1 Yewapu xura4.1 Pl 1.27;Kl 1.10; 2.6;1 Ts 2.12;2 Ts 3.6, tinie Xoiteupo nanunanu tainari texakuaire sinie tini xokupa kapia ataritikikiri, tinie pa kapia tairounuku. Pana muaia tinipo xotikikemu xiri sokisokinuku Kokaipa Yesusu wenumurei mua kapia pani kakakuaire tini katikepure xinuku.

2 Xokupa kuna Kokaipa Yesusupo wenumurei sinie tini tikikiriai tini sipa. 3 Xoiteupo xoukemu4.3 1 Ko 6.15; 6.18;Ep 5.3; 5.17; 5.27;Kl 3.5;1 Ts 5.23;Ip 10.10;1 Pi 1.16 paiya muanumu. Tinipo ekitikiomani kutu xiri tuworinari muputiki xokumo saya. Kakinari xokupa ayaka kapia emeseruwa. 4 Tini4.4 Ro 6.19;1 Ko 6.13-15; 6.18 kirenikirenie xotikiropu xoxixoxi kapiapu nanunanu kourouna atinari yakuwakuai, kakinari Xoiteue xouwewotai kapia xeika asinaku kapia xeika taiwakuai. 5 Pa4.5 Siri 79.6;Ka 4.8;Ep 2.12; 4.17-18;2 Ts 1.8 xotikiropu xoxixoxi kapiapu nanunanue purutikati, xukumie Xoiteu sipawopu xuweue xoxixoxi ayaka kapia kakirouneri sie kakaku. 6 Tini4.6 XS 19.11-13;Siri 94.1;1 Ko 6.8;2 Ts 1.8 kakixanari Yesusure xonikisurouneri xatatikimana xosa xu kakerinari, pa xoxi kapia kakinari ekinikiworaku. Muanumu kuna ekime sinie tini sokisoki katikinuku, muanumu kapia xokupa apimie kaketeneai paiya, Kokaipae nini xaro tinikepuwatixe, xikiriai. 7 Sini4.7 1 Ko 1.2;2 Ts 2.13-14;Ip 12.14;1 Pi 1.14-16 xoxi kapia kakepure Xoiteue yaisikepu xuwe. Xuweni kutu. Xoiteue sini xokumo kapia taiwopure yaisikina. 8 Pa xati4.8 Ese 36.27; 37.14;Lu 10.16;1 Ko 2.10;2 Ko 1.22;1 Yo 3.24 apue mua kuna supo wana paiya nu apupo kuna kireni supo woratixe. Xuwe. Nu Xoiteupo kuna supo wana, nu nukou Supo Youya tini tikirouna Xoiteu.

9 Tinipo xotikikemu Xoiteupo xuiapu tinikepi kapiaure yei tini xosa kireu kuna xayawopixe, pa amure, pa kapiaure Xoiteue tini taitaitikietai. 10 Kakati4.10 2 Ts 3.4 Yesusure xonikisuwoteneai xuiapue Mesetonia propinsipo xokupa sanawayau puroteneai tinipo xotikikemu tinikirounuku. Pana yewapu xura, tinie pa kapia pani pani kakakuaire, tinipo xotikikemu sokisokiwopure xinuku. 11 Tini4.11 Ep 4.28;2 Ts 3.8; 3.12;1 Pi 4.15 peuni misepi kapia sokisoki xinari takipo sainani ta. Sinie ekime tini katikikiniai sie tini takipo xuputikieni sokisoki saina tinari paiya, tini takieni sokisoki tumuwakuai. 12 Kakinaria4.12 Ro 13.13;2 Ko 8.21;Kl 4.5 tini kire sapi xuweitautikepuwatixe, kakaria Yesusure xonikisuwopu xuweuwoteneai xuiapue, tinipo kapiaure nimaririwopineri.

13 Yewapu xura4.13 Ep 2.12, xumuweteneai xuimiapimi xosa amuwaurau putawopina paiya, tini atinari sipawakuaire xinuku. Yesusure xonikisuwopu xuweuwoteneai xuiapu kinie xumoteneai xuiapue xiri eiyoxirouneri. Kakineri Xoiteue kopa upuropu sainikerepina yause yakuworixe. Pa xati, sini ninie eiyoxenteneai sie kakepuxe. Sini Xoiteue kopa upuropu saisikeperina yause yakuwopu. 14 Yesusue4.14 Ro 14.9;1 Ko 15.3-4; 15.12-13; 15.18; 15.23 xumuna xiyeri sarotaire sini xosikisunuku. Pa xati sini sipa,Yesusupo sokisokie Xoiteue Yesusure xonikisuwoteneai xuimiapimi xumuweteneai xiyeri sainikeratia ninie Yesusu xeika xiyeri kopineri.

15 Sinie4.15-17 1 Ko 15.51-52 Kokaipapu kuna tini xosa ipaki uteinuku. Kokaipae xiyeri kopina yause paiya, sini ekisikioma tuku xuiapue pani purikiria, xumuweteneai xuiapue purori sinixite akeri xowopuxe. Xuwe. 16 Xoiteue4.16 Mt 24.30-31;YT 1.11;1 Ko 15.23; 15.52;1 Ts 1.10;2 Ts 1.7 sokisoki kunawati, akereki xenikorokoroe uru yaxatia, Xoiteupo narie miriaxepina. Kakatia Kokaipae Xoiteupo xaixai wese wetina oro kopina. Kakatia Yesusure xonikisuneri xumuweteneai apimie akerineri saropineri. 17 Pa yause xosa4.17 Yo 12.26;YT 1.9;XKY 11.12 sini pani ekisikioma purikiriai xuiapue mena xouro pa xuimi apimi xeika xounukua, siko xokupae Kokaipa tutumawopu. Kakinuku paiya sini Kokaipa xeika sipesi sipesi puropu. 18 Pa xati Xoiteupo kireu xuiapu nikau xonikikemu sokisokiwopure tinie mua kuna takitaki xotikikemu sokisokiwata xakuai.