1 Sini tuxotapa irue puropu xuweure, Kristusue5.1 Yo 8.32; 8.36;YT 15.10;Ro 6.18;Ka 2.4; 5.13;1 Pi 2.16 somo iyaisikeretai. Pa xati tini sokisoki tumuwa. Tini kakixanari apimi weinikitari xiyerineri tini aipu saina apimi sieitikexeni. 2 Iyesa. Ye Polue tini katikine, tini weinikitari tinipo muputiki ipisa katiworia, Kristusupo sainae tini xayakaxayaka tianitikepuwatixe. Xiri xuwe. 3 Tini5.3 Ka 3.10 xokupa apimie weinikitari tinipo muputiki ipisa katiwoteneai paiya, ye mua kuna xiyerinei ati katikepurexine, tini panumu kapia kakinaria, tini xokupa tuxotapa xeikani taiwakuai. 4 Tini5.4 Ro 9.31-32;Ip 12.15 tuxotapa taiwopurexinari, pa imerei Xoiteue sini apimi kutu asinakusikepina xinaria, tini Kristusu wetikiriai. Tini Xoiteue xouwetikina xotikiewotai kapia wetikiriai. 5 Xoiteupo Supo Youyapu sokisokie5.5 Ro 8.24-25;2 Ti 4.8 Xoiteu xosa xosikisunukuna nue sini apimi kutu asinaku xepinaure yakunuku. 6 Apue5.6 1 Ko 7.19;Ka 6.15;Kl 3.11;Ye 2.18-22 Kristusu xosa purina paiya, nupo mupo ipisa katiwopi kapia paiya aipu sapi, pa xeika apue mupo ipisa katiwopu xuweuna rania, aipu sapi. Pana apue xousuwopi kapia kakati paie kire apimi xonikiewopi kapia saratia, pa asinaku sapini kutu. 7 Ekime5.7 1 Ko 9.24;Ka 1.6; 3.1 tinie Kristusupo imerei texirounuku. Pana yue ime parawati kunani kutu taiwopu xuweunukuna? 8 Tinie mua nanunanu taikiriai paiya, Xoiteue yaitikirouna imerei koatixe. 9 Paiya5.9 1 Ko 5.6; 15.33 pususu misiarae kakati xokupa tupumoru pususurouna sie. 10 Kokaipae tini tianikati, yeu nanunanu tainaria, xetau nanunanu taiwopu xuweuwakuaixi xoisune5.10 2 Ko 2.3; 8.22; 10.6; 11.15;Ka 1.7. Yuerau tinipo nanunanu porowopi saina tetai paiya, ye sipa xuwena pana xeuxana, pa apua nukou xure xu xoxini kutu tepina. 11 Xatai xura5.11 1 Ko 1.23; 15.30;Ka 6.12; 6.17, apimie mupuniki ipisa katiwopinerire yei pani suau kuna uteiroune xatia, amakati ye xoxixoxiyepi saina pani kakinerina? Apimie mupuniki ipisa katiwopinerire kunauneia, na nikitotopu kunae apimi nikau nanunanu pani xoxixoxixepuwatixe. 12 Pa apimi nini tinipo nanunanu puruporowoteneaie, mupuniki ipisa katiwopi kapiaure xiri sokisoki xineri. Pana kakineria, xeuxana nikou mupuniki ipisani katieineri sakumu xiri xesauwepineri. 13 Xatai xura, suau5.13 1 Ko 8.9; 9.19;1 Pi 2.16;2 Pi 2.16-19, tini somo purakuaire Xoiteue tini yaitikeyai. Pana tini ipaki nanunari, “Sini somo purinukuna, xipiki xosikemupo kapia kakepinuku,” xaku. Xuwe. Tini kaki xanari panumu nanunanu taku. Tini takieni xotikikemu xotikiewatixinari takieni takitaki tianuwataxa. 14 Tuxotapapu xokupa kuna5.14 XS 19.18;Mt 5.43; 7.12;Ro 13.8-9;Ye 2.8 mua kireni kuna yoira xosa kireni purina, “Ne nakie naki xonieutiai sie kireu xonienike,” xina. 15 Pana tini takitaki kawataxinari waraxinaria, tini sosopa epixakuai. Panumu taki xokupani xuwexaku.

