10
Kiiyookto ꞉Yēēsu lēbkēēyikyii taman āk āyēēng'
(Māārkō 3:13-19; Luuka 6:12-16)
1 Kikuur ꞉Yēēsu rubiikyii taman āk āyēēng' ānkōōkoochi kāāmuukēywēēk kōōbēbēētooy tāmirmirook chēē miyootēch ānkōōsoobē biiko choo tinyē bōōrwoon alak tukul.
2 Lēbkēēyichooto ku chu: Simōōni (nyoo kaayneenyii ake ku Bētērō), ng'eetaabkaamet Antereeya, Yāākōbō araab Sebetaayo kuboonto keey ng'eetaabkaamet Yoowaana.Luuka 6:13 3 Filibō ākoo Baatolomaayo, Toomaas ākoo Mataayo kāāruruukiintoonoo kibo *syuuruut, Yāākōbō araab Alfaayo ākoo Taataayo, 4 Simōōni Kananaayo*Ibooru ꞉kaaynaani ām kuutiitaab Yuutayeek kule ‘nyēē kāng'unoot’. ākoo Yuuta Iskaryoot nyoo kichokuchoomtooy Yēēsu.Yoowa. 1:40-44; Yēyuut. 1:13
5 Yooto, kumwoochi kule, “‑Moobe wōlēē miitē ꞉biiko choo mā Yuutayeek āmōōwut kiriinkēēt ake tukul nyēbo biikaab *Samaaryaa,Luuka 10:33 6 nteenee obe wōlēē miitē ꞉biikaab Isrāyēēl choo kiikubootyo kuu kēēchiir.Cherem. 50:6; Mat. 15:24; Yēyuut. 13:46 7 Ō-āmtootē kule, ‘Kaakuyit ꞉bāytooyiisyēētaab Yēyiin.’Mat. 4:17 8 Ōsoobootē choo mnyoontōōs, ōng'ēētootēē meet choo kiikubēk, ōsoobē choo boonto *makereenik, ānkōōbēbēētootē tāmirmirook chēē miyootēch. /Kākēēkōōnook kāāmuukēywēēchu buch, kunyi ōkooytooy ꞉nkakweek buch. 9 Manamaat ꞉chii *ta-aabuut mbo kisich, *feetaanik nto ku beesaan alak tukul ām mbisinyeenyii. 10 Manam mbo lool nto ku sira nyēē iliiktēē keey, kwēyōōn nto mbo kirōk, kuuyu yēmē chii nyoo kāākubirto nkuruukyii /kēēkwēchi kiy.1Kōōr. 9:14; 1Tēm. 5:18
11 Yoo kōōwut kiriing' nto ku saang'ta ake tukul, ocheeng' kaytaab chii nyēē sikēn ānkōōbuur kayaata ākoy yoo ōbēēchinē keey. 12 Yoo kōōwut kaab chii, ōsoomchi bērur. 13 Nto yoo nyoolchinē /kiibēruur, kunyōōr kaalyeet. Nto yoo mānyoolchinē /kiibēruur, kutēbi.Luuka 2:14 14 Yoo kamataachaak ꞉chii nto kumakas ng'aleekwook, olelekte tēērtit ām kērēēnkōōkwook yoo ōng'ēētyēē kayaata nto kiriinkoonooto kōōboorchi kule tākōōbuurtooy ng'ōōkisng'waa.Yēyuut. 13:51 15 Lēyyē, !kāāmwoowook, +/mākiing'woonchi bichoo bo kiriinkoonooto miisin kusiir ng'wooninto nyēē nyōōru ꞉biikaab Komoora āk Sōtōm bēsyoonoo itiilchinē ꞉Yēyiin ng'aleek biiko ām kōōrēēt.”Luuka 10:4-12Toowu. 18:20; 19:1-29; Mat. 11:24; Luuka 10:12
Nyāliluutēk āk wusiisyēēt
(Māārkō 13:9-13; Luuka 21:12-17; 12:2-9, 51-53; 14:26-27)
