13
Jakle'n ẍch'eybil ketz tetz Ryos
1 Wajcaw ¿tona' nin nu'l tx'akx tc'u'lu'?
¿Junawes pe' ja ne'l te c'u'lu'?
¿Tona' nin qui't tew tibu' tzinwutz?
2 Ta' ¿tona' nin qui't chimbisun?
¿Tona' nin qui't tzintij q'uixc'uj?
¿Tona' nin qui't chicawun yi e' incontr swe'j?
3 Wajcaw, ilu' inRyosil.
Elk k'ajabu' swe'j.
Tbite'u' inyol, ẍe'nk chintzatzin junt tir.
Na i waj yi quil chinquim chan.
4 Bantz quil cyal incontr: “Ja kaxcye' te'jx.”
Na kol chinquim, chitzatzink yi e' incontra'tz swe'j.
5 Poro yi in wetz cho'n nin k'uklij inc'u'l te yi banl talma'u'.
Nin yi walma' ilenin na tzatzin, na ilu' colol wetz.
6 Wajcaw, ilenin swak'e' ink'ajsbil teru'.
Na wi'nin banl talma'u' swibaj.