64
Iawe God nuaparewa ita sauwa raupariwa
4 Mapoido mai mida da God da e ruaa umanawa etapona,
mai mida da God da e ruaa ewapona;
e apana mida sumanaiantoie waimoia saumoiana.✡1 Korint 2.9
5 Apana mida nuaeu mampe dewa eubu dewamoie,
ita e intaa dodomana asiasi antoia e saumoiana.
Tane e nuaa kadilen no mainimbo,
ipawa no walama daumawa kadiwa dewakasanten.
Apana inainanimba epe ambi e inanea?
6 No dewamba kadiwa sa dewaneno e emaawo miramiraidanten,
no dewamba eubu rubumoite dewamoitana e emaawo ewaewa ipa gara kepawa miramiraua rua.
No tonaidanten ia asiwa tonantoia rua,
ita lanunu ia asiwa uwakokomodio nomoia rua,
no dewamba kadiu awananene alene kadiidanen.
7 Tane mai mida e manawo rauparileipona,
ba sau baiwa e manawo ieipe waitaraeipona, dia,
no kadimba baiwa e adianananee eneana,
e no eneano nuba kadimba kadiidanen.
8 Tane Iawe God e ipa no mamamba,
no ipa onta rua ita e eba ipa onta dewalala rua,
e witaa mampe no dewaneana.
9 Mai nua kadilempa no mainimbo,
no kadiwamba mai nuaawo ituwo winompo insene os wanempa,
no uduudu ipa e apanaa,
sa baiwa nuaparembaite leuite ewanea.