Barweetaab
Yāākōbō
Taayta
Siriintēēt, yēē /kikēēsirē āk wōlēē /kikēēsirēē: Kisirē barwaani ꞉Yāākōbō nyoo ki ng'eetaabkaametiitaab Yēēsu. Inee ꞉nyēē kitookunoot miisin ām kāāntōōyikaab taay chēbo biikaab Kiriistō. Kiiyyoonkyinē ꞉inee kaniseetaab Yēērusālēēm. Kiyey ꞉yooto kōōyyoong'tēē ꞉kāāntōōyikaab Yuutayeek kōōk ām kēnyiitaab 62 KK, kōōntōōchinē ꞉kibkōrōs nyēē wōō Anaas nyoo bo āyēēng' /ānkiitiilchi meet. /Kikeewiiree rwoontōōk kut kume. Imuuchē /kikēēsirē barwaani kwēēnuutaab kēnyiitaab 45 āk 48 KK kunyi, siruutēk ꞉chuutēchu chēbo taay ām Kiirootyeet nyēē Lēēl. Nteenee isōōtē ꞉biiko chēē chaang' kule /kikēēsirē ām kwēēnuutaab kēnyiitaab 50 āk 59 KK. Nto kuuyu ki barwa nyēē kimāchāktōōs kuyityi biich chēē chaang', nwaach ꞉komosta nyoo bo kāāboorunēēt āmātinyē komosta nyoo bo kaateryeekeet.
Kiyēē mii āriit āk nyēē āmu: Kimāchāktōōs ꞉barwaani kuyityi biikaab Kiriistō choo ki Yuutayeek ānku miisin choo kiyēyē ꞉wusiisyēēt kusērētyinoot kōōrēētaab Rooma kumukuul yu /kabokeewiiree Steefaan rwoontōōk kume. Kuu wōloo /kiinkētitooy, king'ētunēē ꞉Yāākōbō Yēērusālēēm ām soboonnyii tukul ānkwoomchinē Yuutayeek nkit lōkōōywēk chēē kāroomēch. Kunyoo tookunoot kule kisirchinē barwaani biikaab Kiriistō choo Yuutayeek. Tookunoot mbo subak kule kitētu ng'aleekyii kutinyē Yuutayeek ām mētinyii. Ām kurkeetaab taayta, ibooru ām nwookinto tukuuk chēbo koomānuut chēē miitē wokung'āloolēē. Ibānyboonyē ām kurkootik choo ikēērē tukuuchuutēchu kurōōbunēē akeenke akeenke.
I-ārōōru ꞉barweet ng'aleek choo kyoomu Yēēsu ām lekem (kas Mataayo kur. 5-7). Ng'āloolēē ꞉Yāākōbō ām nwookinto kurubta keey ng'aseetaab keey, kaankweleet, bananta, mooroong'nateet, muchasta, kēntooyiisyēēt, yeyeetaab keey, ming'ātēētaab soboontaab kōōrooni, kaakabuubeet, wookuutyēēt, mōlōlchinooyēētaab ng'al āk alak chēē chaang'. Ibooru mbo subak kāroomnyēētaab kaakaaseet, tiliilinto, yibēētaab keey ng'wēny, saayeet, muytaayeet āk kiirnātēēt kurubta keey āk soboontaab chii nyēbo Kiriistō.
Ikiimē mbo ꞉Yāākōbō kule māchāktōōs kuwēēchiintōōs ꞉kaakaaseet āk yēyuutēk. Mā kiy ꞉kaakaaseet yoo ‑/mākiiboorunēē yēyuutēk.
