2
Māchāktōōs kēēkiilchi ng'ālyoontēētaab kaararaacheet
1 Kunyi, māchāktōōs kēēkiilchi miisin ng'ālyoontooni kiikeekas, simakiichabaayte. 2 Iyyoong'ootiin ꞉kiruutēkaab Yēyiin choo /kikēēmwoowu kubununēē malayikaanik. Yoo kameeywey ꞉chii kiruutēchoo, kumisyinē /kiing'woonchi. Yēyuut. 7:53 3 Yoo ākoo /kikiimuuchē /kiing'woonchi bichoo ii, +/mākiing'woonchēēch acheek nyēē tyaa yoo kāmākēēyēbchi yiit ng'ālyoontooni wōō bo kaararaacheet? Kisimkwoom ꞉Mokoryoontēēt ng'ālyoontooni ānkuchokōōrōōbērwēēch ꞉choo kikāsē kule kibo man. Ibu. 10:29; 12:25 4 Kiiboor mbo subak ꞉Yēyiin kule man ꞉ng'ālyoontoonoo kubununēē tukuuk chēbo kwōng'uut chēē teer ānkōōkoochi biiko rōōbēywēēkaab ꞉Tāmirmiryēēnyii kuu wōloo māktooy ꞉inee. Yoowa. 2:11; 10:37-39; Yēyuut. 15:12; 19:11; 1Kōōr. 12:4-11
Kiyēk ꞉Yēēsu chii sukooraraacheech
5 Mānāāchōb ꞉Yēyiin kule kubayta ꞉malayikaanik kōōrooni lēēl nyi kēēng'āloolēē. 6 Mii ām siruutēk ꞉yēē mwooyē kule,
“Chii nkinee ku kiy nee ām wōlēē imiitē siiyiimēē keey
ānku kiy nee siibirtoochinē nkur?
7 Ānkoo 'kiiminiing' chii ām bēsyōōs chēē ng'ēri ām wōlēē mii ꞉malayikaanik,
'kiikoochi wōōyinto āk koonyit.
8 Kiiyey kubayta tukuuk tukul.”† Tyēēnwookik 8:4-6
Yoo /kēēmwooyē kule ‘kubayta tukuuk tukul’, māmii ꞉kiy nyēē mābāytooy. ‑Mākēēkāsē raat kubāytooy ꞉biikaab Kiriistō tukuuk tukul, 1Kōōr. 15:27 9 nteenee kēēkāsē Yēēsu nyoo /kikeeyey kumining'iit bēsyōōs chēē ng'ēri ām wōlēē mii ꞉malayikaanik, /kukāākiikoochi wōōyinto āk koonyit, kuuyu kime kubo biiko tukul ām chamateetaab Yēyiin. Filib. 2:8-9
10 Kiyey ꞉Yēyiin kiy ake tukul ānkuriibē. Kunyi, kimisyinē kunyalil ꞉Yēēsu sukuyeyakay ꞉kiyēē kichōb ꞉Yēyiin ānkōōrēētoot bichu chaang' bo Kiriistō bokunyōōr ꞉nkicheek wōōyinto. Kunyoo, Yēēsu ꞉nyēē kiiyootyi biiko kēēltaab kaararaacheet. Room. 11:36; Luuka 24:26; Ibu. 5:8-9; 7:28; 12:2
11 Boonto ꞉Yēēsu āk biiko choo itiliilē ꞉inee kwaan akeenke. Neennyi, māmuyē ꞉Yēēsu kukuur bichoo kule mbo ng'eetaabiya. Mat. 25:40; Māārkō 3:35; Yoowa. 20:17 12 Mwoochinē kule,
“+Maachaayte kaayneeng'uung' ām wōlēē mii ꞉mbo ng'eetaabiya
ānkāāsiltēēniing' wōlēē kēēruruukyi keey ꞉biiko.”† Tyēēn. 22:22
13 Mwooyē subak kule,
“+Māākoosēē keey inee.”† Isa. 8:17
Tāsē taay kumwooyē kule,
“Āboontē keey lēēkōōk chēē kōōkukōōno ꞉Yēyiin.”† Isa. 8:18
14 Kiyēk ꞉nkinee Yēēsu chii kukerkeyiit ꞉lōkōchooto sukung'eet kōōbēl ꞉meenyii kāāmuukēywēēkaab Kibrōkōsyoontēēt choo yibu meet, Yoowa. 1:14; Toowu. 3:15; 1Kōōr. 15:54-57; 1Yoowa. 3:8 15 nto yooto, kootyaakta biiko choo kirātootiin ām muyātēētaab meet. 16 Kubooyiit man, kimāchokōōtyooktooy ꞉Yēēsu malayikaanik, nteenee kichokōōtyooktooy biiko choo tinyē kāāyēnēēt kuu Abraam. Yoowa. 8:39; Room. 4:16; 9:6-8; Kala. 3:7, 29 17 Kunyi, kimāchāktōōs kukerkeyiit ꞉Yēēsu chii sukung'eet kuyēk kibkōrōs nyēē wōō nyēē riirēē biiko /ānkiikoosēē keey ām yiisyēētaab Yēyiin. /Kikeebakach /sikēēnyōōchi kaat biiko tukul ām choolwookātēēng'waa. Filib. 2:7; Ibu. 5:2; 1Yoowa. 2:2 18 Imuuchē raat kuyēētyēēchi biiko choo /kakeetyem, kuuyu /kikeetyem nkinee /ankiinyaliil. Ibu. 4:15
2:2 Yēyuut. 7:53
2:3 Ibu. 10:29; 12:25
2:4 Yoowa. 2:11; 10:37-39; Yēyuut. 15:12; 19:11; 1Kōōr. 12:4-11
†2:8 Tyēēnwookik 8:4-6
2:8 1Kōōr. 15:27
2:9 Filib. 2:8-9
2:10 Room. 11:36; Luuka 24:26; Ibu. 5:8-9; 7:28; 12:2
2:11 Mat. 25:40; Māārkō 3:35; Yoowa. 20:17
†2:12 Tyēēn. 22:22
†2:13 Isa. 8:17
†2:13 Isa. 8:18
2:14 Yoowa. 1:14; Toowu. 3:15; 1Kōōr. 15:54-57; 1Yoowa. 3:8
2:16 Yoowa. 8:39; Room. 4:16; 9:6-8; Kala. 3:7, 29
2:17 Filib. 2:7; Ibu. 5:2; 1Yoowa. 2:2
2:18 Ibu. 4:15