1 Xoiteue3.1 Siri 110.1;Mk 12.36; 16.19;Ep 1.20;Pl 1.30;Kl 1.29; 2.12;1 Ts 2.2 tini Kristusu xeika saitikeretai xati, tini xouropu sapi tepureni kutu saina ta. Pa xouro wese xosa, Kristusue nukou kokemu sai xosa Xoiteupo xupo meruira misina. 2 Tini3.2 Mt 6.33 xouropu sapireni kutu sipesi nanunanuwa. Tini ouropu sapire kakixanari nanunanuwaku. 3 Tini3.3 Ro 6.2;2 Ko 5.7; 5.14;Ka 2.20;Kl 2.20 xumuweikiriaina, tinipo ekitikioma Kristusu xeika ximiaki purati tini Xoiteu xeika etokinuku. 4 Kristusu3.4 Yo 11.25; 14.6;1 Ko 15.43;Pl 1.21;1 Yo 3.2 nukoe tinipo ekitikioma xotapa. Nu yara putawatia, tini rania nuko xeika Xoiteupo kokaipa memeremu xeika nekei xeika xosa putawakuai.

5 Pa xati3.5 Ro 6.6; 6.11-13; 8.13;Ka 5.24;Ep 4.19; 5.3-5;1 Ts 4.5 mua ouropu xokupa kapia tinipo xotikiro puroteneaia xiri ounikiari xumuwepineri. Ye muanumu muanumu kapiaure kunaune, xuimi apimie ayaka xepi kapia xeika xunu kapia xeika, xosikikemu saroati xoxixoxi kapia kakepi kapia xeika xoirai kapia xeika kireu apimi nikau sapire ekisikie nepi kapia xeikaure kunauna. Mua ekisikie nepi kapia xeika xoirai kapia paiya xorei xoiteu xosa muris tepi kapia sie. 6 Apimie pa xoxixoxi kapia kakineri Xoiteupo kuna xosa xasese marouneri paiya, nini Xoiteue3.6 Ep 5.6 xarotinikepuwatixe. 7 Ekime3.7 Ro 6.19-20;1 Ko 6.11;Ep 2.2 tinie rania pa apimi xeika texinuku, pa xokupa kapia kakirounuku.

8 Pana3.8 Ep 4.22; 4.25-31; 5.4;Ip 12.1;1 Pi 2.1 muaia tinie pa xokupa xoxixoxi kapia xiri xesauweya, paiya makaunuku kisamairaxinuku xosikikemu xoxixoxixepi kapia, pa xeika kireu ninianikepi kapia xeika xoxixoxi xunu kuna kunawopi kapia xeika. 9 Tini3.9 Ep 4.22 kirenikirenie kakixanari kireu apimi nini Yesusure xonikisurouneri xoreinikaku, pa amure, tinie xipiki xotikikemupo xokupa kapia xesauweinuku, 10 tini3.10 Stt 1.26;Ro 12.2;Ep 2.10; 4.24 oma saiyeikiriai. Xoiteue kakati tini oma apimi saiyari, sipesi tini xokupa asinaku sipa tikati, tini oma saiyeinuku nuko sienixinuku. 11 Sini3.11 Ro 10.12;Ka 3.28;Ep 1.23 apu oma sasaikiriai paiya, sini xokupa panumu sieni panumu sieni purinuku. Sini pani nanunuku sini Kriki kinipo xepuxe sini Yuta kinipo xepuxe, sini mari takikirai xepuxe mari takepu xuwe xepuxe, sini xetauxetau kunapu xepuxe xetauxetau sanawapu xepuxe, sini aipu saina apu purinuku xepuxe sini somo purinuku xepuxe, pa amure, Kristusu kireni purina, Kristusu nukoini siko xokupa xosa purina.