16 Kitas taay ꞉Yēēsu kumwooy kule, “Āyooktook ꞉anii bōōyēyiisyootē okerkeeye kēēchiir chēē miitē suuyiik kwēēn. Kunyoo ōkāsu ānkōōyibē keey ng'wēny.Luuka 10:3 17 Ōriib keey, kuuyu mākōōyyoong'tēēnook ꞉biiko kōōk ānkubirook ām wōloo bo kooriikwaa bo saayeet.Yēyuut. 5:40; 2Kōōr. 11:24 18 +/Makiimutaak taayeetaab bāytooyik kubo anii. Okany kuyēk ꞉nyooto bārooyinto nyēē kōōmwoochinēē bichooto ākoo choo mā Yuutayeek kiyēē ōyēnchinē. 19 ‑Mookany kooyiimaak mētēwoy ꞉kiyēē ōmwooyē nto wōlēē ōmwooytooy kiyooto. +/Mākiiboorwook yooto kiyēē ōmwooyē 20 kuuyu mēēbērē akweek ꞉chēē +mōōng'āloolē, nteenee Tāmirmiryēētaab Baaba ꞉nyēē mākung'āloolē kubuntēēnook.Luuka 12:11-12
21 Makuchaamta ꞉chii ng'eetaabkaamet /keebakach, kuchaamta ꞉chii lakwanyii ānkuwēēkyi keey ꞉lēēkōōk sikiikwaa kuyey /keebakach.Mat. 10:35; Māārkō 13:12; Luuka 21:16 22 Mākuwēchook ꞉biiko kubo anii. Nteenee chiito nyoo kamuyta ankookaaseenaa keey ākoy tabanta, +/makiiraraach.Mat. 24:9-14; Yoowa. 16:1-4Luuka 6:22; Yoowa. 15:18-19 23 Yoo /kākēēwusēēnook *kiriinkēēt ake, ōmwēchi ake. !Kāāmwoowook, ‑mōōmuutu kiriinkōōsyēkaab Isrāyēēl tukul kumānāāyitu *꞉Wēritaab Chii.”Yēyuut. 8:1
24 Kitas taay ꞉Yēēsu kumwooy kule, “Mā wōō ꞉rubiintēēt kusiir kāānēētiintēēnyii āmā wōō ꞉motwooriintō kusiir mokoryoontēēnyii. 25 Nyoolchinē /kēēyēchi rubiintēēt kiyēē /kēēyēchinē kāāntōōyiintēēnyii, ānku ākoy /kēēyēchi motwooriin kiyēē /kēēyēchinē mokoryoontēēnyii. Yoo /kēēkuurēēnoo anii *Bēēlsēbuul ānkāāyēku chiitaab kayta ii, kucham nee biiko choo mii kanyuu?Yoowa. 13:16Mat. 9:34
26 ‑Mōōmuyēē choo wusook. +/Makeeng'aany kiy ake tukul nyēē iyēēnoot ānku +/mākiiboor kiy ake tukul nyēē wunyaat.Māārkō 4:22; Luuka 8:17 27 Ōbāroostooy ng'aleechu ā-āmwook kumākāsē ꞉chii /keekas kāroomin. Nto kiyēē /kēēchoomwook, ōkuurtē kukas ꞉biiko tukul. 28 ‑Mōōmuyēē choo bākāchē bōōrto āmēēmuuchē kubakach tāmirmiryēēt. Nteenee ōmuyēē nyoo imuuchē koo-armuusee bōōrto āk tāmirmiryēēt maataab kibchuulyo.Tyēēn. 56:4 29 /Kyooltēē oob kootiitiiyēēnik āyēēng' beesaan chēē mābo laat? Ānkoo kuwuu nyooto, ‑mēēsuuwu mbo ꞉akeenke yoo manaacham ꞉Baaba Yēyiin. 30 Ntēē inkētē mbo ꞉Yēyiin wōlēē tēē ꞉buutēēk ām mētitaab chiito.Luuka 21:18 31 Kunyoo, ‑mōōmuuyē, kuuyu chāmook akweek ꞉Yēyiin miisin kusiir kootiitiiyēēn chēē chaang'.
