1 Xoiteue5.1 Mt 5.48;Lu 6.36 tini xiri xouwetikirouna xati, tini nupo nono purinuku. Pa xati nukoe kakirouna kapiani tini taiwa. 2 Kristusue siko xiri xouwesikina tianisikepure nukou ekeomani siketai. Nue Xoiteu xosa xouiwori asinaku xurituku sapie somu xuri pukaurouna sie nukou ekeoma Xoiteu tuwotai. Pa xati5.2 XT 29.18;XS 1.9;Siri 40.6;Yo 13.34;Ro 14.15;2 Ko 2.15;Ka 2.20;Ip 7.27; 10.10;1 Yo 3.11; 3.23 tinie kireu xiri xoutikieninikepi kapiani kuturei texa.

3 Tini5.3 Ro 6.13;1 Ko 5.1;2 Ko 12.21;Kl 3.5;1 Ts 4.3 kakixanari ayaka ayaka kapia kakinari xokupa xoxixoxi xunu kapia kakinari, kireu apimi nikau sapire ekitikie netewaku. Pa xoxixoxi kapiapu kuna rania tini xopuro xayaka xayaka moxete. Tinie panumu kapia kakinari ime taiyaria xuiapue tini kuna xosatiki suwopineri. 4 Tini5.4 Mt 12.35;Ro 1.28;Ep 4.29 kakixanari xunu kuna kunaunari nanana kuna kunaunari neraunari ninia kuna kunawaku. Sini panumu kapia xoxi kakepuxe. Xuwe. Xoiteu xosa kireni eiyase kuna kunawa. 5 Tini5.5 1 Ko 6.9-10;Ka 5.19-21;Kl 3.5 panumu atinari sipawa, ayaka kapia kakineri xunu kapia kakepineri xuiapu xeika ekinikie sapi nirouneri xuiapu xeika nini xorei xoiteu xosa muris tepi sie kapia kakineri, nini panumu xuiapu kinia nini Kristusuno Xoiteunoe xuiapu yakunikepineri yause xosa manepuworixe.

6 Tini5.6 Ro 1.18;Kl 2.4; 2.8;2 Ts 2.3 sosopa epixa, apimie purutikeri pa xoxi kapia xona kakakuaire katikeri ninipo inainaropu aipu kuna xoxi taiwaku. Panumu kapia sore kakeri Xoiteue xasese maneteneai apimi xosa kisamairauna. 7 Pa xati tini panumu apimi xeika kakixanari lixaku. 8 Tini ekime5.8 Yo 12.36;YT 26.18;Ro 1.21;2 Ko 3.18;Ep 2.11-13;Kl 1.13;1 Pi 2.9;1 Yo 2.9 ukumu xosa purikiniai, pana muaia Kokaipae memeremu xosa iyaitikeretai. Pa xati tini memeremu xosaupo xuiapu sie xosa texa. 9 Memeremu5.9 Ka 5.22 paie xokupa asinaku kapia xeika kutu asinaku kapia xeika suau kunapu kapia xeika yararirouna. 10 Tini5.10 Ro 12.2;Pl 1.10;1 Ts 5.21;1 Ti 2.3 Kokaipae xouweurouna kapia sipawopure xaute sokisokixa. 11 Tini5.11 Ro 6.21;1 Ko 5.9-11;Ka 6.8;2 Ts 3.6; 3.14;2 Yo 10-11 ukumu xosaupo kapia kakirouneri apimi xeika lixaku. Panumu kapiae asinaku xoye erirouwatixe. Xuwe. Xeuxana, tinie apimi panumu atarinikinari, muanumu kapia xoxi nika. 12 Ninie ximiakineri kakirouneri kapiaure ye kunawopure xuwe. Ye panumu kapiaure kunawopinepa ye mayaxine. 13 Pana5.13 Yo 3.20-21;Ip 4.13 memeremue xokupa kapia xotapa yararatia yarani purirouneri. 14 Memeremue5.14 Ais 26.19; 60.1;Ro 13.11 kakati kire sapi yarani puratia, pa sapi rania memeremu siexina. Pa xati mua kuna purina,

15 Pa xati tini sesepi texinaria tini sosopani epixakuai. Tini nanana xinari sipa xuweu apue teiyewaku. Xuwe. Tini sipa tuku apue teiyewa. 16 Tini5.16 Ka 6.10;Kl 4.5 Xoiteupo kapia kakakuai yause muai. Pana sini mua yause xosa purikiriai paiya xoxi yause, pa xati sosopa xakuai, panumu mau yause aini xuwexete. 17 Tini5.17 Ro 12.2;Kl 1.9;1 Ts 4.3; 5.18 kakixanari nanana kapia kakaku. Xuwe. Tini Xoiteue xouwewotai nanunanu atinari sipawakuai.