16 Yeu kuna5.16 Ro 6.12; 8.4; 13.14;Ka 5.25;1 Pi 2.11 paiya muai, tini Xoiteupo Supo Youya wetari nue tinipo sesepi taitaitikepina. Tini panumu kakinaria, tini xipiki xotikikemupo nanunanu taiwakuaixe. 17 Siko5.17 Ro 7.15-23; 8.6-7;1 Pi 2.11 sipa, xipiki xosikikemue Xoiteupo Supo Youya ororepurexati, Xoiteupo Supo Youyae xipiki xosikikemu ororepurexina. Nini axirie xiwaixiwaiwataxeri, tini kakepure xikiriai sapi paiya kakakuaixe. 18 Pa xati5.18 Ro 6.14; 8.2; 8.14 tini Xoiteupo Supo Youya tainaria, tini tuxotapa irue purarixe. 19 Tini5.19 1 Ko 3.3; 6.9-10;Ep 5.3;Kl 3.5;Ye 3.14-15 xipiki xotikikemupo kapia sipauweikiriai. Paiya nini muanumu kapia, ayaka kapia xeika xunu kapia xeika xoxi kapia kakepure xosikemu saropi kapia xeika, 20 xorei xoiteu teu xosa muris tepi kapia xeika seu tepi kapia xeika xiwai sayepi kapia xeika kisamaira kapia xeika makawopi kapia xeika xosiki xoxixoxixepi kapia, ekisikie nepi kapia, nakieni iko kireni paxine kuna tuwataxine kini purixepi kapia xeika, 21 ati puroteneai apimi xosa maikukuworopi kapia5.21 1 Ko 6.9;Ep 5.5;Kl 3.6;XKY 22.15 xeika ene nerineri wou erineri xaniki sirakineri xiraxarawopi kapia, kakineri panumu panumu kapia kakineri. Ekime ye katikiyai xati ximine pa kunani xiyeri kunaune. Xokupa apimie muanumu kapia kaketeneai paiya, nini Xoiteue xuiapu yakunirouna yause manepuworixe. 22 Pana5.22 1 Ko 13.7;Ep 5.9;Kl 3.12;Ye 3.17 Xoiteupo Supo Youya paie muanumu asinaku kapia sinie kakepure saisikerirouna, paiya kireu apimi xiri xonikiewopi kapia xeika nimaririwopi kapia xeika xosikikemu yororei puropi kapia xeika sapauni kisamaira sarepi xuweu kapia xeika apimi tianikinuku asinaku kapia nini xosa kakepi kapia xeika, nei xuiapu ekinikiro asinaku kapia kakiroune paiya nakieni nanuroune sieni kake, 23 yoroarani5.23 1 Ti 1.9 purinuku xipiki xosikikemupo puropi ororepi kapia. Kire tuxotapae muanumu kapia kapia xeseuxatixe. 24 Kristusu Yesusupo kinipo xokupa xuiapue5.24 Ro 6.6; 13.4;Kl 3.5;1 Pi 2.11 xipiki xonikikemu xeika xoxi sapire xoniki xumati xiri xonikieuroune xeika tineri na nikitoto xosa wareri nu xumotai. 25 Xoiteupo Supo Youyae5.25 Ro 8.4-5;Ka 5.16 sini ekisikioma siketai, pa xati sini Xoiteupo Supo Youya wetikiri nue sinipo xokupa sesepi taitaiwopina. 26 Sini5.26 Pl 2.3 aini sikou wenisikini xourorinuku, xoma sarepinerire kireu nikau xoniki xusepuxe, pa xeika kireu apimi nikau xurure ekisikie nepuxe.