1
Kyoorōōr keey ꞉Yāākōbō ānkōōsubooyiis
1 Anii nyoo Yāākōbō nyoo āyēchinē Yēyiin āk Mokoryoontēēt Yēēsu Kiriistō yiisyēēt. Āsubooyook akweek biikaab Kiriistō, choo ōkwoonēē aroosyek taman āk āyēēng' choo kyōōsērētyinootē kōōrōōsyēk chēē chaang'.Māārkō 6:3; Yēyuut. 21:18; 1Kōōr. 15:7; Kala. 2:9
Muytaayeet āk saayeet
2 Mbo ng'eetaabiya, yoo kōōnyōōru tyēmuutēk chēē chaang', ōyib kuyēk ng'erekweek, 3 kuuyu ōnkētē kule yoo kōōbuntēē tyēmuutēchoo ōkoosēē keey Yēyiin, mākukich ꞉muytaayeeng'woong'.Room. 5:3-5; 1Bēt. 1:6-7; 4:13 4 Yoo koomuyte, +mōōkiilchē nyēē ‑mōōkuskusiitu āmākoy kubotwook ꞉kiy bēsyēēt ake. 5 Nto yoo kābotwook ꞉kiirnān, osaay Yēyiin nyoo baybay āmābōlchinē biich. Yooto, mākukōōnook.Kāālēw. 2:6 6 Nto yoo soomē ꞉chii kiy, kumāchāktōōs kusoomē ām mooyēēt akeenke nyēē māmii ꞉kāāsōōtēywēēk alake. Chiito nyoo boonto kāāsōōtēywēēk āyēēng', kukerkeey āk keet nyēē isooyēnē ꞉yoomeet.Mat. 7:7; Ēfēēs. 4:14; Yāāk. 5:13 7 Kunyoo, ‑meesoot ꞉chii nyēē wuu nyoo kule nyōōru kiy kuchōōnēē wōlēē mii ꞉Yēyiin. Kubooyiit man, 8 iwiiywiiyoot ꞉chiichoo nyēē bērē nto wo kēēlto nyi nto nyi.
Mokornoontiit āk bananta
9 Māchāktōōs ꞉chiitaab Kiriistō nyoo /kēēmōōntooy ām kōōrooni kung'erech, kuuyu /kiikiitōrōōr ām Kiriistō.Yāāk. 2:5 10 Māchāktōōs kubāybāyiitu ꞉biikaab Kiriistō choo boonto bāytit yoo keechuchuuk ꞉Yēyiin kuuyu kēēytooy ꞉bāytit kuu toobtōōy chēē lēēltōōs,Yāāk. 5:1 11 chēē yoo katoor ꞉asiista, kusistōōs ankurarach. Imuuchē kunyōōr chii ꞉meet kutākumii kuswēē ng'aleekaab bāytit.Āyub 14:2; Tyēēn. 103:15-16; Isa. 40:6-8
Mātyēmē ꞉Yēyiin chii kuyey ng'ōōkisto
12 Mii nyēē karaam ꞉chiito nyoo kamuyta tyēmuutēk. Yoo kaakoomuukta tyēmuutēchoo, +/mākēētuwēnēē soboonto nyoo kikuurtoochinē ꞉Yēyiin biiko choo chāmē inee.1Kōōr. 9:24-25; Yāāk. 5:11
13 Yoo /kakeetyem chii kuyey ng'ōōkisto, mēērook kumwooy kule Yēyiin ꞉nyēē kātōōrchi kuyey ng'aleechaa miyootēch. Mēēmuuchāktōōs kutyem Yēyiin ꞉ng'ōōkisto āmēēbērē tyēmē ꞉Yēyiin chii kuyey ng'ōōki.1Kōōr. 10:13 14 Nteenee tyēmāktōōs ꞉chii yoo katoorta ꞉muchasta. 15 Yoo kaakubayta ꞉muchasnyii, kuyēk ꞉yooto ng'ōōki, nto yoo kāākuwōōyiit ꞉ng'ōōkisto kuyibu meet.Room. 6:19-21; Kala. 5:16-21; 1Yoowa. 2:16-17 16 Kunyoo ii, mbo ng'eetaabiya choo āchāmē, ‑mookany /keekentaak.