18 Tini5.18 Asin 20.1;Ais 5.11; 5.22;Lu 21.34 kakixanari xisa ere ninari nanana xaku. Xuwe. Panumu kapiae tini xoxirounuku. Tini Xoiteupo Youya wetari tini xosa koxepina. 19 Tini5.19 Siri 34.1;YT 16.25;1 Ko 14.265.19-20 Kl 3.16-17Xoiteupo kireu xuiapu xeika kunaunari paiya, siri Siri Nakau xosa puroteneai kuna tete muris tepupo kireu siri tete, Xoiteupo Supo Youyae xotikiro saretai siri teteunari, tinipo kuna xosa iyara. Kakinari tinipo suputikirei xeika xotikirei xeika rania, tini Kokaipaure siri wawaiwa. 20 Kakinari5.20 Siri 34.1;Ais 63.7;Ip 13.15;1 Pi 2.5 sikou Kokaipa Yesusu Kristusupo wenumurei, tini sipesi xokupa sapire Xauwa Xoiteu eiyasewa.

21 Tini5.21 Pl 2.3;1 Pi 5.5 Kristusu sinipo Kokaipaxi nanunari, tini kireni kirenie Xoiteupo kireu xuiapu irue pura.

22 Tini5.22 Stt 3.16;Ep 6.5;Kl 3.18;1 Pi 3.1 xuia, tini Kokaipa irue purikiriai sie takipo xamutikimana irue pura. 23 Pa amure5.23 1 Ko 11.3;Ep 1.22-23;Kl 1.18, Kristusue nukoure xonikisuwoteneai nikau tumu sie, apue nupo xui tapaxina. Yesusure xonikisuwoteneaia Kristusupo mupokemu xati, Kristusue xiyeri sowotai. 24 Yesusure xonikisuwoteneaia Kristusu irue purineri. Panumu sie tini xui rania, xokupa yause tinipo xamutikimana irue pura.

25 Kristusue nukoure xonisuwoteneai tianikepure xiri xouwenikina nupo ekeoma wetetai sie, tini apue5.25 Ka 1.4;Kl 3.19;1 Pi 3.7 rania tinipo xui xiri xotikienika. 26 Nukou ene xeika kuna xeika xosa5.26 Yo 15.3; 17.17;Ta 3.5;Ip 10.10; 10.22;1 Yo 5.6 Kristusue nikoure xonikisuwoteneai ene iserinikati nupo ekero asinaku teteiwoteneai. Panumu kapiae nukoe Yesusure xonikisuwoteneai ikou xetai. 27 Nukoe5.27 2 Ko 11.2;Ep 1.4;Kl 1.22 nukou ekeroni kutu Yesusure xonikisuwoteneai xuiapu atinikati xiri xoseiyeri, panumu xunu xeika kesi xeika tukuxepuwatixe. Xuwe. Yesusure xonikisuwoteneai paiya xu xuweu xeseu puropineri. 28 Panumu sie tini apu tini takipo muputikini xotikieukiriai sie, tini takipo xuimi xotikienika. Apue nukou xui xiri xouwewotai paiya, nu nukoini nuko xiri xouweuna. 29 Siko sipa, kire apue nukou mupokemuni xiwairouwatixe. Xuwe. Nu xoye tuna ati yakurouna. Kristusue nukoure xonikisuwoteneai xuiapu yakunikirouna sie, 30 pa amure5.30 Ro 12.5;1 Ko 6.15; 12.27;Ep 1.22-23, siko paiya Kristusupo mupokemupo siau xeika xupo xeika ekekemu xeika sie. 31 Xoiteupo nakaue5.31 Stt 2.24;Mt 19.5;Mk 10.7-8;1 Ko 6.16 ipaki kunauna, “Pa xati apue omo ana wetina nupo xui xeika lixirouna, kakina nini kireni mupuniki sairouneri,” xetai. 32 Mua5.32-33 Kl 3.19;1 Pi 3.6;XKY 19.7 ximiaropu kuna paiya nu kokaipa nanunanu tuku. Ye ikoni nanune, paiya Kristusu xeika nukoure xonikisuwoteneai xuiapu xeikaure kunaunaxine. 33 Pana mua kunae rania kunauna tini apu kireni kirenie takire xirounuku sieni tinipo xui xiri xotikienika. Xui paiya nupo xamu irue purina ati yakuwopina.