15
Yi e' yi ba'n chinaje' tu Ryos
1 Wajcaw, ¿na' scyetz e' yi ba'n chinaje' le najbilu', yi chin xan nin?
¿Na' scyetz e' yi ba'n chinaje' wi ju'wtz kale najle'tu'?
2 Ntin cu'n yi e' yi tz'aknak cu'n, yi e' yi na chiban yi e'chk takle'n balaj, yi e' yi na cyal yi mero bintzi, yi qui'c tx'otx' te chiyol.
3 Ntin cu'n e' yi qui na cho'c tan yolche'n junt, yi qui na chinuc' cyen jun e'chk takle'n cachi' te cyamiw, yi qui na cyak'e'n jun c'oloj yol te chiwisin.
4 Ntin cu'n e' yi qui na cyak' chik'ej yi e' mal nak, ma na ntin na cyak' chik'ej yi e' yi na cyek ẍchi'wu'.
Ntin cu'n e' yi na el chik'ab te chiyol, mpe nink chitz'akon tan paj.
5 Ntin cu'n e' yi qui na chijak ta'al chipu'k yi na cyak' chipu'k tan c'mo'ni'n.
Ntin cu'n e' yi qui na chipwokin tan tak'le'n til jun yi qui'c paltil.
Cyakil yi e' yil chiban tane'n yi xtxolbila'se'j, quil chipo'tij cyera'tz.