2
Kōōnēmchinē keey ꞉biiko saayeet
1 Ng'ālyoontēēt nyēbo koomānuut miisin ku kule isooyē Yēyiin ānkiibirchinē kōōnkōy kubo biiko tukul. Ēfēēs. 6:18-19 2 Māchāktōōs /kēēsoochinē bāytooyik āk kāāntōōyik sikēēminy ām kaalyeet āk tāloosyēēt ānkiinēmchinē keey Yēyiin ānkiibuur nyēē /kēēkoonyitēēch. Eesra 6:10 3 Yoo kakeeyey kuu nyooto, ku karaam ānkōōng'ērēēchē Yēyiin nyoo Kāārārookiintēēnyoo.
Irāroochē biich ꞉Yēyiin kubununēē lōkōōywēk chēē kāroomēch
4 Māchē ꞉Yēyiin kule /kiiraraach biiko tukul kōōnkēt ng'ālyoontēētaab manta. Ēsēk. 18:23, 32; 2Tēm. 2:25; 2Bēt. 3:9 5 Yēyiin ku akeenke nkit, ānku akeenke ꞉chiito nyēē ichoomnyēēch āk Yēyiin. Nto nyooto ku Yēēsu Kiriistō. 1Kōōr. 8:6 6 Kiikooyto ꞉Yēēsu soboonnyii sukuwālāng'unēē biiko tukul. Kiyityiin ꞉ng'ālyoontooni ām āsiiswēk chēē yēmootiin. Kala. 1:4; Ibu. 9:28 7 Kunyi, /kikeekweya anii a-amte ng'aleechaa kuu *lēbkēēyiintēēt. Man ꞉kiyēē āmwooyē. Ānēētē biiko chēē mā Yuutayeek ākoosēē keey Yēyiin ānkāāmwooyē ng'al chēbo manta. Yēyuut. 9:15; Room. 1:5; 9:1; 2Tēm. 1:11
Kāāburtaab murēnik āk kooruuk choo kiikōōyēnchi Kiriistō
8 Mākyiintōōs ꞉murēnik ām yēē /kākiiruruukyi keey kōōtōrōōrē āwunnyēk chēē tiliilēch kusooyē Yēyiin āmānyēēru nto kuyey wookuut. Tyēēn. 63:4; 134:2; 141:2 9 Mākyiintōōs ꞉kooruuk kōōloochē keey nyēē karaam. Kōōloochē sirook chēbo koonyit ānkuboonto ātēbuutēk chēē kāroomēch. Māmāchāktōōs kōōlēētē buutēēk kule /sikēēchōrōkyinē, kōōloochē chobosaak, tukuukaab kaat āk sirooy chēē ālē beesaan chēē chaang'. 1Bēt. 3:3-5, 7 10 Nteenee, māchāktōōs kuboonto ātēbuutēk chēē kāroomēch chēē misyinē kooruuk choo kiikōōnēmchi keey Yēyiin. 1Tēm. 5:10
11 Māchāktōōs kōōnēētē keey ꞉koorko ake tukul ng'aleek ām kēēlto nyēē intusoot ānkōōywēyiisyē.
12 ‑Māāchāmchinē koorko kuyēk kāānēētiintēētaab ng'ālyoontēētaab Yēyiin nto mbo kule kubayta saanteenyii. Māchāktōōs kusiisyinē keey. 13 Aatam ꞉nyēē kisimkuyey ꞉Yēyiin kurook, nto mii yoo, chokuyey Aawa. 1Kōōr. 11:3-16; 14:34-35 Toowu. 2:7, 21-22 14 Mēēbērē ki Aatam ꞉nyēē /kikeekenta kut kuyey ng'ōōkisto, nteenee ki koorkēēt. Toowu. 3:1-6, 13; 2Kōōr. 11:3 15 Māchāktōōs ꞉koorko ake tukul kuriibē kōōnyii āk lōkōkyii ām kēēlto nyēē karaam. Yoo kamuyta, kookaasee keey Yēyiin, kutinyē chamateet, kutiliil ānkuriibē keey, mākutēbto *soboontaab kibchuulyo ākookoy. 1Tēm. 5:10, 14; Tiitō 2:4-5
2:1 Ēfēēs. 6:18-19
2:2 Eesra 6:10
2:4 Ēsēk. 18:23, 32; 2Tēm. 2:25; 2Bēt. 3:9
2:5 1Kōōr. 8:6
2:6 Kala. 1:4; Ibu. 9:28
2:7 Yēyuut. 9:15; Room. 1:5; 9:1; 2Tēm. 1:11
2:8 Tyēēn. 63:4; 134:2; 141:2
2:9 1Bēt. 3:3-5, 7
2:10 1Tēm. 5:10
2:13 1Kōōr. 11:3-16; 14:34-35
2:13 Toowu. 2:7, 21-22
2:14 Toowu. 3:1-6, 13; 2Kōōr. 11:3
2:15 1Tēm. 5:10, 14; Tiitō 2:4-5