihumbi magana galindarhu§16, 10 murhima gwâbo mubî: lolà Lub 12, 37. , balya bacîhindulaga*16, 10 Emihera: ab’e Kanâni barhanzi, balya barhashangîraga na Nyamuzinda w’okuli. erhi buzibu bwa mirhima yâbo burhuma. 11 Ciru ankabîre muntu muguma cikanyi-cirhagomba, okumuleka arhahanyirwi kwanasômerana, bulya obwonjo n’obukunizi biri bya Nyamuzinda, nn’olukogo ye na nn’oburhè. 12 Obwonjo bwâge buluga, ci n’obukali bwâge burhali bunyi, anatwe olubanja lw’abantu nk’oku emikolo yâbo enali. 13 Arhaleka buzira kuhana omunya-byâha n’amabî gâge, arhanalindîsa busha omuntu omurhînya. 14 Abà wa lukogo lunji, ci ngasi muguma ashobôla nk’oku ebijiro byâge binali. 15 Nyamuzinda adundaguzize omurhima gwa Faraoni mwâmi w’e Mîsiri mpu lyo amanyîsa emikolo yâge hano igulu. 16 Obwonjo bwâge bucîyêrekana oku biremwa byoshi, obulangashane n’omwizimya abijirire abantu boshi.

17 Orhaderhaga, erhi: «Ka ntacîfulika oyo Nyamuzinda, eyo nyanya ndi wânkengêra?» «Ndi wajà anfukula omu karhî k’entuliri y’abantu?» «Ndi ntâye ekarhî k’ebiremwa binji†16, 17 Binji ntya: lolà Murh 3, 10; 4, 9. ntya». 18 Lolà: empingu, enyanya kurhaluka amalunga, ekuzimu n’igulu, okuyisha kwâge kwamâbigezamwo omusisi. 19 Caligumiza entondo n’eciriba c’igulu, byamâgeramwo ogwa nyugunyu embere zâge. 20 Ci kwône barhakengêra ebyo byoshi, ndi ogerêreza ogw’enjira zâge? 21 Ciru n’omusirûla gurhabonekana, hôfi emikolo yâge yoshi gali mahwe. 22 «Emikolo y’obushinganyanya‡16, 22 Eri kuli: owalinda endagâno ya Nyamuzinda ahîre omurhima omu nda, ntà kuderha mpu amâlegama. arhâciyishe!, ndi wayimanyîsa? Ndi wayirinda? Bulya endagâno eri kuli». 23 Zo nkengêro z’omuntu w’obukengêre bwofi ezo, omuhwinja n’omuhabà barhalôrha elirhali isirhe.

24 Nyumva, mwâna wâni, oyigîrire, ebinwa nakubwîra obirhege omurhima. 25 Nakuyêreka olugero lw’enjira, nacîhangana nkuyumvîse omanye. 26 aha murhondêro, erhi Nyamuzinda alema ebiremwa byâge§16, 26 Ebiremwa byâge: lolà Murh 1, 1: okulemwa kw’igulu., oku ayûsirema, agabira ngasi ciguma aha cabêra. 27 Ebiremwa byâge abihà olukere lw’ensiku n’amango, kurheng’emurhondêro gwâbyo kuhika okuli kw’amango. Ebiremwa byâge birhafà ishali, birhafà murhamo, na ntà mango bireka omukolo gwâbyo. 28 Ntâco cisagihukula ecâbo, na ntà mango bibula kumuyumva. 29 Nyamuzinda asinza igulu obwo, aliyunjuza ebinja byâge. 30 Alihiramwo ngasi bûko bwa nsimba, n’omu idaho zânâshubire.