32 Chii nyoo kachamta ām taayeetaab biiko kule chāmoo, +maachamte ꞉nkanii chiichooto ām taayeetaab Baaba. 33 Nto nyoo katayeenaa taayeetaab biiko, +maatayee ꞉nkanii taayeetaab Baaba.”Māārkō 8:38; 2Tēm. 2:12
34 Kitas taay ꞉Yēēsu kumwoochi rubiikyii kule, “‑Moosoot kule kyāāchōōntooy ꞉anii tāloosyēēt kōōrēēt, nteenee kyāāyibu ng'ot, 35 kuuyu kichāāwuulyē biiko. Tooytōōs ꞉wēēro ākoo kwaan, kutooyo ꞉chēēbto āk kaamet ānkutooyo ꞉koorkēētaab wēēriit ākoo cheebyoosyeetaab biikooy.Mat. 10:21; 24:10; Māārkō 13:12; Luuka 12:52-53 36 Mākuwēchē keey ꞉biich chēē tilyōōnuut.Miika 7:6
37 Chii nyoo chāmē kwaan nto kaamet kusiir wōlēē chāmtoo anii, māyēmē ꞉nyoo kuyēk rubiintēēnyuu. Nto nyoo chāmē wērinyii nto ku chēēbnyii kusiir wōlēē chāmtoo anii, māyēmē ꞉nkinee kuyēk rubiintēēnyuu.Mat. 19:29 38 Nto chii nyoo kamachamta soboonnyii†Mwooyē ꞉yuutēyu kule ‘kamakalab murtooywoontēēnyii’ yoo /kākēēwēēkyiin ng'ālyoo āk ng'ālyoo. Ām bēsyōōsyēchooto, ki yoo kakalabaat ꞉chiito *murtooywoontēēt kōōbooru kule miitē /bokēēbākāchē. kubo anii sukuruba, māyēmē ꞉nkinee kuyēk rubiintēēnyuu. 39 Nyoo kāyēētyi keey soboontaab kōōrooni, mākōōboot soboonnyii bo kibchuulyo. Nto nyoo kēēkooyto soboonnyii ām kōōrooni kubo anii, mākunyōōr *soboontaab kibchuulyo.Mat. 16:24-25; Luuka 17:33; Yoowa. 12:25-26
40 Chiito nyoo kataachaak kaakutaacha nkanii, nto nyoo kataacha anii kaakutaach Yēyiin nyoo kiiyookwoo.Mat. 18:5; Yoowa. 13:20; Kala. 4:14 41 Chii nyoo tōrōōchē *wōōrkooyoontēētaab Yēyiin kuuyu wōōrkooyoo, kunyōōru kiyēē /kēētuwēnēē wōōrkooyoontēēt. Nto chii nyoo tōrōōchē chiito nyoo churtaat kuuyu churtaat kunyōōru kiyēē /kēētuwēnēē ꞉chiichooto churtaat. 42 Kāāmwoowook, chii nyoo kārāmchi mbo bēy rubiintēēnyuu ānkoo kumātookunoot ꞉rubiintoonoo, +/mākēētuwēn chiichoo.”
10:2 Luuka 6:13
*10:4 Ibooru ꞉kaaynaani ām kuutiitaab Yuutayeek kule ‘nyēē kāng'unoot’.
10:4 Yoowa. 1:40-44; Yēyuut. 1:13
10:5 Luuka 10:33
10:6 Cherem. 50:6; Mat. 15:24; Yēyuut. 13:46
10:7 Mat. 4:17
10:10 1Kōōr. 9:14; 1Tēm. 5:18
10:13 Luuka 2:14
10:14 Yēyuut. 13:51
10:15 Luuka 10:4-12
10:15 Toowu. 18:20; 19:1-29; Mat. 11:24; Luuka 10:12
10:16 Luuka 10:3
10:17 Yēyuut. 5:40; 2Kōōr. 11:24
10:20 Luuka 12:11-12
10:21 Mat. 10:35; Māārkō 13:12; Luuka 21:16
10:22 Mat. 24:9-14; Yoowa. 16:1-4
10:22 Luuka 6:22; Yoowa. 15:18-19
10:23 Yēyuut. 8:1
10:25 Yoowa. 13:16
10:25 Mat. 9:34
10:26 Māārkō 4:22; Luuka 8:17
10:28 Tyēēn. 56:4
10:30 Luuka 21:18
10:33 Māārkō 8:38; 2Tēm. 2:12
10:35 Mat. 10:21; 24:10; Māārkō 13:12; Luuka 12:52-53
10:36 Miika 7:6
10:37 Mat. 19:29
†10:38 Mwooyē ꞉yuutēyu kule ‘kamakalab murtooywoontēēnyii’ yoo /kākēēwēēkyiin ng'ālyoo āk ng'ālyoo. Ām bēsyōōsyēchooto, ki yoo kakalabaat ꞉chiito *murtooywoontēēt kōōbooru kule miitē /bokēēbākāchē.
10:39 Mat. 16:24-25; Luuka 17:33; Yoowa. 12:25-26
10:40 Mat. 18:5; Yoowa. 13:20; Kala. 4:14