1 Owabà arhagwêrhi mwâna nka agwêrhe enkômedu*4, 1 Okukengêrwa kuli kurhafà. Oyu bakengîre erhi azîne omu bukengêre. Ntyo, ôwafà nka akozire ecijiro cinjà, abandi bâkaz’imudulirakwo, kwo ali nk’ôrhafiri. nyinjà, ye mukulu, bulyâla okurhafà kunanîre oku kukengêrwa enkômedu nyinjà. Nyamuzinda abà ayirhonyize, n’abantu kwo na kwo. 2 Enkômedu, nk’eri hôfi, banayiyige, nk’erhali hôfi bacifinjeyo, eyambisirwe ecimanè c’okuhimana ensiku n’amango, bulyâla yahimîne omu ntambala buzira kuhemuka.

3 iburha ly’endyâlya, ciru lyakaluga, linali lya busha, kwo liyisha nka mashami ga cisholo, lirhamere mizî†4, 3 Okumera emizî kuli kusêra, kwo kumina kw’emburho okwo, kwo kunarhuma yajinîrira., lirhanabone nsimiko lyayimangirakwo. 4 Ciru lyakarhang’ibà nka lyaluza amashami, bulyâla lirhagwêrhi nsimiko oku idaho, empûsi yanalihenangula likunduke n’omuhûsi gw’erya mpûsi. 5 amashami g’eryôla iburha gavunika ganaciri marhò, amalehe gâlyo garharhengemwo bunguke buci, garhalibwe erhi kurhôha kurhuma, garhanakole kafu ka ruguru. 6 Abâna barhenga omu îrò ly’obulyâlya, hano Nyamuzinda akola abadôsa, bône bo banayêrekana obubî bwa ababusi bâbo.

7 Omushinganyanya yêhe ciru akafà murhò, arhâbule kuluhûka‡4, 7 4. 7: Okwo kuluhûka kwo kujà omu murhûla (rhulole 3, 3).. 8 Obushosi bukengwa, arhali bulà bulêrhwa n’ensiku nyinji, nîsi erhi bulà baganjira emyâka; 9 Oburhimanya nabwo zinabe mvi z’omuntu, akalamo karhalimwo izâbyo nako erhi bunali bukulu. 10 Ali asimîsize Nyamuzinda ozîne anarhona emunda ali, na bulyâla omu karhî k’enkola-maligo ali, azurundukanwa. 11 Ahêkwa ntyo mpu lyo obubî bulek’isherêza obukengêre bwâge, n’obulyâlya bulek’ihabula omurhima gwâge; 12 bulyâla okuhenekera obubî kunasîke obwinjà, n’enzungu amagene galêrha, enasherêze omurhima gurhâli gucibîhà. 13 Okutwa bwinjà na duba, kwarhuma ashuba mulamu. 14 Omurhima gwâge gwàli gusimîsize Nyakasane, okwôla kwarhuma amurhenza duba omu nkola-maligo. Olubaga lunabone okwo erhi lurhanayumvîrhi kwo kuderha kurhi, bulyâla barhahiziri aka kanwa oku murhima: 15 Abîshogwa ba Nyakasane banasîme babona babêrirwe obwonjo, n’abatagatîfu bâge bashanga olwâkiro.

16 Omushinganyanya ofîre ayâgiriza ababî bazîne, n’oburhò buhisire duba oku bugula, buyâgirize obulamu bw’enkola-maligo. 17 Olubaga lunabone okuyûrha kw’omurhimanya, ci erhi barhanayumvîrhi mirâli mici Nyamuzinda agwêrhe kuli ye, nîsi erhi ecirhumire Nyakasane amukema. 18 Okubona banabone barhânashibirire, ci kwône Nyakasane yêhe kushekera abashekera. 19 Barhârham’ihinduke cijandagwa ca cirunda, omu karhî k’ababire bagwârhwa n’enshonyi z’ensiku n’amango. Nyakasane abakwêba barhoge butuli, burhashagala, abashugula abakûle oku nsimikiro zâbo; baherêrekere lwoshi lwoshi, bayumve emikero mibishi, n’izîno lyâbo liherêrekere.

20 Hano babà bakola baganjirwa ebyâha, bayisha bayunjwîre bihamba, amaligo gâbo go gabajîsa lubanja ganabashobeke.