43
Chin colpe'u' ẍchik'ab yi e' mal nak
1 Siwl Ta', chin ma'laju' bantz tilolu' yi qui'c impaltil.
Xomok wi'u' swe'j, na qui'c wil.
Chin colpe'u' ẍchik'ab yi e' mal nak, yi e' yi chin la'j nin e'.
2 Na yi ilu' teru', ilu' inRyosil, ilu' colol wetz.
¿Mbi tzuntz yi nchincyaj tilolu'?
¿Mbi tzuntz yi na tak'u' ama'l tan imbisune'n?
¿Mbi tzuntz na tak'u' ama'l scyetz incontr tan imbuchle'n?
3 Ẍchaje'u' yi bintzi swetz.
Ẍchaje'u' swetz bantz inxome'n te yi balaj be', yi na opon kale atit yi wi'wtz yi chin xan nin, kale najle'tu'.
4 Ko ya'tz tuleju', nocopon tzuntz swutz yi patbil katx'ixwatz.
Swak'e' ink'ajsbil swutzu' tan arpa.
Na ntin ilu' Ta', na ak'on tzatzin swetz.
5 Cha'stzun te,
¿mbi xac tzincabej inc'u'l?
¿Mbi xac na chimbisun?
Ba'n tcu'n k'ukek inc'u'l te wetz inRyosil.
Swak'e' ink'ajsbil tetz.
Na i' inRyosil, nin i' yi colol wetz.