17 Rōōbu ꞉Baaba Yēyiin kiy ake tukul nyoo karaam āk nyoo churtaat. Yēyiin nkit nyoo kiyēyē lēbkēēyyēēt ꞉nyēē kōōnu tukuuchoo. Iyyoong'oot ꞉inee ankulebkeey ākookoy.Kāāyiit. 23:19; Mal. 3:6; Mat. 7:11 18 Kiikukwey ꞉Yēyiin kukōōnēēch soboonto kubununēē ng'ālyoontēētaab manta sukung'eet ām tukuuk tukul choo kiyēyē, kēēyēku ꞉acheek lōkōkyii.Yoowa. 1:13; Room. 8:19-23; 1Bēt. 1:23
Ikas ng'ālyoontēēt ānkiiyēyiisyēē
19 Mbo ng'eetaabiya choo āchāmē, okas ng'aleechu: Māchāktōōs kuyēbchinē yiit ꞉chii ng'aleek ām kēēlto nyēē karaam. Māmāchāktōōs simkōōroonchinē ꞉chii ng'al āmāsimkunyēēru.Yāāk. 3:2-12 20 Mākōōnu ꞉nyēērunātēēt kiyoo churtaat nyoo mākyinē biich ꞉Yēyiin. 21 Kunyoo, obakaakte ātēbuutēk alak tukul choo mā kāroomēch āk rōkōs nyoo kiikoolaambuuch kōōrēēt ankoocham ām mooyēēt akeenke ng'ālyoontēēt nyoo imuuchē kooraraachaak nyoo !kyōōnyōōru.Kolos. 3:8; Ēfēēs. 4:20-24 22 Yoo kookas baateey ng'ālyoontēētaab Yēyiin āmēēbērē kooyey kiyēē mwooyē ꞉ng'ālyoontoonoo, ōmiitē ōbērbēērē keey.Mat. 7:21-27; Yāāk. 2:14-20 23 Chii ake tukul nyoo yēbchinē yiit ng'ālyoontēēt āmāyēyē kiyēē mwooyē ꞉ng'ālyoontoonoo, kukerkeey āk chii nyēē kāsēē eernyii kiiyēēt. 24 Makukas sinee eernyii nteenee yoo kāākuwēēchi keey, kāmēētākōōnkētē wōlēē kāwuunto. 25 Nteenee chiito nyēē koomānē mākuutyēēt nyoo churtaat nyoo ityooktooy biich āmāwuutyēē ng'ālyoontoonoo ānkuyēyiisyēē, +/mākiibēruur chiichoo ām kiy ake tukul nyēē yēyē.Yoowa. 8:32; 13:34; Kala. 2:4; 6:2; Yāāk. 2:12, 24
26 Nto chii ake tukul nyoo yibē keey kule rubē mākuutyēētaab Yēyiin āmēēbērē riibē kuutiinyii, kākwērto keey ꞉nyoo ānku buch ꞉wōlēē sooytooy ām taayeetaab Yēyiin.Tyēēn. 141:3; Yāāk. 3:2, 8-10 27 Kēēlto nyēē tiliil kurubta keey āk wōlēē /kēēsooytooy ānku nyēē māchē ꞉Yēyiin ku nyi: /Kēēriibē lēēkōōy choo bānoon āk musukuunēk ankusatee keey ꞉chii miyootyēēt nyoo yēyē ꞉biiko choo bo kōōrooni.Tyēēn. 10:14, 18; Isa. 1:17; 1Yoowa. 2:15-17
1:1 Māārkō 6:3; Yēyuut. 21:18; 1Kōōr. 15:7; Kala. 2:9
1:3 Room. 5:3-5; 1Bēt. 1:6-7; 4:13
1:5 Kāālēw. 2:6
1:6 Mat. 7:7; Ēfēēs. 4:14; Yāāk. 5:13
1:9 Yāāk. 2:5
1:10 Yāāk. 5:1
1:11 Āyub 14:2; Tyēēn. 103:15-16; Isa. 40:6-8
1:12 1Kōōr. 9:24-25; Yāāk. 5:11
1:13 1Kōōr. 10:13
1:15 Room. 6:19-21; Kala. 5:16-21; 1Yoowa. 2:16-17
1:17 Kāāyiit. 23:19; Mal. 3:6; Mat. 7:11
1:18 Yoowa. 1:13; Room. 8:19-23; 1Bēt. 1:23
1:19 Yāāk. 3:2-12
1:21 Kolos. 3:8; Ēfēēs. 4:20-24
1:22 Mat. 7:21-27; Yāāk. 2:14-20
1:25 Yoowa. 8:32; 13:34; Kala. 2:4; 6:2; Yāāk. 2:12, 24
1:26 Tyēēn. 141:3; Yāāk. 3:2, 8-10
1:27 Tyēēn. 10:14, 18; Isa. 1:17; 1Yoowa. 2:15-17