35
Benjamin awey akely atnyeneyel, Rachel ilweyel
16 ... Jacob ikwerenh-rnem-akertel Bethel ikwer-they alpek. Rernem apmer Eprath-they arleng-antey alpenh. Rachel ra arntety awelhenh.
17 Arelh warrkenh rarl Rachel renh arntarnt-arenh. Arelh ra Rachel renh ilek, “Ntwa awey atnyeneyel.”
18 Rachel ra ilwetyek-anem irrek, ra awey renh itnewek Ben-Oni. Rachel kel ilwek. Aynelikw ikwerenh renh itnewek Benjamin. ...
Isaac ilwek-anem
27 Jacob ra alpek aynikw ikwerenh apmer-warl, apmer itnan Hebron, itna ingweran Mamre, Kerath Arba-they arrer.
28 Aherrety 180 ra anenh. Isaac ra ilwek.
29 Alerikw ikwerenhel atherr Esau-el, Jacob-el atherr renh apmer-itwek akwernek, rarl ilwek. ...