Barweetaab Āyēēng' nyēē kisirchi ꞉Bāwulō
Tēēsālōōnikēēk
Taayta
Siriintēēt, yēē /kikēēsirē āk wōlēē /kikēēsirēē: Inoomēē ꞉barwaani nwaach yoo kāng'ētēē ꞉nyiin kābo taay. Bāwulō ꞉nyēē kisirē barwaani ām Kōōriintō ām ārook lo kung'eetee kisir nyoo bo taay (kasee kāāboorunēētaab nyoo bo taay).
Kiyēē mii āriit āk nyēē āmu: Kimanaaweek ꞉ng'ala ām Tēēsālōōnikē kung'eetee kisir ꞉Bāwulō barweet nyoo kibo taay. Kiiyēnchinē ꞉biiko kereeryaanto kule kikiikōōyēēw kēny ꞉Kiriistō nto alak kōōsōōtē kule kikiikulēēkitiit miisin ꞉chōōnēēnyii nyēē kimēērook /takeeyey yiisyō.
Kiwālchi ꞉Bāwulō bichoo kurubta keey āk yuutēyu kule: Kutoombo kuchōōnii ꞉Kāārārookiintēēt, mākuwōōyiit ꞉rōkōsto ām kōōrēēt. Ām bēsyōōsyēk choo kwoonii yoo iyēēwu ꞉Kiriistō, makuyey ꞉kwiiliintēētaab Kiriistō kuchuunnyo ꞉biiko miisin. Imuuchē kuyēyākiis ꞉ng'aleechu āsiiswēk alak tukul nteenee māmāchāktōōs kuyeyeech kēēnyēbēt (kas kur. 3:10). Ikiimchinē ꞉Bāwulō biikaab Tēēsālōōnikē kutitir ām kaakaaseeng'waa ānkoo kumii ꞉wusiisyēēt ankukanyaan nyēē māmii ꞉ng'uusng'uus tukuuk chēē mākuyēyākiis bēsyōōsyēk choo kwoonii.
1
Kyoorōōrchi keey ꞉Bāwulō biikaab Tēēsālōōnikē ānkumākyi bērur
1 Anii Bāwulō, āboontē keey Siila ākoo Tēmētēēwō yu āsirwook barwaani akweek kaniseetaab Tēēsālōōnikē choo ōbooyē Baaba Yēyiin āk Mokoryoontēēt Yēēsu Kiriistō.1Tēēs. 1:1
2 Kōōbēruurook ꞉Baaba Yēyiin āk Mokoryoontēēt Yēēsu Kiriistō ānkōōnyōōru kaalyeet.
Kāātiilēy ām bēsyoonoo chōōnii ꞉Yēēsu
3 Mbo ng'eetaabiya, māchāksē kēēbirchinē ꞉acheek Yēyiin kōōnkōy ām āsiiswēk tukul kubo akweek, kuuyu ōtāsē taay ōkoosēē keey Kiriistō miisin ānkōōchoomtōōsii ꞉tukul. 4 Kēēng'ērēchēēnook ꞉acheek yoo kyoomchinē kanisoosyek alak wōlēē wuu ꞉soboonwēkwook kuuyu ōtāsē taay ōmuytooy ānkōōkoosēē keey Kiriistō ām wusiisyēēt nyoo ōmiitē ōbuntēē.Filib. 2:16; 1Tēēs. 3:3
5 Ibooru ꞉yooto kule man ꞉kiyēē itiilē ꞉Yēyiin, yoo itiilwook kule ōyēmootiin ōwut bāytooyiisyēēnyii nyoo ōmiitē ōnyālilchinē.Filib. 1:28 6 Makuyey ꞉Yēyiin kiyēē bo manta yoo keenyaliil choo inyāliilook,Room. 12:19; Ng'oong'. 18:6 7 ānkumākōōmuung'wook akweek choo ōnyālilē āk mbo nkacheek. Mākuyēyākiis ꞉ng'aleechaa yoo tookunēē ꞉Yēēsu barak kuboonto keey malayikaanikyii choo boonto kāāmuukēywēēkMat. 25:31; 1Tēēs. 4:16-17 8 āk maat nyēē irikitiitē. +Māchokōōng'woonchi biiko choo ‑mēēnkētē Yēyiin āk choo ‑mēēyēnchinē lōkōōywēkaab Mokoryoontēēt Yēēsu.Room. 2:8 9 Mākunyōōr ꞉bichoo ng'wooninto nyēbo kibchuulyo, /ankumakeesatee wōlēē mii ꞉Mokoryoontēēt āk wōloo mii ꞉wōōyintaab kāāmuukēywēēkyii. 10 Yēyāktōōs kuu nyooto yoo chōōnii ꞉Mokoryoontēēt chokunyōōru koonyit ām wōlēē mii ꞉biikyii kōōkoostooy ꞉biiko tukul choo ikoosēē keey inee. +Mōōyēmē ꞉nkakweek āk bichooto, kuuyu kyoocham lōkōōywēk choo kikēēmwoowook.
11 Kiyiitēnyi ꞉nyēē yēyēēch kēēsoowook ākookoy, sukuyēētyēēchook ꞉Yēyiintēēnyoo ōbuur kuu wōloo māktooy ꞉inee ānkōōyēyē kiyoo ōkāsē kule karaam. Kēēsoowook subak kule kukōōnook kāāmuukēywēēk chēē ōmuuchē ōyēchinēē yiisyēēnyii ōkoosēē keey inee. 12 Yooto, +/makiikaasta kaayneetaab Mokoryoontēēnyoo Yēēsu ām kiyēē ōyēchinē /ankiikaastaak nkakweek. Yēyāktōōs ꞉ng'aleechaa tukul, kuuyu chāmook ꞉Yēyiintēēnyoo āk Mokoryoontēēt Yēēsu Kiriistō.