12 Xoiteue3.12 Ka 5.22;Ep 4.32;Pl 2.1;1 Pi 2.93.12-13 Ep 4.2tini tumutikerati, tini nukou xuiapu purari, tini xiri xouwetikirouna. Pa xati tini muanumu kapiani kutu ta. Tini kireu apimire xiri eiyoxinari asinaku kapia nini xosa kaka. Tini takipo kapia ororinari apimi xosa yoro kapia kakinari, apimie tini xosa kapia xoreiyereri sapauni kisamairatikexete. 13 Kire apu3.13 Mk 11.25;Ep 4.32; 5.2 tini xopuropu nu kire apue nu xosa kapia xoreiyeretai xati nu xeika kuna tuku xatia, xeuxana nukoini pa xu xemena xataupo xunu weteruwopina. Kokaipae tinipo xunu weteritiketai xati, tinie rania kireu nikau xunu weterinikakuai. 14 Tinipo3.14 Ro 13.8-10;1 Ko 13.13;Ep 4.3 xotikikemu kireu xuimiapimi xosa tinika. Pa kapiae xokupa kireu kapia emeserinikina, paie kakati kireu asinaku kapiae xirini kununu saina tineri sokisoki sairouneri. 15 Kristusue3.15 1 Ko 12.13; 12.27;Ep 2.16-17; 4.4;Pl 4.7 xosikikemu yorowopi kapia sikirouna xati sini kireni xosikikemue purikiriai, pa kapiae tinipo xotikikemuni kutu yakuwopina. Tini kirenini xotikikemu sainari kireni xotikikemu kutu purakuaire Xoiteue yaitikeyai. Pa xati tini sipesi Xoiteu eiyasewa. 16 Tini3.16 1 Ko 14.26;Ep 5.19;Kl 4.63.16-17 Ep 5.19-20Kristusupo kuna wetari tinipo xotikiro sokisoki puropina. Tini kireni kirenie Yesusure xonikisuwoteneai kireu xuiapu taitainikinari asinaku nanunanu xeika sipa xeika tinikari, asinaku kapia kireni kakepineri. Tini tinipo xotikirei Xoiteu eiyaseunari, Siri Nakaupo xeika kireu siri muris xosaupo xeika Xoiteupo Supo Youyae xotikiro iyaretai xeika sipesi worakuai. 17 Tinipo kuna xosa3.17 1 Ko 10.31;Ep 5.20;1 Ts 5.18;Ip 13.15 xeika saina xosa xeika xokupa sapi xeika kakikiriaia, tini Kokaipa Yesusu wenumurei kakakuai. Kakinari nupo wenumurei tini Emisiki Xoiteu eiyasewakuai.

18 Tini3.18 Ep 5.22;Ta 2.5;1 Pi 3.1 xuimi, tini takipo xamutikimana irue pura. Kokaipapu ekero pa kapia xiri asinakuni kutu. 19 Tini3.19 Ep 4.31; 5.25; 5.28;1 Pi 3.7 apimi, tini takipo inetikimana xiri xotikienikinari, peuni ati yakunepu kapia kaka.

20 Tini3.20 Ep 5.24; 6.1;Ta 2.9 nonomi, tini xokupa sapire takipo emitikimana anitikimana nikau kuna taiwa. Kokaipae panumu kapia xouweurouna. 21 Tini3.21 Ep 6.4 eminikimana, tinipo nonomie makawopineri kapia kakaku, panumua xonikemu xoxixoxixati kuna iyesepu xuweuwopineri.

22 Tini3.22 1 Ti 6.1;Ta 2.93.22-25 Ep 6.5-8aipu saina apimi paiya tinipo yayakutikepi nikau xokupa kuna taiwakuai. Ninie tini nutietiki purori ai niraniranikepure nanuworinari asinaku saina taku. Xuwe. Tini Kokaipaureni kutu xiri ximikinari, tini asinaku saina takuaire kireni sipesi nanuwa. 23 Xokupa sapi kakinaria, tini sokisokinari saina takuai. Tini apu nikau saina kireni tinarixe. Xuwe. Tini Kokaipapu saina xeika tinuku. 24 Tini3.24 1 Ko 7.22 sipa, Kokaipae sewai tini isayatikepina, paiya asinaku asinaku sapi nukou xuiapu nikau akituworiniketai tinikepina. Nanuwa. Tini Kokaipa Kristusupo saina apimi purinuku. 25 Apue3.25 Tu 10.17;Ro 2.11;Ep 6.9;1 Pi 1.17 kapia xoreiyerina paiya, nu xoreiyeretaipo xu xapa tepina. Xoiteue xokupa xuiapu nikau kapia kireni imereini uteirouna.