13
Sol God anaanawa mai ruawaleipona
Walama sawo Sol enawa 30 wadeno me warerelen ita Sol ualene Israelwa sorodia banlamone alen Amon apanawa do onantone ita aimoiena. Ita sa aupe Pilistan apanau do onantoie tane Pilistan apanawa sorodiau ipa uaraia, sa baiwa Israel apanawa Pilistan mampo santon. Samuel wimpia baiwa Sol oniedie wandie pulo Iawe God mampe pulolepie supia baiwa ita aupe alepie onalepi. Tane Samuel mai tauwadea wisepona me alaleno baiwa, Sol meba pulo amonalene sun Iawe God mampe, ita dewa ema baiwa Iawe God nuawa kadilen. Tane Samuel muriwa wisen.
13 Ita ema aupe Samuel Sol diene wanase, “E dewakaditen mai insadewasaitapona. E mai Godia anaanawa ruaitapona. Naita e Iawe God anaanawa ruaitapono me eepono e ita e nosinosia do Israel apanawa oniamoipe wankasaitapona. 14 Tane e ando apana mai oniakasamoa, dia. Iawe God apana da sonabena itupi, apana sa insaisawa God insaisawa rua. E mai Iawe God anaanawa ruaitapona, sa baiwa e aupaa apana da sonabepie itupio apanawa oniamopi.”✡Aposel 13.22