8
1 Ocibâga mushinja wîrhu, olya wayonkaga ibêre lya nyâmà*8, 1 Kucîfinja okwo Sulamita acîfinjire, erhi: nka wali mwene nyâmà! Ci kwône Nyamuzinda, ibà w’Israheli, arhali muntu. Ensiku acîderha «Mwene muntu», «Nyamuzinda haguma nîrhu», «Emanûweli» zo zicîfinjirwe.! Singa amango nkubuganyire embuga nanakuhôbera abandi barhanangaye.
2 Nanakuhêka nkuhise omu mwa nyâmà†8, 2 Omu mwa nyâmà* muli omu ka-Nyamuzinda (3, 4). nâwe onyigîrize. Nankakulabuzize oku irivayi lyâni linjinja n’oku murhobo gwâni gw’engerenadi;
3 Okuboko kwâge kulembe kwo nshegemire, n’okulyo kwâge kwo kunzonzire.
Omuhya-mulume
4 Banyere b’e Yeruzalemu, mwe mukasinga, murhatule, murhatule Musîmwa wâni n’ensa y’okushâsha kwâge erhacihika.
Okushwinja
5 Mwa ndi ola wayinamuka arhenga omu irungu ayegemîre Omuzigirwa wâge? Ho nakutuliraga aha murhi gw’epomi, halya nyoko ayankiraga izîmi lyâwe honênè, halyâla ayankiraga izîmi omuzîre wakuburhaga‡8, 5 Omuzîre waburhaga Israheli (Eze 16, 3.44-45). Bene-Israheli emwâbo e Kanâni, îshe wâbo Muamoriti; nnina Muhititi..
Omuhya
6 Ompire nka ciziriko oku murhima gwâwe, nka ciziriko oku kuboko kwâwe. Bulyâla obuzigire kwo buzibuha nka lufù§8, 6 Obuzjgire amango bwamarhabâla, kwo kuli nka olufù, burhajîbwa omu irhwe. -Emitula kwo eri nka luhali; aha eri, kwo hali nk’aha omuliro guli: kuyokêra eyokêra. -Anagaya birya birugu, bulya birhalêrha buzigire. Byanagendera busha., emitula yo miguma n’okuzimu, naye ye karhagomba. Emyampi y’emitula gubà muliro, ngulumira ya Nyamuzinda.
7 Amîshi galuge kurhi, garhazimiza buzigire, nanga obuzigire burhahêkwa na lwîshi. Owahâna ebiri omu mwâge byoshi mpu agule enzigi, kagayo kwône akayungukamwo.
Enyûshûlo
Bashinja haho omuhya
8 Mwâli wîrhu*8, 8 Mwâli wîrhu ye Yeruzalemu oyo bàdesire: ishwa lirhali linganaci, arhanagwêrhi côgo cizibu cakamufungîre oku babisha. ali murhò: ibêre lyâge lirhacihona; Lêro kurhi rhwajira mwâli wîrhu olusiku bâmuganîza?
Omuhya-mulume
9 Akabà ali lukûta, rhwalushwinja n’amarhale, gukabà muhango, rhunâgusêze n’embaho z’enduluma.
Omuhya
10 Ncîbêrîre lukûta, n’amabêre gâni go galigi minâra. Omu masù gâge, ndi nka mbwîne omurhûla obu!
11 Salomoni âjiraga ishwa ly’emizâbîbu aha Baali-Hamoni. Alilangisa abalanzi, mpu ngasi muguma ayishimugalulira ebyafa by’amalehe: cihumbi ca magerha.
12 Eryani ishwa ly’emizâbîbu ndwîrhe nalilangîra: Wâni Salomoni ebihumbi by’amagerha byo byâwe, n’amagana abirhi g’abalanzi b’amalehe.
Omuhya-mulume
13 Nâwe wabêra omu masâne, abirhu badwîrhe bakuyumva. Nâni, obè nka walinyumvîsa! izù lyâwe†8, 13 Omuhya oyo bâbirwe; bamujizire «burhimanya» balonzize okuyumva n’okumanya (Bush 8, 2). Abalenga b’omwandiko kwo bacîkebwa mpu ogu musemwa gwayûshûlagwa buzinda, erhi n’ecitabu cikola ciyunjwîre, kuderha mpu bahugûle ebinwa bimuli. Mpu omuhya wa muli eci citabu: Burhimanya, bwo budesirwe muli co. Nka kulya omu Bush 8, 2-3, burhimanya oli nka mu hya wakanasîmwa, n’omu Mig 31, 10-31, oburhimanya buli nka mukazi mwîkubagirwa.!
Omuhya
14 Yâka, Muzigirwa wâni obè nka kashafu, nka mutwîra gwa kashafu kalume, oyâkire oku ntondo z’amalâshi!

*8:1 8, 1 Kucîfinja okwo Sulamita acîfinjire, erhi: nka wali mwene nyâmà! Ci kwône Nyamuzinda, ibà w’Israheli, arhali muntu. Ensiku acîderha «Mwene muntu», «Nyamuzinda haguma nîrhu», «Emanûweli» zo zicîfinjirwe.

†8:2 8, 2 Omu mwa nyâmà* muli omu ka-Nyamuzinda (3, 4).

‡8:5 8, 5 Omuzîre waburhaga Israheli (Eze 16, 3.44-45). Bene-Israheli emwâbo e Kanâni, îshe wâbo Muamoriti; nnina Muhititi.

§8:6 8, 6 Obuzjgire amango bwamarhabâla, kwo kuli nka olufù, burhajîbwa omu irhwe. -Emitula kwo eri nka luhali; aha eri, kwo hali nk’aha omuliro guli: kuyokêra eyokêra. -Anagaya birya birugu, bulya birhalêrha buzigire. Byanagendera busha.

*8:8 8, 8 Mwâli wîrhu ye Yeruzalemu oyo bàdesire: ishwa lirhali linganaci, arhanagwêrhi côgo cizibu cakamufungîre oku babisha.

†8:13 8, 13 Omuhya oyo bâbirwe; bamujizire «burhimanya» balonzize okuyumva n’okumanya (Bush 8, 2). Abalenga b’omwandiko kwo bacîkebwa mpu ogu musemwa gwayûshûlagwa buzinda, erhi n’ecitabu cikola ciyunjwîre, kuderha mpu bahugûle ebinwa bimuli. Mpu omuhya wa muli eci citabu: Burhimanya, bwo budesirwe muli co. Nka kulya omu Bush 8, 2-3, burhimanya oli nka mu hya wakanasîmwa, n’omu Mig 31, 10-31, oburhimanya buli nka mukazi mwîkubagirwa.

© 2024 BMKLB