93
Yi kaRyosil, i' yi wi'tz rey
Yi Ryos i' yi wi'tz rey. At yi tetz pak'puchal.
Nin wi'nin ẍchamil i'. I' bnol tetz yi munt, nin qui'c rmeril tan ẍchuque'n.
Nin iẍnin atu' wi ẍchemu' tan cawu'n. Na iẍnin at teru'-tz.
Yi tzanla' wi'nin na wajcan. Nin wi'nin ẍchamil yi pak'bil mar.
Poro yi ilu' teru' Ta', mast cunin ẍchamilu' swutz yi tojkbil tzanla' tu yi pak'bil mar.
Chin tz'aknak cunin yi ca'wlu' Ta'.
Quil xit tera'tz tetz ben k'ej ben sak.
Chin tz'aknak cunin ilu' yi na cawunu' le ca'lu'.