49
Iawe God nolawa dewalala wadiaubedio uwa daitada apanawa mampo aleide
3 Iawe God ne mainawo wane wanase, “Israel, e ipa ne nolana dewalala,
e asiasi wadapos uduudu ne mainawolepi.”
5 Iawe God ne dewanene inana bupa bedewe itunene,
sonabanena me nolawa dewalala seganteapa.
Me epe dewasana me apanawa otamopie leumopio me mampentopua baiwa,
Israel apanawa meba wawa bumpe awodeamopia baiwa;
Iawe God ne ituposinene ebona debamasan,
ne Godna muka nen.
6 Iawe God wadiase, “E ne nolana dewalala,
e nolaa eneena Iakob nosinosiwa dewamowo ebou debamalepi,
ita do mida antone bola daitada bedewe inawaa waimoia leumowo bolawo wimopu, tane mai sa os.
Ne sonabaena uwa daitada apanawa sapau segaitaa,
ita e inaida gagalowa wade aite tawo moawa daitadawo benemaitawo etapue atentopu.”✡Aisaia 42.6; Luk 2.32; Aposel 26.23; 13.47
14 Ita Ierusalem apanawa waienase,
“Iawe God no dabuanene enen,
me no nuaawawaidanene enen.”
15 Iawe God mo sipoamone wanase,
“I otopa amamasadia nuaawawasapie,
ita otopa gamosana mai nuaparewalepi ba?
Naita oto inawa me nuaawawasapie epi,
tane ne mai e nuaawawalepe elepa, diaida.”